مرحبا جاسم
العفو اخوي وياهلا بك
الحمدلله ان التقرير المبسط عجبك ان شالله تتابع للنهاية
وكلنا طبعا نشكر بن بطوطة وبصراحة طبعت كلماته وأخذت الورقة معاي
بن بطوطة
وستفدنا منها وايد
شكرا مرة ثانية واشكرك بعد لمعلوماتك الرائعة

مرحبا na9erq8
الله يسلمك وان شالله التكملة في الطريق
تابعونا

مرحبا استاذنا بوعلاء
الله يعافيك ويسلمك
تشرفنا بوجودك

بعد صلاة المغرب قال السايق انه بياخذنا الى مطعم كان زمان
انا اقول لهم لو في النهار يكون افضل تذكرت صور بن بطوطة عن المطعم
لكن محد سمع كلامي
المهم رحنا ووصلنا وكان برد ومطر وقليل من الثلج اللي يذوب بسرعة لوجود المطر معه


المكان هادي ومحد طبعا لان شتا

النقش على بيض النعام




هذا الرمل الملون الموجود بالغراش انا فكرته في البداية انهم ملونينه
لكن الريال يقول لنا انه رمل يجيبونه من منطقة البتراء ويتفنون فيه يصلح كهدايا يشترونه السواح لمعارفهم ويكتبون الاسم اللي يبونه

ما التقطت الكثير من الصور لان الوقت ليل
واكتفيت بمشاهدة المعروضات الاثرية الموجودة بالداخل


طلعنا وما تعشينا عندهم لان كان خالي من الناس مافي الا احنا واللي يشتغلون هناك
وتعجبت انهم طابخين كمية كبيرة ومجهزين كل شي ومحد عندهم
استحييت اصورهم لانهم كانوا يطالعونا
قلت يالله مب لازم

بصراحه شفت العنوان
رحلة الأردن ّ فبراير 2006
قلت على طول... أكيد هذه غيمة وفا ...
ماشاء الله عليك ...تسلمين ياخطيره..