فندق الأحصنة الذهبية من ناحية الموقع لابأس به ونظافة الغرف لايرقى لمستوى الخمس نجوم ولكن لابأس به ومن يريد ان يسكن به فلا يزيد على ليلتين فقط وذلك من أجل قربه لسوق الماينز , هذه مقدمة فقط للفندق أما ما حصلي في الفندق هو عندما أردت الخروج من الفندق ( عمل الشيك آوت ) وكنت جالس فيه يومين ذهبت لموظفة الإستقبال وطلبت منها عمل الشيك آوت وكنت معطيهم 200 رنقت تأمين آخذهم عند الشيك آوت وطبعا أنا ما أخذت شي من الثلاجة ولا طلبت أي شيء من الفندق إيش اللي حصل , فوجئت بأن الموظفة رجعت لي 180 رنقت فقلت لها أنا معطيكم 200 رنقت وأخذت تقول هذا الحساب وبلكنة سريعة وظنت إني بامشي عنها ولكن حسيت إنها تبي تنصب على وما حبيت الطريقة اللي تعاملني فيها رديت عليها وقلت باقي 20 رنقت وإذا أنا خذيت شيء من الفندق عطيني الفواتير وعليها توقيعي توهقت الموظفة وبعدين حظر موظف آخر وكلمني وقلت له ارجو حظور مدير الفندق شوي ولا يطالع الموظفة ودخلوا الغرفة الجانبية وطلع الموظف وعلى طول عطاني ال20 رنقت وقال حنا آسفين .
انا صراحة ما همتني 20 رنقت لكن قل كم واحد خذو منه بالطريقة الوقحة هذى وحبيت أعلمهم إنا حنا العرب ما حنا مغفلين مع العلم اني يا أخوان أعطي البقشيش للعامل ومنظفة الغرف وحتى موظفي الإستقبال لكن مو بالطريقة القذرة اللي سووها معاي
( نصيحة يا إخوان عند عمل الشيك آوت من الفندق دققوا على الفواتير واطلب الفواتير إذا شكيت بالفاتورة وتأكد ان عليها توقيعك ترى ممكن يزودون عليك الفلوس وانت ما تحس )