1. نبدأ .....


2. درجة الامان عالية جدا


3. نصيحة ... الي ماعنده لغة انجليزية تمام لايروحو..


4. ليش؟؟؟


5. Pakistan mess ش ناثان 36-44 في شيم شو


6. انا حبيت ستانلي اكتر من الليدي ماركت


7. Sogo: ماركات اطفال


8. 2- جزيرة كاولون ( تتنطق كاولوون وليس كولون) :


9. 3- جزيرة لانتاو:


10. 2- الاقتصادي ب 151 مافي وجبة + الجلسة تحت


11. جربنا الاتنين في الروحة السوبر وفي الرجعة الاقتصادي..


12. بشكل عام


13. المواصلات


14. جزيرة مكاو:


15. اهم المزارات :

بسم الله الرحمن الرحيم
رداً للجميل الذي ادين به لهذا المنتدى الذي استفدت منه كثيراً + قلة التقارير عن هونج كونج ومكاو قررت اكتب عن سفرتي ولاول مرة ...اتمنى ان يحوز على رضاكم وستفيدوا منه ..

نبدأ .....

كنت مترددة في السفرة لهونج لان اخر سفرة لي كانت لماليزيا وماكنت ابغى شي في اسيا بس اضطريت عشان اوروبا برد واستراليا مو قد كدا شمسهم حارة كتير وكنت سامعة ان هونج شوبينق بس ومافيها طبيعة + قلة التقارير عنها وعن مكاو ...
المهم ... مالقيت غيرها قلت تغيير جو واكتشاف ..خليني اجرب
و
المفاجأة
؟
؟
؟
؟
؟
كانت افضل بكتير واحلى بكتير واول بلد افكر ارجعه مرة تانية من كل النواحي عجبتني
وافضل من ماليزيا بكتير...الجو – التسوق- الطبيعة .. والاهم التطور والنظافة ( الاماكن والشوارع نظيفة والشعب شيك ولابسين ماركات ونظيف جدا مستحيل تشم روايح عفنة غير اكلهم ههه
في راي الخاص (لاني زرت الاثنين ) ان هونج افضل من ماليزيا في اغلب النواحي ...ولكن ماليزيا افضل من ناحية الاسعار ارخص شوية ..
وزيارة احدهم تغني عن الاخر وانا اختار هونج وبقوة ...
بشكل عام
السفر كان اول نوفمبر يعني بداية الخريف عندهم وافضل الشهور للسفرسبتمبر واكتوبرو نوفمبر

• البلد جدا رائع اكثر مما كنت اتصور... الطقس حلو في الايام الاولى (بداية نوفمبر) شمس ورطوبة فترة الظهر من 11 الى 3 ظهر درجة الحرارة كانت بين 27- 29

اما الليل هواء لطيف.. واخر يومين (9-10 نوفمبر ) امطار طول الوقت وبرد الجو لدرجة 22.. ويبدا يبرد اكثرواكثر لقرب فصل الشتاء ..

درجة الامان عالية جدا

• الشعب مسالم وفي حاله بس جننوني على ولدي لو اوقف 5 دقايق الاقيهم متجمعين عليه ويبغو يصوروه ههه ...يموتو ع الاطفال
• زحمة جدا الناس خارجين ليل نهار مدري متى ينامو وفين رايحين ع طول تلاقيهم يتمشوا في الشوارع ..(زحمة تضايق وتوتر الاعصاب )
• الاستغلال واضح واي فرصة يلاقوها عشان يستغلوك ماحيقصرو ابد ..كمثال : حجزنا الفندق من مكتب في المطار يومين وكان ب 700 وبعد يومين قلنالهم نبغى 3 ايام كمان زادوا علينا السعرو دفعونا لليوم الاول 900 واليوم الثاني 1200 وقالو اليوم الثاني ب الفين ...تصوروا قمة النصب ..المهم اضطرينا ناخد اليومين وندفع دم قلبنا وبعدها رحنا مكاو..

