الفيتو
كل عام وانتم بخير ... وعيدكم مبارك ...
اخواني وحبايبي بإذن الله رحلتي الاسبوع القادم حبيت استشيركم في كذا شغله ،،،،
الاولى :
الباصات من بينانج الى الكاميرون
ومن الكاميرون الى جنتنغ احترت في الشركات
مدري وش الافضل والارخص والاجمل
يونيتيتي والا ايرولاين والا نايس ؟؟
باصات نايس هي الافضل
الثانية :
شرائح الاتصال وش افضل شركة ؟ يحتاج اني اطلب شريحة انترنت والا لا ..؟؟
سليكوم او ماكسس والنت حسب الفندق هناك فنادق تقدم النت مجاني وحسب رغبتك
الثالثه :
اباخذ معاي اللاب توب مع الهارديسك الخارجي
وايباد
وايفون
وكاميرا sony (( ذاكرة خارجيه 8 جيجا و 4 جيجا تكفي والا لا))
اذا تشوفون انه الذاكرة حقت الكامير تكفي ابستغني عن اللاب لاني اباخذه عشان
انقل فيه الصور والفيديو .؟
ويعطيك العافيه
والله هذي ترجع الى كمية وعدد الصور التي حتصورها فان كنت من هواة التوثيق لكل لحظة بالرحله انصحك تاخذ معاك لاب توب حتى تنقل الصور عليه من ذاكرة الكاميرا
رحله موفقه وترجع بالسلامة

عليكم السلام ورحمة الله وبركاته
بالنسبه للباصات الأيرولاين و نايس مايروحون من بينانق للكاميرون
ولا من الكاميرون لكوالالمبور او جينتنق بس من كوالالمبور لبينانق وسنغافوره وغيرها
بس للكاميرون ماتروح الشركات الممتازه وفيه يونيتيتي تقريبا حسب تجربة الأخ وافي
هي الأفضل ولكن انت ممكن تروح لمحطة الباصات في بينانق وتشوف افضل الباصات vip
وهي نادره لأن اغلبها باصات عاديه
ولكن بغيت من بينانق لكوالالمبور او العكس الأفضل باصات الأيرولاين باص ثم سوزانا ثم نايس وسوبر نايس وغيرهم
و للمعلوميه بعد مافيه باصات مباشره من الكاميرون لجينتنق لازم باص من الكاميرون
لكوالالمبور محطة بودورايا ثم باص من هناك لجينتنق او تاكسي اريح ومباشر لجينتنق بس اغلي
بالنسبه للشرائح كشبكة اتصال سيليكوم الأفضل اما النت فيه هوت لينك ودي جي
وانت لو اخذت شريحة وتبي نت لازم تعلمهم وتشترك بخدمة النت وتدفع حق البيانات فيه بشكل يومي او اسبوعي
بالنسبه للأجهزه والله كثير واشوف الآي فون و الآي باد يغنون عن اللاب توب
ولو خلصت الذاكره تحصلها هناك علي قفي من يشل

يعطيكم الف عافيه ماقصرتو
وربي يجزاكم كل خير