طيب خويك اللي راحلهم وهم مااتصلوا عليه وش قالهم ..........؟

تحياتي أخوي فهد،
كلامك صحيح نوعاً ما، لكن لو فكرنا شوي وقلنا ليش من الأساس ما طلبوا شهادة خلوا سوابق!
لأن كل متقدم يطلب منه هذه الشهادة، يطلب منه عند الإنتهاء من المقابلة، أعرف تقريباً اثنين من أعضاء المنتدى طلبوا منهم شهادة خلوا سوابق بعد أنتهاء المقابلة!
وزي ماقلت لك ، كلامك في شيء من الصحة والواحد مايمنع أن يكلم السفارة أو يروح لهم ويستفسر عن سبب تأخير صدور الفيزا؟
أشكرك على هذا الإهتمام والله يجزاك الف خير
حبيت فقط أشاركم برأي،
وتحياتي لك أخوي الامبراطور
شكراً

حبيت اسأل اقدر اروح لسفاره وانا ما معاي خطاب توصيه ؟ لاني بطلع الفيزا وبروحلهم عشان يلحقوني با البعثه لان احد الشروط غير مستوفيه فيني

أخوي الامبراطور : سألوه هل قمنا بالاتصال بك ؟ فأجاب " لا ولكن لي الآن 28 يوم من إجراء المقابلة " .
الأخ sasj :الله يسلمك .. ومشكور على مرورك .. وزميلي ماطلبوا منه في البداية وانما بعد مضي 28 يوم دون اتصال ..
الأخ مزوون : نعم تستطيع الذهاب الى السفارة بدون خطاب ولكن ربما أنهم يطلبوا منك الخطاب فيما بعد
تحياتي

طيب اخوي فهد انا الان لي 21 يوم ولا اتصال ولاشي ........ظنك اروح ووش اقول لهم ؟اذا دخلت طبعاً
ورحتلهم والسوداني اللي على الباب قال ماتدخل قلت ليه قال انتظر الين ندق عليك ......

يا شباب انا رحت لهم اليوم الصباح ... اول واحد مرتز عند البوابة جلست نصف ساعة طقاق انا والعسكري لين دخلني وخلاني اول واحد بالسرا ......... انا مقدم في 14/8/2005 يعني قبل شهرين وعشرة ايام ... قال لي اللي سوا معي المقابلة بنتصل عليك ولا تجي قبل 5/10/2005 عشان يكون فيه 90 يوم قبل الدراسة ... رحت لهم في هالتاريخ وسالوني اذا هم اتصلوا علي والا لا وقلتلهم لا .... قالوا خلاص لا تجي الا لما نتصل عليك ... ورحت لهم اليوم وقلت لهم انكم وقلتلهم وش صار ... وسألوني اذا هم اتصلوا علي والا لا قلت مدري جوالي مع اخوي ... وراح 10 دقايق ورجع وقال لا تجي الا لين ندق عليك يمكن اسبوعين والا ثلاثة .... لي اكثر من شهرين وبأتم ثلاثة ما عطوني شي مع العلم اني من اول المتقدمين بطلب للفيزا ....... وغير كذا واحد من الشباب مقدم بعدي ... وراح للسفارة وهم ما اتصلوا عليه وعطاهم جوازة وقالوا له تعال بعد اسبوع وراح وخذ الفيزة الله يوفقه ..........
انا صراحه ما ادري ليش هذا الاستقعاد ...

8
8
قسم بالله ضيقت صدري

السلام
انا كانت مقابلتي يوم 19/ اكتوبر /2005 وعطوني الورقة الصفراء وقاللي بنتصل عليك ولكن ال I-20 حقي منتهي وطلب مني واحد ثاني لكن عندي ورقة راسلتها الجامعه لي اني اقدر ادرس حتى في بداية 2006 وناضر الورقة وقال صحيح بس طبعا انا كلمت الجامعة قالو احنا عارفين شغلت الفيزا ولذالك عطيناك مهلة ووقتين للدراسة ولي الحرية في الاختيار وسوف ترسلي الجامعة I-20 اخر وعلى افتراض انه سوصل الاربعاء 26/اكتوبر/2005
انتضر لين ما يتصلون علي ولا اروح بعد 20 يوم المشكلة اني من الاحساء خايف اضرب مشوار على الفاضي

_الامبراطور_
السلام عليكم الامبراطور عادي انا صار معي مثل اللي صار لك كان موعد المقباله في 14/9/2005
وقال لي فيه اجراءات روتينيه واستفسارات عنك بواشنطن بنسئل عنك ولا نشوفك الا لين نتصل عليك
وقال لي اللي قابل معي جدد ال i20 وسدد السيفيس هذي نواقص عندك طبعا اذا اتصلنا فيك
المهم 31 يوم بضبط يعني في تاريخ 15/10/2005 واتصلو عليه الساعه 1.40 كلمتني موظفه مصريه قالت لي مبروك جتك الموافقه من واشنطن جددت ال i20 قلت لا توني,, قالت لي متى ما جددته تعال
ولا تنسى السيفس وسلام عليكم ,,,, المهم جاي القبول من الجامعه في تاريخ 25/10 ورحت لهم ومعي
الورقه الصفراء على طول توجهت الى شباك 6 فيه موظفه لبنانيه محجبه بس نفسيتها صفر على الشمال
(ما علي منها ) اول ما وقفت قالت دقينا علك قلت طبعا قالت عطني النواقص عطيتها اللي عندي وقالت
هذي بطاقه لونها اخضر تستلم فيها الفيزة وهات جوازك و الوعد 14/ نوفمبر وتوكل على الله
الزبدة انتظر الى ما تكمل شهر من تاريخ زيارتك وراح يدقون عليك باذن الله وهذا صار مع كم شخص مو
انا بس اذكر العضو الكريم مايمديك قال انه صار معه نفس اللي صار معي ولك تحياتي والسلام ختام