السلام عليكم ...
سلمك ربي اخوي abade100
ترى موضوعك مهم وجميل ...وكلامك صحيح لو شفنا
غير عربي يكلج ويكسر عربي نفرح ونقرب منه ويذوب
الجليد ويكون مفتاح للتعارف حلوة افكارك عبادي
وتراني اشجعك وابشر من عيوني
بسم الله :
عاد السلام عليكم لا بد منها
صباح الخير: se-la-mat pa-gi
ِسلامات باغي . مافي حرف = p
ظهر الخير se-la-mat tenga hari
ِسلامات تينغا هاري .
عصر الخير : se-la-mat pe-tang
ِسلامات بيتنغ .
مساء الخير : se-la-mat ma-lam
ِسلامات مالم .
شكراً :te-ri-ma ka-sih
تريما كاسيه
شكراً جزيلاً :terima kasih banyak2
تريما كاسيه بنياك بنياك .
عفواً :sa-ma sa-ma
ساما ساما .
الى اللقاء :jum-pa la-gi
جومبا لاغي .
وداعاً :selamat tingal
ِ سلامت تينغال .
اهلاً وسهلاً : selamat datang
ِ سلامت داتنغ .
نعم :ya
يا .
لا :tak
تاء ....k = همزة
اسف :maaf
ماءف .
نوقف هنا الله يسلمك في هذه الحلقة ...واي شخص وده
كلمة في لغة الملايو او جملة الله يحييه .
ومشكور اخونا عبادي على موضوعك الجميل .
ولو نأخذ كلمة تريما كاسيه وردها ترى تكفي وتزيد
ولكم تحياتي وتقديري والسلام عليكم

ساما ساما ( اكوي الشئيبي ) يعني اخوي الشعيبي ههه

مشاء الله عليك عمي الشعيبي دائماً سباق في مد يد العون لإخوانك
وصدق من اطلق عليك اسم ( عسل المنتدى)
نامل من الجميع التفاعل مع مثل هذه المواضيع
شاكر ومقدر للجميع

ماشاء الله عليك يالشعيبي وننتظر المزيد

السلام عليكم ..
فكره حلوه أخوي عبادي ..
يعطيك العافيه ..
وترا قبل كذا وضعت للشباب رابط لموقع يعلم اللغة الماليزية باللغة اللي تبي يعني انت عربي إختر عربي وادخل على اللغه الماليزية ويعطيك شويت كلمات وجمل مفيدة في السفر ..
وهذا رابط الموضوع :

• *تعلم اللغة الماليزية** https://artravelers.com

وهذا موقع فيه لسته بمواقع تعلم اللغه الماليزية .:
http://www.lib.upm.edu.my/iismal.html
يعطيك العافيه أستاذي الشعيبي ..
والله ودي أضيف شويت كلمات لكن مستعجل نخليه شوي .. نسهر الليلة عليها ..

السلام عليكم
اخوي أبوميسم انا طرحت الموضوع من باب التعاون على الخير والتذكير به
واهل الخير امثالك وامثال عمي الشعيبي هم راس الهرم بدونهم مانسوى شي
ونحن نقطه في بحر مما عندكم فلا تبخلوا على اخوانك بالمزيد
وانت اخوي أبوميسم دائما مبدع وراعي الاوله كما يقول العامه
شاكر ومقدر ونتمنى المزيد

