السلام عليكم ورحمة الله وبركاته
اخوي هاجس208 انا افضل لك الفنادق التالية :
لنكاوي (Pelangi Beach)
بيننانج (Shangri-La's Rasa Sayang )
كوالمبور (Mandarin)

شكرا لك اخوي ..
على رايك ..

اخوي هاجس ممكن تضع كمان الميزانية المقترحة
والمدة مع ايام السفر

حلو
الله يوفقك ويونسك

هلا فيكم
شكرا على مشاركتكم لي
اول شي بس حبيت اقول اني بنت :)
وبخصوص المده انا قلتها لك مقسمه في كل منطقه
واحنا سوينا العرض عند احد الشركات طلع لنا بين 15 الف ونصف و16 الف ونصف
اللي يقرر هو فندق Shangri-La's Rasa Sayang لانه اغلى ويزيد السعر
بس ريلي قرر انه نسير القولدن والكل يمدحه له ..طبعا براحته ..
بس سؤال ليش شركة السياحه حاسبه فندق القولدن 3 ليال ب 3600 درهم
احس انه مبالغ فيه انا دخلت موقعهم وما شفت السعر بهالمبلغ ..
فشو رايكم ؟

السلام عليكم ...
برنامج جميل والله يوفقك .... بس عندي بعض النصائح والتوجيهات إذا حبيت تستفيد من تجربة أخوك...
بالنسبة للنكاوي ... أنصحك وبصفتك عريس ...انك تطول المدة شوي في لنكاوي لأنها فعلا جزيرة الأحلام والرومانسية ... وصدقني ماراح تندم أبدا ...
وعن تجربة فندق برجايا بيتش صراحة مايتعوض خصوصا ان خذت شالية من الجداد المطلين على البحر.... ونصيحة دامك رايح شهر عسل مايحتاج تروح بينانج لأنها زحمة ومافيها أي شي واليوم في لنكاوي ب1000 من بينانج....
تحياتي والله يوفقك وألف مبروك

auditors1
شكرا لك اخوي
بس ما ادري احس اني محتاره وايد ..
لو بلغي بينانج بتقل المده وانا ابغي اطول مدة السفر
ولانجاوي صح هاديه ورائعه ولو باختياري انا بتم فيها شهر
بس ريلي بعد ما درسته لمدة 9 شهور اتضح لي انه ما يحب الهدوء ويحب الأماكن اللي فيها
حركه وناس لانه طبيعته يحب المزح والسوالف ..لو تمينا في لانكاوي ما بيحصل شي يعلق عليه غيري
المهم اشكرك وبفكر برايك ..
وانا بسير بعد شوي مكتب السفريات وبسألهم كم سؤال ويمكن لين المساء اشوف حد نصحني غير
او حيرني اكثر

هاجس208
السلام عليكم
يا اختي العزيزه
اول شي :- الف مبروك علي الزواج
ثانيا :- برنامجج حلوو بس يبيله تعديل شوي
راح انصحج نصيحه اخويه .
بالنسبة لنكاوي ماراح يكفيها ليلتين خليها 3 ليالي لانه تستاهل هالجزيرة لانه كلها هدوء ورومانسية تصلح حق العرسان . بالنسبة للفندق بيلانجي بيتش انصحج فيه .هذي اول نصيحة .
النصيحة الثانية في المحطة الاخيره كوالالمبور 6 ليالي انصحج اتقسيم هالست ليالي
خلي ليلتين في منطقة سلانجور احد الفندقين ( صن واي لاقون - الخيول الذهبيه )
و 4 ليالي في فندق ماندرين واثناء الاقامة اطلعي الي جنتنق لمدة يوم واحد من الصبح لغاية المغرب .
واتمني انج تسمعين النصيحة اسئلي مجرب
وهذا برنامجج بعد التعديل
3 ليالي لنكاوي - فندق بيلانجي بيتش
3 ليالي بينانق - فندق قولدن
ليلتين سلانجور - فندق الخيول الذهبية او صن واي لاقون
4 ليالي كوالالمبور - فندق ماندرين مقابل البرجين التوأمين
:bounce8: :bounce8: :bounce8: :bounce8: :bounce8: :bounce8: :bounce8: :bounce8: :bounce8: :bounce8:

ان شاء الله
شكرا لك bigbin
بشوف بكره اكلم ريلي واحاول اعدله