الظاهر مشرفنا العزيز فهدد مشغول..طيب ممكن اي احد لديه الخبره عن ماليزيا يساعدني.... كولالمبور وبياننغ ولنقاوي وتيومان وكاميرون وسانوي لاقون من ضمن الاماكن المرغوب زيارتها..لدي 16 يوم ابي اوزعها بالترتيب علما بان لدي 15 الف ريال ميزانيه للتذاكر والسفر ..ارجو منكم المساعده..

السلام عليكم ورحمة الله وبركاتة
الاخ العزيز / الاتجاه المعاكس....
نعم الاخ / فهد... مسافر وسيعود ان شاء الله بعد 25 يوم......
وتقبل تحياتى

16 يوم بس شويه
ابحاول اساعدك شوي
كوالالمبور يومين
وبعدين بينانق 4 ايام وبعدها 3 ايام لنجاوي
وبعدها ارجع لكوالالمبور اجلس الباقي
على فكره وانت راجع في كوالالمبور اخر شي رح لجنتق كان معك صغار اجلس فيها يومين وكان ما معك رح في نفس اليوم وارجع
تحياتي

وعليكم السلام ...
تحية لك اخوي الاتجاه المعاكس وتحية لاخونا العزيز فهد
وتحية لاخونا الغالي ابو مضاوي وتحية لاختنا الغالية
الشوق .
صراحة من اول وانا شايف استفسارك لكن لانه كان موجه
شخصياً لاخونا فهد فقلت ذوقاً المفروض ما ادخل .
طيب ...هذا رأيي .
الخيول الذهبية 2
لنكاوي 3 ..شيراتون بيردانا
بينانغ 4 ...راسا ساينغ .
كاميرون 2...اكوتوريال .
كوالا 6...ماريوت .
اخوي الفنادق والتذاكر ان شاء الله اقل من 15 الف .
وان بغيت فنادق اكثر او اقل ..اشارة وابشر من عيوننا .
وتراها كلها 5 نجوم ...ومجربة .
طبعاً من الايام الاخيرة اطلعوا لجنتنغ .
0ريال يومية لشخصين تراها حلوة يوم ينقص
ويوم يزيد وذا يغطي ذاك ...افتكر قبل فترة اخونا الحبيب
اول حبيب قال كلمة حلوة شخص يصرف لحاله في اليوم
اكثر من 100$ تراه ماعنده سالفة صدقت اخوي .
وانتم شخصين وصرفيتكم حدود 100وشوية $ يعني ماوصلتم
فوق 200$ اجل ممتاز
والتسوق حسبتها غير ...وهذه ما احد يعرفها الا انتم .
وحبيت اقول لكم الف الف مبروك والله يجعلها شهر عسل
سعيد وعقبالنا والعزوبية ...وترى اذن المغرب عندنا
ولك تحياتي وتقديري والسلام عليكم

السلام عليكم.
الاخ العزيز ...الخواطر شكرا الف شكر للتنويه.
الاخت العزيزه الشوق ..مشكوره على ردك وعشانك بس بزود كم يوم ..
اخي العزيز الشعيبي اولا مشكور ياغالي على ردك التفصيلي الرائع
ثانيا اسمحلي لاني سالت الاخ فهد دون البقيه والسبب اني قلت اسال المشرف عشان يرد علي بسرعه ويوم شفت الدعوه تاخير قلت اعمم احسن وفعلا نجح التعميم..عموما دامك قلت لي ان قيمة السكن اقل من كذا اجل بزود مدة السفره وودي اضيف تيومان وافاموسا مدري تنصح فيهم وكم يوم يكفيني في الثنتين.ماشاءالله عليك اخترت فنادق فخمه وماظن فيه افخم من كذا واذا كان فيه افخم فياليت تعلمني عنهم اذا كان في حدود السعر المعتمد.اما اذا انك تشوف ان الفنادق اللي ذكرتها بتخليني اسعبل لما اروح لها فخلني عليها لاني شفت صورها وفعلا هي رهيبه
مشكور وماقصرت ونردها لك بزواجك انشاالله.

السلام عليكم ...
اول شيء اعتذر عن خطئي ...سلامي لأخوي الخواطر
غلطت اول وكتب ابو مضاوي وسلامي له بعد
يا هلا بك اخوي الاتجاه المعاكس واليوم ما قدم البرنامج فيصل
وقدمتها جمانة جمانة طيبة بس باردة
لو كان اخوي فهد حاضر كان جاوب عليك احلى اجابة
لكن مانقول الا ربي يرجعه بالسلامة .
طيب يا غالي انت حسبت كم يكلفك في برنامجنا
الاول ...نعطيها اسوء احتمالات ونشوف كم يبقى .
الخيول =350*2=700
بيردانا =600*3=1800
راسا =500*4=2000
اكوتوريال=300*2=600
ماريوت او ويستن =400*6=2400
تذاكر=6000
كلها 13500 ريال .
تراها بأسوء الاحتمالات ...مثلاً شيراتون الليلة المطلة على
البحر ب500 وشوية ...وراسا المطل 400 وشوية .
والخيول ب320 ....انا احب ازود ..يفيض احسن من انه
ينقص علي .
اجل فيها مجال ...تيومان ..م...اول امس كنت اتكلم مع اخ
عزيز بمنتدانا وخبرني انه الوصول لتيومان فل .
ولو فيها مجال كان قلت لك توكل على الله .
افاموسا ...م...رأيي تخليها ليلتين بملاكا .
ليلة تاخذ فيها فيلا بمسبح بأفاموسا ومنها تتمشي
وتجرب الانطة الموجودة بالمنتجع ...وتنامون هناك.
وبكرة النهار على الساعة 12 سوي خروج وتحرك لقلب
ملاكا وخذ ليلة برينيسانس او اكواتوريال ...منها تشوف
ملاكا وتشوف اثارها وتاكل سمك مشوي ...من هذه الولاية
انتشر الاسلام بجميع شبه جزيرة الملايو ...والسمك المشوي
حقها مشهور على مستوى ماليزيا .
لكن لا تحجز بوسط المدينة ومنها تروح افاموسا لانه ياخذ
قريب 45 دقيقة والطريق مش ممتع .
الفيلا بمسبح الليلة ب470 ريال .
مادام انك على الخط خبرني وش رايك ..ننقص اونزود .
والله يجعلها رحلة سعيدة وترجعون بالسلامة والسلام عليكم