السلام عليكم ...
اخوي عبادي كيف حالك وعساك بخير .
مشكور اخونا بوسعود والله يعطيك العافية .
واخونا اموت بالسفر انا متى قلت لك شكراً لاجل تقول عفواً
مشكور ترى امزح
اخونا ابو ميسم نتتظرك يا شيخ ...وعطنا من اشعارك الملايوية
نكمل ...واهم شيء عبارات المجاملة و الترحيب والشكر .
لانه ما اتوقع احد وده يتعلم لغة جديدة لاجل سفرة وخاصة ان كان
يملك لغة انجليزية ...فقلنا خلها عبارات جميلة وسهل يكون
حفظها ويكون اثرها رائع على الطرفين .
كيف الحال :apa khabar
ابا خابر ...المشكلة مافيش حرف = p
طيب :baik
بايك
الاكل لذيذ : makan sedap
makan enak
ماكان سيداب او ماكان ايناك .
وجربوها مع الشغالات الاندونيسيات ...ماليزيا يقولون سيداب
والاندومي يقولون ايناك وكلهم يفهمون على بعض .
انتِ جميلة : هذه راح يحفظها اموت بالسفر احساس
kamu cantik
كامو شانتيك ادوه
انا من السعودية :saya dari saudi
سايا داري سعودي .
من اين انت :dari mana awak
داري مانا كامو ؟
كم عمرك :berapa umur awak
بيرابا عمر اواك ؟
بكم :berapa
بيرابا ؟
بكم هذا :berapa ini
بيرابا ايني ؟
انا =saya -aku
انت-انتِ =kamu -awak-anda
هو-هي =dia
الضمائر طبعاً اكثر منهذه لكن هذه الاكثر استخداماً
مثلاً الضمير انا له مفردات كثيرة وتراها كلها تؤدي الغرض
ولكن كل منها لها موضع مناسب واجمل .
مثلاً انت ...وترى ماعندهم مذكر ومؤنث وتراهم مثل الانجليزي .
كامو = تنقال للي يعز عليك او قريب كصديق .
اواك = اكثر احترام من كامو وتنقال للعامة .
اندا= يوم تخاطب واحد له منزلة عندك كعم او مدير ...الخ .
لكن الكل يؤدي نفس الغرض وما احد راح يدقق ...لكن من
الكلام يحكمون على بيئة الانسان .
ماليزيا حلوة : malaysia cantik
ماليشيا شانتيك .
ماليزيا عظيمة :malaysia hebat
ماليشيا هيبات
لغة الملايو تقرأ الكلمة كما هي وما في حروف لا تنطق مثل
الانجيليزية ...وان صادف الكلمة اخر حرف k تنطق الk
همزة في لغة الملايو الماليزين غير الاندونيسين اللي يعطونها
حقها وتنطق كما هي .
يكفي هذا اليوم ان شاء الله وجزاكم الله خير على الاهتمام
وخلنا نفرح الناس ونوريهم اننا ناس جنتل وناس قمة ومحترمين
ولساننا جميل مثل قلوبنا ونغير صورتنا الشبه مشوهة .
هذا بيت شعر ماليزي قالها شايب حكيم
dari mana semut melati
dari batu naik ke titi
dari man datang cinta
dari mata terun ke hati
ترجمتها :
يتسائل ؟ من وين النمل يزحف ؟
فرد على نفسه : من الحجر طالع للجسر .
ويتسائل مرة اخرى ؟ من وين يجي الحب ؟
فرد الحكيم : من العين تنزل للقلب .
والله حكيم ...يؤمن بالحب من النظرة الاولى وعبرها في كلمات
بسيطة ...يظهر لنا تمكنه من لغته ولعبه بالكلمات
هذا هو استاذ الكلمة الملايو شكراً لك pakcik
ان شاء الله يكون الدرس جميل وممتع حبينا نشكل
موفقين بأذن الله والسلام عليكم

السلام عليكم ..
أحرجتني أخوي عبادي .. الشباب كلهم فيهم الخير والبركة .. كلنا أخوان ونتعاون .. وهذا العشم في شباب منتدانا ما شاء الله عليهم متكاتفين ويساعدون بعض باللي يقدرون عليه .. الله يديم المعزه إن شاء الله
أستاذي الشعيبي ... شكلك إستانست على هالموضوع .. يالله يا عم طلع المواهب الدفينه ..
ما شاء الله عليك تنفع تدرس نحو وصرف .. بس بالملاوي ...
أما كامو شانتيك :d وترا يا شباب أدوه هذي اللي قالها أخوي الشعيبي .. تنقال تعبيرا عن الفرحه لشيء حلو ..
عني أنا ترا ملاويتي إندونيسية بحته وإنت خابر أخوي الشعيبي ... إن كلجت بالإندونيسي تكفى صحح لي ..
واحد من أصحابنا ماليزي دايم يضحك علي لا جيت أكلمه مالاوي ..
مره يعنني بعبر وأتسائل على طريقت شاعر أخونا الشعيبي .. قلتله :
كابان سايا برقي كي كوالا .. يعني : متى بروح أنا لكوالا ... من كثر الشوق يعني .. قام يضحك علي يقول حنا ما نقول كابان يعني (( متى )) هذي يقولنها الإندو حنا نقول بالماليزي (( بيلا ))
أقول شكلي طولت عليكم خلنا نخش في الموضوع ..
الصراحة مدري كيف أبدا... لكن .. نقول :
أدا = موجود (( يعني اذا جيت تسأل عن شي في محل أو أي مكان قول : أدا (( والشي اللي تبي))
أبا = ماذا
بيلا = متى
منقابا = لماذا
أباكه = هل
ديمانا أو مانا = أين
بيرابا = كم
بيسار = كبير
سيردرهانا = متوسط
كيسل = صغير
باناس = حار للجو
سيجوك = بارد
أيس = ثلج
نخش في الأكل .... أنا من اليوم ودي أخش في الأكل ...
ماكان = أكل
ناسي = رز .... وترا عندهم أكله حلوه إسمها ناسي قورينق
روتي = خبز
منتيقا = زبدة
تيلور = بيض
إيكان = سمك
أيام = دجاج
قرم = ملح
قولا = سكر
لادا هيتام = فلفل
بيداس = حار للأكل
مانيس = حلو
ماسام = مر
ماسين = مالح
وللحديث بقية .. تابعونا ..
تحياتي للجميع ..