موظف الرسيبشن قال : في اسعار خاصة للصينيين واسعار للاجانب وسياستهم انه لما يقل عدد الغرف الفاضية يرفعوا الاسعار وفعلا لاحظنا هدا في كل فنادقهم ...
بالمناسبة : شفنا فنادق مكتوبة باللغة الصينية و3 نجوم ( يعني عندهم فنادق رخيصة للصينييناما الموجود ع الخريطة والمعروفة فنادق للسياح الاجانب واسعارها خيالية )
نصيحة من القلب ... لا تروح هونجكونج الا وانت حاجز من بلدك عشان ماتندم زينا...كنا أي بلد نسافره نحجز يومين من بلدنا ولما نوصل نغير الفندق ونختار ع كيفنا لكن في هونج مانفعت الطريقة وندمنا اشد الندم واغلب فلوسنا راحت للفندق...عموما اسعار الفنادق عندهم نار..

• مثال تاني للاستغلال : زوجي بيغير عملة وقالوه الموظف بكذا ولما شاف الجواز السعودي في نفس اللحظة قال سعر الصرف اتغير وصار اقل ...
• افضل مكان لصرف العملة : في الليدي ماركت – ميناء مكاو( كما تفضل احد الأعضاء جزاه الله خير )

استغربت من الي يقولو هونج غالية ؟؟؟؟ الصراحة غالية في الفنادق – المطاعم اسعارها معقولة اما الاسواق الشعبية رخيصة يعني زي ا سعارنا تلاقي تي شيرت ب 70 دولار = 35 ريال وطبعا المولات غالية لانها ماركات عالمية ..عموما : اسعارها ارخص من اوروبا واغلى من الشرق..
افضل سوبرماركت : welcome والمحلات الصينية الصغيرة اما 7Eleven و -K غاليين ( خد معاك كيس لان بعض البقالات ماتعطي اكياس عشان يحافظوا على البيئة ولو تبى لازم تشتري كيس ههه

• الاسواق والمحلات تفتح لوقت متاخر ..الى بعد 12 ليل.
• الحجاب عادي صح قليل لان السواح العرب قليل ..لكن موجود ..شفت عبايات سوداء ونقاب

اللغة..

نصيحة ... الي ماعنده لغة انجليزية تمام لايروحو..

ليش؟؟؟

لغتهم الصينية هي الي يتعاملوا بيها ونادرا ماتلاقي احد يتكلم انقلش ولو اتكلم ماتفهموه لانهم يتكلمو الانقلش بلغتهم ومخارج الحروف غير مفهومة حتى في الفنادق الفخمة والمحلات العالمية صعب تلاقي الانقلش وبالتالي حتتعب كتير معاهم
الفندق
Metro park 4 نجوم حلو والغرفة واسعة (في اللوبي في نت فري ... وفي الدور الثالث لقيت واير لس فلة ههه يمكن الادوار القريبة من اللوبي ..
لو اضطريت تحجز من هناك شوف مكتب سفريات في الصالة الداخلية في المطار قلب ماتخرج برى ع يدك اليسار ( احد الاعضاء قال هدي المعلومة ) اسعاره معقولة وعنده 5 و4 و3 نجوم اما الي برى 5 نجوم بس..
أكرر: احجز الفندق من بلدك نصيحة لوجه الله ..

• دليل التلفون فيه ارقام المطاعم الحلال – خرايط اهم المزارات – خرايط ومطاعم مكاو
• في التلفزيون قناة متخصصة دعاية عن المناطق السياحية + حالة الطقس ودرجات الحرارة

المواصلات
لما توصل المطار اسال عن باص الفندق لان عندهم كل فندق له باص مجاني ..انتبه لا يضحكوا عليك شركة الباصات الي في المطار كان بيوصلنا ب 300 ريال عشان 3 اشخاص تصور النصب ؟؟

• باص الفندق يوصل ليدي ماركت والفيري وتشيم تشاو ويرجعك كمام..
• الفيري من كاولون الى هونج ب 2 دولار = ريال سعودي والمسافة 9 دقايق..