اسف على التاخير اخوي الشعيبي
والله مدري اخاف ازود تطلع علي بخساره..خلنا على الفنادق اللي اخترتها.بس سؤالي عن الخيول الذهبيه وين موقعه بعدين وش رايك اروح فندق مندرين اروينتال والا اروح ماريوت لان الشباب هنا يقولون انه زحمه فيه وانا ماحب الزحمه ابي اكون بعيد عن الضجه. ولي قريب سافر قبل اسبوع كلمني من بياننغ يقول انه تحسف انه راح لها وان لنقاوي احسن لان بياننغ زحمه وأرف على قولته.وش رايك؟؟؟ مشكور حبيبي وسامحني تعبتك معاي.

السلام عليكم ...
ابغى اكلمك بلهجة خوالي مرحبابك اخوي الاتجاه المعاكس
لا خلينا يا ابوية عل جدولنا الاولاني ...اما عن موقع
الخيول الذهبية تراها بره العاصمة ويعني علشان توصلها
ياخذ معاك 25 دقيقة ...هذا ان ماقابلك زحمة .
ايوه ....م ....طيب ترى ماندرين احلى وافخم اروق
من ماريوت ...طيب قلي ليه طيب اول تدلني على ماريوت ؟
انا اقولك ليه ...انت عارف جماعتنا يبغوا التسوق ...ويبغوا
شارعنا المزعوم ...قلت ممكن يكون هواك زيهم ...
والله ماندرين احلى وافخم ...وجنبك سوق زي الحلاوة .
وخذ لك غرفة مطلة على الحديقة ...لانه في مطل على الحديقة
وثاني مطل على الشارع ...عاد ايش تبغابه اللي على الشارع .
خذ اللي على الحديقة وشوف في الليل كيف المنظر وان شفتها
لا تنسانا بالدعاء شحات واتشرط
وكلها دقائق بالتاكسي وانت في قلب شارعنا المزعوم .
لنكاوي احسن من بينانغ بكثير وخاصة اهل الهدوء .
دائماً ان بينانغ اخذت فيها 5 ايام اخذ في لنكاوي 7 ايام .
مع انه بينانغ اكبر واوسع وتماشيها اكثر الا انه الراحة
النفسية يا ابوية فوق كل شيء ...ويكفي هذوليك مسلمين
وبناتهم بطرح ومناديل وبينانغ كل ما ترفع حجر يطلع لك
صيني والملايو الكرام لهم قرى محددة ...دائماً اقولهم
ترى بينانغ قطعة من سنغافورة ...طلعوا منها الملايو
وكل الصينين غير المسلمين جرجروهم لبينانغ وبعدها
انسفوا الجسر
يا اخوية ترى ما انصحك تلغي بينانغ ...لكن مادام انك
تحب الهدوء اكثر وما تبغى الرجة اجل اقولك ...
خلي لانكاوي 4 وبينانغ 3 ...خلونا عادلين شوية .
اهم شيء يا ابوية راحتك النفسية ..بس قلي ايش رايك .
موفق بأذن الله تعالى وربي يردكم بالسلامة
ولك تحياتي وتقديري والسلام عليكم

السلام عليكم
ماشاء الله عليك اخوي الشعيبي اسلوبك حلو في الكتابه ومفصل انا بعتمد على الله ثم عليك بكل استفساراتي بس تحملني الله يخليك.... قريبي اللي موجود بماليزيا ارسلي الفنادق اللي سكن فيها.ابيك الله لا يهينك تعطيني رايك فيها.واذا كانت احسن من الفنادق اللي ذكرتها ام لا؟
فندق اندمن في لنقاوي
فندق موتيرا في بياننغ
فندق ستروبري في كاميرون
فندق ريجنت في العاصمه
بعدين ماقلتي عن قرية افامسوا ابيك لو تكرمت تحطها في البرنامج وقرية فريزر اذا كانو يستحقون الزياره وكم يوم يكفيها.ارجو منك ان تتحملني وسامحني على تمصيخ الدعوه..ورد علي بلهجة خوالك لانها عجبتني;)
شكرا لك