آفا وينكم لا رد ولا جواب شو السالفة وين المشرفين ؟؟؟

السلام عليكم ...
حياك الله أخوي soilrich ...
الهيلتون فخم وجميل لكن عيبه شي واحد بعيد .... المعروف إن أشهر منطقتين للسكن في كوالا هي (( شارع العرب )) و (( جوار البرجين التوأم )) أو على الأقل يكون السكن داخل المثلث الذهبي اللي هالمنطقتين أحد ضلعيه ...
هيلتون خارج المثلث الذهبي وبالتحديد بجوار محطة القطارات ( كي إل سنترال ) ومطل على البحيرة ( لايك قاردن ) ... وقريب من الحدائق ...
إلا اذا كنت تقصد كراون بلازا اللي كانوا يسمونه سابقاً هيلتون وبعدين تغير إلى موتيارا والحين إسمه كراون بلازا فهذا موقعه قريب من البرجين وداخل المثلث الذهبي ... بس أعتقد إنه إنسى إسم هيلتون من زمان ...
بالتوفيق إن شاء الله ...

تسلم لي يا أبو ميسم على ردك اللطيف
وأشكر لك ردك
بس أعتقد هذا الفندق أنا شفته يوم زرت كولا آخر مرة في شهر 4 جنب الشيراتون وأنا ما يهمني قربه أو بعد من شارع العرب بس سؤالي المهم أنه يصلح حق العائلة ؟؟ والحديقة الي بقربه أو أقصد البحيرة جميلة وجنب منها مطاعم أو سوق ؟
وشاكر لك ردك الغالي
بعدين أنا وحده مب واحد ......

إذا تريد فندق مناسب للعائلة قريب من حديقة كبيرة فيها العاب وقريب من الأبراج وأماكن التسوق ويبعد خطوات من المسجد ........... انصحك بفندق suitstay فندق شقق سكنية وخدمة فندقية وسعرة مناسب وهو اربع نجوم
بالنسبة لفندق الهيلتون بعيد جدا والله يعينك على التكاسي .

أشكرك أخوي فيرست كلاس وكلك ذوق