الأكل
استغربت من التقارير الي قراتها الاغلبية يشتكوا من عدم توفر الاكل الحلال وحسسوني اني حاموت من الجوع هناك ههه
موجود مطاعم اسلامية كتير ومكدونالز(كان رخيص جدا لدرجة ماتتوقع مدري الوجبات الامريكية عندهم رخيصة ..(بس الي في المطار غالي يعني زيا سعارنا ) البرقر ب 9 دولارهونجكونجي يعني ب 4و5 ريال سعودي)
وفي معجنات وكروسان محل اسمه ( Panash ) مشهور وعليه زحمة وله فروع كتير كان جنب فندقنا ع اليمين ...كل انواع المعجنات والكروسان في نوع عجبني كانه ادام ههه اسمه Indian chicken curry وفي بالشوكلاه البيضاء جنان
وبيتزا هت ويوصلو للفندق ..عندهم حجمين بيتزا العادي ب 100 دولار والكبير ب 136 بالمناسبة : ترى يحطوا اناناس في الفيجيترين...
المطاعم الحلال ( في TST تشم شا تشو بالمناسبة نطقها كدا غلط وقلنا جم جاجو وكمان غلط مدري كيف ينطقوها بليزالي رايح هناك يعرف لي كيف ينطقوها جننتني ههه)

• اسطنبول: اتعب اقول خطير اكلت عنده كفتة دجاج مرة لزيزة زي عندنا (تكتكة الي في الحجاز ) يعني اللحمة مزبوطة 100% بس الرز كان عادي
• Joj's kebab-pizza-curry : وانت رايح الفيري من كاولون لهونج قبل التذاكر بالزبط

Pakistan mess ش ناثان 36-44 في شيم شو

• The great Indian kabab factoryفي مول مريمار الدور 2 محل رقم 8Miramar shopping center ش نثان 132
• India place
• Koh-i-noorجنب فندق البننسولا او هوليدي ان
• Ebeneeze
• Our resturant مطعم تركي في اخر الليدي ماركت يمين

التسوق
الشوبينق جدا رائع نفسك تشتري كل شي وبضايع مميزة وطبعا تنوع وجودة افضل من ماليزيا ( الي اشتر من ماليزيا اكيد لاحظ ان خامات الاقمشة رديئة وفي اخطاء وعيوب في الخياطة ومو فرحة الاسعار الرخيصة )
نصيحة للبنات : شرق اسيا مقاساتهم صغيرة لازم تاخدي اكبر من مقاسك بدرجة يعني لو مقاسك سمول خدي مديم وكدا اما الرجال نفس مقاساتهم ..

• لو عجبك شي في الليدي ماركت اشتريه لانها مميزة ولو رجعتي مرة تانية حتضيعي وماحتعرفي المكان لانه يضيع من كبره ...

الليدي ماركت: زي تشاينا تاون ماليزيا بالزبط اسعاره مناسبة (بعد المكاسرة طبعا ) في الاول تقولك ب 500 دولار وبعدها تنزل ل 200 دولار ... مجرد ماتسال بكم ..الله يعينك توقف في حلقك تقولك بكم تبغاها وتعطيك الالة الحاسبة حط السعر الي يناسبك ولو سيبتها ومشيت تجري وراك لاخر السوق عشان تشتري منها
ستانلي ماركت ..كمان رخيص وفي تنوع في البضاعة لانها محلات دايمة عكس الليدي ماركت بس في الليل والبضاعة مكررة.. محلات ملابس وجزم اكثر من الليدي والاسعار ارخص ب 40 او 50 ريال لكن المحلات اقل من الليدي..
في محل اطفال مقابل هاقن داز –دليفرنس يبيع ملابس ديزني باسعار رخيصة جنبه محل شالات مرة حلوة ورخيصة
محلات جزم الاطفال مميزة زي محل Fiona's prince في peak ب 200 ريال لكن بارخص يعني 50 ريال

انا حبيت ستانلي اكتر من الليدي ماركت

• الاشياء المميزةL الملابس والتحف الصينية يعني الاستايل التشاينيز ختيرة مرة مرة - اطقم الشاي الصيني – لوحات وتحف صينية – لوحات رسم يد – فتاحات العلب – ولاعات شكل لبان اكسترا وبسكوت لوكر و– USB اشكال مميزة زي سبونج وعبقور وكيتي وبورشا وفيراري و-في محل اكسسوار مرة عجبني السلاسل والخواتم تحفة _جاكيتات فيراري وهارلي وتيشرتات_ امبرلات شكلها مميزة زي القارورة تقريبا - مفارش السفرة والخداديات طبعا تشاينيز ستايل- الجزم والشنط عادية مالفتت نظري..