السلام عليكم ...
ياسلام عليك استاذنا الغالي ابوميسم شوقتنا زود لارض
الملايو ....وحلوة قصة كابان وبيلا واظهرت للجميع انه
هناك بعض الكلمات مختلفة بين الاندومي والملايوولكن غالباً
يفهمون على بعض ..ومن الامثلة وعلى عجالة حلوة عجالة
سيارة : اندومي يقولون :موبيل .
ملايو: كريتا .
ظهر : الاندومي: سوري .
ملايو: بيتنغ .
ممكن او اقدر : اندومي : بيسا
ملايو : بوليه
دكان : اندومي : توكو
ماجي : كيداي
غرفة : اندومي : كَمَر
ماجي : بيليك
صراحة معجب بك اخوي ابو ميسم وودي انك توقع
على فلينتي صراحة استاذ وما فيها مجاملة .
ودنا بكلمات ننادي بها الناس :
في ماليزيا عجبني احترامهم الكبير لبعض ...فحتى الغرب
ينادون بعض اخوي واختي وان شخص كبير عمي وعمتي .
مثلاً البعض ينادي اخونا الهندي رفيق ولا صديق هناك ماعندهم
هذا الكلام عندهم عمي وعمتي او اخوي واختي ...وبعضهم
يكونوا رسميين وينادون سيدي وسيدتي ...وحتى الاخوان بين
بعض ...الصغيرة تزهم اخوها العود يا سيدي وتنادي اختها
الكبيرة يا ستيتة ...والكبير ينادي الصغير باخوية .
كلمي ستيتة فتو يا اسماء ايوه يا اختي .
الاحترام حلو وحتى الناس يقولوا ماشاء الله تربوا صح .
كل هذا مقدمة لاجل نعرف مناداتهم ..
اختي الكبيرة :ka-kak
كاكاء ...في السوق تشوف حرمة اكبر منك تناديها كاكاء
لاجل تلفت لك ووفتها قل اللي تبغاه .
اختي الصغيرة واخ صغير : a-dik
اديك .....ان شفت واحدة شابة واصغر منك تلفت نظرها
وانتباهها بكلمة اديك ...اختي الصغرى .
اخوية الكبير : abang
ابنغ ...بالرومي ينقري افضل..في السوق او راعي
تاكسي ودك تفرحه ناديه ابنغ .
سيدي (شايب) :tuan . توان
سيدي (شاب) :encik . اينشيك . k= همزة
مدام uan . بوان
انسة :cik .شيك . k= همزة
عمي وخالي : pakcik
عمتي وخالتي : makcik
k = همزة مخففة .
يكفي هذا اليوم ان شاء الله
وهذه مقولة ماليزية يقولونها على الشخص كثير الكلام .
abu dajal = ابودجال .
ترى ان قلتها لواحد معرفتك به قليلة ممكن يزعل .
وبعدين في شيء ثاني ممكن يصادفك في المطار
او التاكسي او الفندق او محل ...المهم :
يبتسمون ويقولون لك :selamat datang
ِسلامت داتنغ ...يعني اهلاً وسهلاً
كيف ترد وقتها ؟ ترد ...
تبتسم مثل ما ابتسموا وتهز راسك مثلهم وتقول بكل
هدوء : terima kasih
تريما كاسيه ...يعني شكراً .
ان كان ملايو يرد : ساما ساما .
وان كان اندونيسي يرد : كومبالي .
موفقين بأذن الله تعالى وربي يزيدنا جميعاً من فضله
والسلام عليكم