- وهذي صورة المنسف ... بصراحه اعجبني ;)
- وهذي صورة لعمّان من الشقة ... صورة نهارية وليلية
حسبي الله عليك يا أولمرت ... خربت بيروت وخربت إجازتي معها ... كنت مضبط وضعي أجلس هناك الاجازة كلها بس اتفركش كل شي !!
طلعت السنة هذي في الاجازة على بداية شهر أغسطس ولا أدري وين أروح ! ... لما قالوا ابوي وعمي انهم بيروحون الاردن يشوفون أوضاع عيالنا اللي يدرسون هناك وعندهم ترم صيفي ... قلت لابوي : ما تبي لك سوّاق ؟ قال : اركب ... مشينا من الجبيل الساعة 7 الصبح ... النعيرية - حفر الباطن - رفحاء - عرعر - طريف - القريات ... وصلنا القريات الساعة 6 المغرب ... ريحنا في القريات ساعة وقصينا التربتيك ودخلنا الاردن ... وكل أمورنا تمام سواء في الجوازات السعودية أو الاردنية ... وصلنا عمّان الساعة 9.30 بالليل ... وصلنا شقة العيال و حطيت راسي نومة ما قمت منها الا 12 الظهر اليوم الثاني من تعب الطريق
أول يوم تغدينا في مطعم ريم البوادي ... مطعم مشهور في عمّان ب أكلة "المنسف" ... وهذي صورة لمدخل المطعم
وهذي صورة المنسف ... بصراحه اعجبني ;)
طبعا اللي يروح للأردن ولا يروح للبحر الميت ما عنده سالفة ... ومن ثاني يوم احنا هناك ... أنا زرته قبل خمس سنوات وكان ما فيه اهتمام أبدا ... لكن السنة هذي شفت منتجعات كثيرة على الشاطئ تقدم خدمات للزوار برسوم دخول ... وهذي صورة للبحر الميت من منتجع شاطئ عمّان السياحي
أكثر مكان زرته في عمّان هو مجمع مكة مول ... يومياً وجبة الفطور تكون فيه ... مجمع كبير من أربع طوابق ... فيه محلات لأشهر الماركات ومطاعم ومقاهي وأهم شي فيه سينما ... اتفرجت فيه على فيلم كتكووت وفيلم ميامي فايس ... رايق كثير هالمجمع .. هذي صورة له من داخل وخارج المجمع
فيه مكان مشهور يستحق الزيارة ... اسمه حدائق الملك حسين ... فيه ملاعب رياضية وكافيهات ... والمكان مزروع ويصلح "ممشى" ... وفيه برضوو متحف السيارات الملكي ... المتحف هذا فيه كل سيارات الملك حسين المشهور بحبه للسيارات ... هذي صور من المتحف الملكي
وهذي صورة لعمّان من الشقة ... صورة نهارية وليلية
فيه أماكن كثير زرتها لكن ما صورتها مثل حمامات معين (انصح بزيارتها) و المدرج الروماني والقرية العالمية وغيره من الاماكن ... الأردن بلد سياحي جيد جداً ... والصيف هذا كان مزحوم جدا بالسياح خصوصا الخليجيين ... وأغلب السياح هناك يسكنون في أحياء عمّان الغربية ... مثل الصويفية الشميساني الدوار الخامس عبدون الجبيهة ...
هذا والسلام عليكم ورحمة الله وبركاته
تم التحرير في
31-08/2006
S a A a A a H i
تقرير موجز وسريع ..
في زيارتي لعمان هذا العام ..لم ازر أي منطقة مما ذكرت .. الا القرية العالمية ..
كانت لي وجهات اخرى ... ومنوعة ..عجلون ...جرش ..وغيرها ..
يعطيك العافية وهلا فيك