· لا تنسوا الشاي الاخضر (ع فكرة : عندهم خبز بالشاي الاخضر وكيك بالشاي الاخضر والاغرب ايسكريم بالشاي الاخضر )... وجربوا كوكاكولا بالكرز..

• بليز : الي يذكر مطعم او محل او مكان ... يكتب عنه بالتفصيل : العنوان – وايش هو بالزبط عشان حرام الواحد يضيع وقته ويضيع في الشوارع وهو يدور وفي الاخر يطلع المكان مايسوى ...ممكن انت يعجبك او تحسه واو وغيرك مايعجبه او مايحتاجه..قول الي تعرفه عن المكان والشخص يحكم لو بيرحله او لا مو يتعب وبعدين يدعي عليك ههه
• جنب الفندق تبعنا ع اليمين وانت خارج في محل صغير يبيع اشياء كتير من ملابس وادوات كهربائية والمهم لقيت عنده فساتين ( ممكن تكون استوكات مدري) ماركات وصناعة امريكية وانقليزية والسعر 40 دولار يعني 20 ريال ...لو سكنت في المترو بارك مر عليه يمكن يعجبك ..

هونج كونج تتكون من 3 جزر رئيسة :
1- جزيرة هونج كونج :
1 - السنترال (المولات الكبيرة والمطاعم )
المولات الي ذكروها الاعضاء :
: Landmarkهارفي نكلز (مطعم ) - مطعم حبيبي- manoush ملابس غريبة
: IFCبيتزا اكسبرس
: Pacific placeفي مطعم تايلندي

Sogo: ماركات اطفال

K11 mall:تحف وجسمات ولوحات ابداع + market place by jasons فيه اكل حلال ( بس للامانة مارحت مولات ابدا وهدي الي كتبوها الاعضاء)
2- القمة ( The peak ): تحتاج نهار كامل او 4-5 ساعات.الذهاب ساعة ع الاقل والعودة ساعة وتحتاج ساعتين تقريبا باص رقم 15 مباشر يوديك ويرجعك ب 5 دولار تتضمن المطل اعلى قمة ( sky tower). ملاحظة الجو يكون بارد هناك لانها مرتفعة )+متحف الشمع (حسيت انه مايستاهل وكمان سعره مرتفع =165 ريال للشخص وحاطين 3 شخصيات برى تقدر تتصور معاهم : جاكي شان – وحرمة ماعرف مين ههه + المطاعم(في مطعمين ايطاليا اوليفر – اسباقتي (عضوة كانت تمدح مطعم ايطالي وماعرفت أي واحد فجربنا اسباقتي 360 البيتزا اطلبها سميكة لاننا طلبنا الرفيعة 2او 3 مل يعني شبس ههه وطلبنا اسباقتي سي فود والصراحة مو قد كدا ماعجبتنا.. يمكن الي تقصده الاخت اوليفر وهو سندوتشات ووجبات سريعة مافي مكان للجلسة عشان كدا اخترنا اسباقتي
3- Abardeen المطعم العائم Jumbo (مادخلته لان الاكل بحري طبعا وع الطريقة الصينية وانتو عارفين ريحة الاكل الصيني هناك قد ايه مقرفة ولا تطاق )

