منظر الفندق بعد الانطلاق

اترككم مع المنظر اللي اعجز عن وصفه طبعا الرحلة كانت في منتهى الروعة والهدوء والسكينة وكانت تجربة لاتنسى اتمنى اللي بيزور ابوظبي يجرب الكاياك ويستمتع بالرحلة البحرية

يا سلام عليك أخوي عامر
رجعتني لذكريات رحلتي لكن اتمنى لو قدرت آخذ صور حلوة مثلك، اعتمدت الموبايل لكن خفت عليه ليخرب من الماء
وأذكر انه وأحنا نجذف كان في سلحفاه قريبة تظل ترفع راسها وتسبح معنا منظرها جدا حلو
مشكور أخوي على التقرير الجميل جدا

رحلة وتجربة اكثر من رائعة
أعجبني الموضوع جداً
هل الشخصين في القارب الواحد 300 درهم ؟
تسلم ايدك اسعدتنا

السعر جيد على مده الرحلة
المكان روعه لو فيه رشه مطر يطلع اروع
سؤال
للي يحب الخصوصيه ومايبي دليل .. يسمحون؟
وكم عمق البحر ؟

ماشاءالله تبارك الرحمن
روعه المناظر والفاعلية روعه عليكم بالعافيه
صج الواحد يستانس بالهدوء حوالينه
نتمنى نشوف فعاليات اخرى للبحر والصيف

مسافرأبوظبي
وعليكم السلام ورحمة الله وبركاته يامرحبابك اخوي مسافر ابوظبي نورت البوابة ويجعل ذكرياتك دوم جميلة ان شاء الله فعلا فاتني منظر السلحفاة واكيد فاتني منظر اشياء كثيرة وانا مثلك فعلا خفت ان مركب الكاياك ينقلب ويطيح التلفون والكاميرا فالماي لدرجة اني جبت معاية كيس بلاستيك بس عشان اصور هذي اللحظة للمنتدى ولكن الحمدلله عطوني كيس ضد الماء اضع فيه الكاميرا والتلفون والامور عدت على خير شرفني مرورك العطر

طارق عنايات
مرحبا مشرفنا طارق عنايات هو سعر الشخص 150 درهم , يعني اذا كنا شخصين نقدر ناخذ عدد 2 كاياك ب 300 درهم , ولكن نحن خذنا كاياك واحد بوشخصين فالحسبه صارت 300 درهم لانهم يحسبون على الشخص الواحد. شرفني مرورك

TARZAN
مرحبا اخي العزيز طرزان فعلا السعر جيد بالنسبة لمدة الرحلة وبخصوص ان الجو فيه رشة مطر راح يكون اروع اكيد واضف الى ذلك طلعة الصبح وتوها الشمس طالعة والمغرب على مغيب الشمس اما الخصوصية فراح تجدها ولكن بالبداية هو يسالك تعرف للكاياك او لا وراح يكون معاك اول 3 دقايق وعقب راح يبتعد عنك مثل الصورة اللي تحت هو بعيد , بس مجرد انه يحاسب ان احد مايعرف يسبح او انقلب الكاياك , وانا شفت بصراحة اجانب من غير دليل او مرافق وبخصوص عمق البحر فلا علم لي بصراحة