نشر في الصين

بخصوص معرض كانتون فير هل يحتاج دعوة للدخول أم لا

وليدوو

15-08-2022 - 11:20 am

السلام عليكم أخواني الكرام ...
حبيت أسال بخصوص معرض كانتون فير ، هل أي أحد يدخله حتى لو ماله في التجارة ؟؟
يعني هل لازم يكون تاجر أو مستورد أو مصنع عشان يدخله ؟
لو أنا زائر هل استطيع الدخول ولا لا ؟؟
هل فيه أوراق معينة مطلوبة ؟
تحياتي لكم ...

التعليقات (9)

اسيرالدوحه

15-08-2022 - 02:20 pm

السلام عليكم ...
اللي اعرفه اخوي ..
انك لازم تسجل للمعرض ..
انصحك تدش موقعهم .. ونشوف شنو المطلوب ...
هذا موقعهم ... http://www.cantonfair.com/
وتسجل من هناك مرة وحده ...

kenken

15-08-2022 - 03:21 pm

و عليكم السلام
تقدرا ان تدخله بشرط وجود جواز سفرك ودفع قيمة الدخول و لمرة واحدة بكلفة 100 يوان أو تصنع دعوه لك على موقعه و بالتالي تحصلها مجانا بطاقة الدخول او ممكن ان تحصلها مجانا من الفندق يلي تجلس فيه بشرط تكون ضمن مجموعه دخلت الصين لحضور المعرض
اتمنى لك التوفيق

ابو لماار

15-08-2022 - 04:22 pm

اسيرالدوحه
اكيد الجواز موجود وندفع الفلوس مافي مشكلة ...
فيه واحد قالي تحتاج بينزنس كارد ، ما عندي بيزنس كارد ومافي وقت أسويه....
وكيف اسويها من موقعهم ، لأنه موقع الأخ أسير الشوق مافيه شئ عن التسجيل ..

kenken

15-08-2022 - 05:23 pm

لازم يكون معك بزنس كارد عشان التواصل مع العارضين في المعرض و بدون بزنس كارد بعض العارضين ما يعطيك الكتالوج تبعه او رح يضيع الوقت بتسجيل معلومات اتصالك على دفترهم الخاص
ممكن تساوي بزنس كارد في الفندق يلي تجلس فيه و خلال 3 ساعات يسلموك الكمية يلي تريدها و ما آظن تحتاج اكثر من متين كرت

ابو لماار

15-08-2022 - 06:24 pm

طيب بس انا ماني رايح اتاجر ،،، انا ابغى اتفرج وبس وأخذ فكرة عامة ،،،
واخاف الفندق إللي بنزل فيه ما يسويه أو يرفعوا السعر عليا ...

أبن الأسلام

15-08-2022 - 07:25 pm

السلام عليكم الرجاء يدلنى أحد على درجات حرارة كوانزو فى شهر أكتوبر

اسيرالدوحه

15-08-2022 - 08:26 pm

ابو لماار
اخي العزيز ... اولا انا اسيرالدوحه وليس اسيرالشوق ..
ثانيا .. اسمح لي اخوي .. انا اخطأت بالموقع ..
هذا هو الموقع الرسمي للمعرض ..
http://www.cantonfair.org.cn/en/index.asp
بالتوفيق ان شاء الله

ابو لماار

15-08-2022 - 09:27 pm

اسيرالدوحه
آسف اسير الدوحة ،،، فيه واحد بنفس الأسم في منتدى ثاني وتلخبط شوي
دخلت الموقع يطلب بيانات شركة وعناوينها ... ما ضبطت معايا ..

اسيرالدوحه

15-08-2022 - 10:28 pm

ابو لماار
حياك الله اخوي ...
شلون ماضبط معاك ..
ياخي عطه اسم شركة وهمي ..
حط اسم عيلتك على اساس هو اسم الشركة ...
وبعدين ...وين المشكلة فالعنوان ...
عطه عنوانك ...
اتمنى لك التوفيق

الصين المسافرون العرب

بخصوص معرض كانتون فير هل يحتاج دعوة للدخول أم لا