• Ocean park : الدخول للكبار ب 280 دولار والصغار ب 140 دولار

5- ستانليstanley ( منطقة رائعة جدا والغريب مافش احد اتكلم عنها مدري ليش ؟؟ منطقة عالية وغابات خضراء احلى من The peak و فيها شاطئ نظيف وهادئ+ ستانلي ماركت (رخيص ) + مطاعم ( جربنا بيتزا اكسبرس تمام) تروحها بباص من منطقة الي تحت الجسر الطويل الموصل بين المولات في السنترال وتاخد رقم 260 ياخدك مباشرة ويرجعك كمان ب 10 دولار تقريبا 0 لو رحت هونج مرة تانية راح احاول اسكن فيها بجد خيال احلى من لنكاوي بكتير

2- جزيرة كاولون ( تتنطق كاولوون وليس كولون) :

منطقة تشم تشاو( TST ) :اهم منطقة في كاولون فيها اغلب الفنادق الفخمة والمولات والمطاعم الحلال –برج الساعة –ش هوليود ( Avenue of stars ) – متحف العلوم – متحف الفضاء – متحف التراث
الليدي ماركت( Lady's market ) – جاد ماركت ( Jade market ) مجوهرات – تمبل ماركت ( temple market ) محلات قليلة زي الليدي ماركت تمشي شوية تلاقي نفسك في الليدي - Harbourفيه رحلات بحرية بالسفن التراثية water tours+ عرض النافورة الراقصة يبدا الساعة 8 مساء لمدة ربع ساعة السبت الاعاب نارية اما بقية الايام اضواء فقط

3- جزيرة لانتاو:

فيها المطار – ديزني ( الدخول الكبار ب 399 ليوم واحد -499 ليومي * الاطفال ب 285 ليوم – 355 ليومين بدولار هونج - اكبر بودا ( Giant Buddha statue –Po Lin Monastry)- اوت ليت city gate - سفينة نوح ( شفت البروشور تبعها مافيها شي يستاهل )
استغربت من الي يقول: هونج تكفيها 3ايام ؟؟؟؟ كيف وكل منطقة سياحية في جزيرة يعني تاخد نهار كامل زي ديزني –البيك- ستانلي –الاوشن بارك –غير الشوبينق
جدول مقترح
اليوم الاول:The peak + المطعم العائم Jumbo
اليوم الثاني:Ocean park + السنترال
اليوم الثالث :ديزني + اكبر بودا + اوت ليت city gate
اليوم الرابع :Stanley
اليوم الخامس: TST: برج الساعة – ش هوليود ( Avenue of stars ) – متحف العلوم – متحف الفضاء – متحف التراث - Harbour
اليوم السادس :الليدي ماركت – جاد ماركت – تمبل ماركت
للمعلومية ..

• هونج كونج ماتحتاج فيزا للسعوديين – فيزا مكاو من ميناء مكاو
• توجد مكاتب تطلع تاشيرة للصين خلال يومين
• المسافة من هونج الى شنزن او شنجن بالفيري او القطار ساعة ونص

ومن شنجن الى جوانجو (كوانزو ) ساعة

• * مكاو **

http://www.macautourism.gov.mo/
تروحها بالفيري وتشتري التذاكر في نفس الوقت مايبعوك قبلها ... التذاكر من The Royal pacific hotel&towers في تشيم شو مبنى كبير في فندق ومول مكتوب Terminal
ملاحظة : اشتري التذاكر من نفس الشركة ( في تخفيض 30 % ) مو من المكاتب الي جنبها ( يشتروها بتخفيض رخيصة ويبيعوك بسعر اعلى ) انتبه ..
التذكر من كاولون لمكاو ارخص ب 30 دولار تقريبا من هونج وتذاكر الليل اغلى شوية من النهار
في الروحة من كاولون خلونا ناخد تذاكر لطفل اقل من سنتين واعطوه كرسي طبعا ووجبة , اما الرجعة من مكاو لا
نصيحة :لا تاخد عفش كتير لانك حتشيلوه بنفسك ولو تبى حمالين لازم توقف طابور وتاخد رقم ..
وفي درجتين:
1- السوبر ب 266 دولاروتجلس فوق + وجبة عبارة عن نودل ( اندومي ) + مشروب
اخترنا نودل خضار طلع كانه بحري وماقدرنا ناكله واخترنا كوكيز وكيك وقهوة وعصير برتقال

2- الاقتصادي ب 151 مافي وجبة + الجلسة تحت

جربنا الاتنين في الروحة السوبر وفي الرجعة الاقتصادي..

تستغرق الرحلة ساعة او ساعة الا ربع تقريبا ولما توصل حتلاقي طوابير قدامك وطوابير ع اليمين لا توقف في أي طابور اكرر لا توقف في أي طابور ابدا امشي قدام للمدخل لا تترد ولا تخاف لانك ماحتشوف احد داخل زيك لانهم صينيين او معاهم فيزا من قبل مو زيك ههه وع يمينك تواليت ( اكرمكم الله ) في اليسار حتلاقي غرفة اقصد مكتب صغير وعليه لوحة بالاصفر مكتوب فيزا ...خلاص فهمنا يعني ادخل كانك تبى الحمامات وحتلاقيه يسارك فاضي مافي احد ههه (احد الاعضاء قال النصيحة هدي ولما وصلنا سبنى الطابور الكبير لكن لقبنا طابور صغير في اليمين ههه ووقفنا شوية حسينا انه غلط وكلهم صينيين كمان مو اجانب طبعا ماحد يكلم احد ولو سالت مايردوعليك يعني تتلطع لبكرة ههه سعر الفيزا 100دولار = 50 ريال

بشكل عام

• زي هونج بالزبط ماتحس انك خرجت عنها نفس الجو ونفس البضايع ونفس الوجوه..
• مكاو رايقة وهادئة اكثر من هونج يعني روح للزحمة اول والشوبينق وبعدين روح روق في مكاو..
• الفنادق قريبة من بعض ممكن تشوفها ع الخريطة بعيدة لكن الواقع انها قريبة جدا لان البلد اصلا صغيرة ...
• منظمة جدا اكتر من هونج , المشاة لهم انفاق خاصة للعبور وباصات للنقل

المواصلات

• كل فندق له باص مجرد ماتوصل دور ع باص الفندق تبعك
• الباصات توصلك أي مكان وكل باص مكتوب رقمه وفين يودي وهدا موجود في الخرايط يعني ماتحتاج تاكسي ولو احتجت التكاسي رخيصة لان المسافات قريبة جدا يعني ممكن تروح جزيرة تيبه ب 30 ريال خلال نص ساعة واقل..
• البلد صغير مساحتها كلها بالجزر 29.5 وجزيرة مكاو لوحدها 7 كيلو ههه
• تتميز بفنادقها الفخمة وكل فندق في عرض مثير
• العملة : MOP بتاكا وتساوي اقل شوية من دولار هونج وعادي يتعاملو بعملة هونج ويفرحو بيها لانها اكتر

تنقسم الى جزيرتين رئيسية : مكاو – تايبه وكلون

جزيرة مكاو:

اهم المزارات :

برج مكاو – ساحة سنادو senado square + جدار كنيسة سان باولو( مع بعض وتاخد ساعة تقريبا) طبعا لا تنسى تدوق البسكوت بس انتبه في انواع بالخنزير ( يقولو مكاو مشهورة بصناعة البسكوت ,في عندهم انواع كتير انا اشتريتwalnut cookies وكان طيب وفي نوع يسموه Almond cake ماعجبني ) و تارت البيض Egg tart (لزيزة مرة ) و اكلة برتغالية اسمها bacalhauعبارة عن كور من السمك زي اللقيمات مع صوص كاري المشهور بيها مكاو وتلاقيهم في سنادو وقرية الصيادين وفي كل مكان - قرية الصيادينfisherman'swharf جنب ميناء الفيري بالزبط تشوفها وانت جي كانها بركان - قلعة علاء الدين – مطاعم – محلات اوت ليت ..بس لسى مافتحت مدري ليش ؟؟؟ يمكن بيجددوها او انهم بيفتتحوها في وقت معين لان الي زاروها من قبل قالو انها مافتحت ..)

• بحيرة nam van و بحيرة