حياك الله اخوي
والحمدلله على السلامه وفي انتظار التفاصيل والصور للرحله

حمد لله على السلامة أخي فيصل
ويش اسم الفندق
فنتظار باقي التقدير
تحياتي

حمد لله على السلامة أخي فيصل
ويش اسم الفندق
فنتظار باقي التقدير
تحياتيll
hotel lloret tel 34 933173366 fax 34 933019283 email info hlloret .com

1. يوم الجمعة تاني يوم نزلنا نفطر وكان الفطور مرة سئ قررنا انو نكلم

يوم الجمعة تاني يوم نزلنا نفطر وكان الفطور مرة سئ قررنا انو نكلم

الفندق يلغيه لان زيادة فوق سعرة 12يورو عن كل يوم وبعد ما كلمناهم نزلنا واحنا مقررين من امس انو نروح مدينة الملاهي الى في تركونا اسمها بورتوفنتور نزلنا في شارع الرامب وسالنا في الانفرميشن واعطونا كيف نوصلها وعلى فكرة قالوللي في المنتدي الوصول لها يبغالو ساعة بس طلعت ابعد من كدة بالضبط ساعتي علشان توصلها اذا كنت في الرامبل خد لين 3 الخط الاخضر الى محطة sants estaco ومن هناك تقطع تذكرة للقطار الي رايح المنطقة تسال في كونتر المعلومات والتذكرة للفرديين60-24يورو وبعدين تروح محطة اسمها st . viceus وبعدين تركب الخط c4 وتنزل بعد تقريبا 3 محطات في محطة باسم الملاهي بورتو فنتورا وعلشان كدة لازم تروح من بدري علشان توصل بدري وتقدر تخلصها لان الملاهي مرة كبيرة وتنتبه انو اخر قطار يطلع من هناك الساعة 9 الا ثلث اى لازم تكون في المحطة 8ونص وترجع بنفس الطريقة المهم وصلنا هناك الساعة 12 الظهر وسعر التكت 39 للشخص وفي العاب مائية بس ماسالنا على سعرها لان الجوبارد المهم دخلنا واتمشينا فيها بصراحة مرة حلوة ومرتبة ولا يفوتكم بيت الرعب مرة حلو ناس تجري وراك ذي الافلام المرعبة ورجال يطلعلك من الصندوق ذي الميتين مرة حلو ركبنا القطار الى ينقلب مرة حلوبس يموت من الخوف وكمان قطار المويا حلو عندهم اللعبة الي هيا ذى مقاعد ةتطلع على فوق وتنزل عرفتوها بس الفرق عندهم انها في ارتفاع جبار بصراحة انا خفت اركبها لانها تطلع مرة فوق وبعدها تنفلت المهم لعبنا تقريبا كل الالعاب وعلى الساعة 6 بدات العروض حلوة انبسطنا مرة واكلنا في محل نجت وبطاطس الاكل مرة كان سي وبعد كدة مشينا راجعين للقطار ورجعنا برشلونا وهدا كان يوم الجمعة اعذروني يمكن اسلوبي ركيك بس حبيت اكتب كل حاجة لافيد أي واحد حبب يروح زي ما انا استفت منهدا المنتدي الجميل

مرحبا فيصل
بس حبيت اعرف بدل الغلبه --ليش ماخذت تاكسي --وكم يتبلغ سعر التاكسي
وتحياتي

layl
قصدك من المطار ترى التكاسي غالية ونادر لما تشوفي ناس تستخدم التكاسي الكل بيستخدم الباصات او المترو بالنسبة ليا كان الموضوع متعة وتوفير في نفس الوقت لان كل سفرياتي لاوروبا اوبريطانيا اعتمد في المواصلات انا وزوجي على الباصات والمترو وبالذات اننا شباب فيها نوع من المغامرة اذا كان قصدك الملاهي تري التجربة مرة حلوة انا روحت يورو ديزني بنفس الطريقةومعظم ملاهي انجلترا بردو كدة زي ماتقولي غاوية تعب بس ماتتخيلي كد ايش فيها متعة بالنسبة لي وشكرا على مررورك

1. اليوم الثالث

اليوم الثالث

صحينا بدري ونزلنا الرامب واتجهنا السوق الخضار والفواكة la boqueria سوق لا بوكوريا واخدنا صحنين فواكة مشكلة وعصير فراولة وكيوي وهدا السوق حلو الواحد يتمشى فية يشوف انواع الفواكةالخضار والاسماك الزيتون فيه كل شي انا كنت اخد من عنده الزيتون والجبنة علشان الفطور وفي محل يبع العيش اواخده من كرفور بعد ما اخدنا الفاكهة وقفنا عند محطة الباص واخدنا باص 59 ونزلنا في محطة لما شفنا التلفريك تقريبا 6محطات والسابع تنزل فيها ما حتضيعو لانكم حتشوفو التلفريك ومسكنا الدور تقريبا ساعة لان مافي غير مصعد واحد صغير علشان يطلعك فوق ومافي الا عربتين وحدة تروح ووحدة تجي غريبة على بلد سياحى يكون التلفريك كدة ماهم مهتمين بيه المهم طلع في النهاية يستاهل الانتظار التذكرة 18 يورو لفردين المنظر كان خيالي من فوق البحر تحتك كانك حتطيح تشوف من فوق برشلونا كلها والشاطئ والسفينة المعروفة للرحلات كروز كانها تيتنك مرة كبيرة عجبني شكلها ووصلنا الهضبة واسمها تل منجويك de montjuic المنظر فوق خيالي والجلسة روعة وفي فندق فوق يا ريتني حجزت فية يومين استجمام يصلح للعرسان جلسة رومانسية وجوحلو ووجة حسن انصح العرسان ياخذو فية يوميين وجلسنا في الحديق ومشينا فيها لما تعبنا وكنا اخدينمعنا فسدق ولوز دفانا شويا لان الجو مرة بارد فوق لازم تعمل حسابك وتاخد جكت معاك احتياط وبعدها اتمشينا في الخط النازل ولقينا بجمبنا مبنى اللذى كان يقام فية الالومبيات شفناة ورحنا الملعب ودخلناةمن جوةوكل الاماكن جمب بعض وجمبو متحف الفن التجريدي لقينا علية زحمة ما دخلنا لاننا مو من المعجبين بهدي الاشياء المهم كملنا مشي شوية سالنا عن النافورة the magic fountai قال في دخلة وانت ماشيين على حديقة كبيرة جمبها زي القصر مشينا لقيناها وفي سلالم متحركة تنزلك للاسفل المهم كان الوقت 6ونص باقي شوية وتبدا بدات الساعة 7 وبعد كدة تشتغل كل نص ساعة الى الساعة 9 وتشتغل السبت والاحد ولما بدات العرض خيالي متعوب علية وهدي من اكتر الاماكن الي عجبتني تستمتع بالعرض وبعد ماينتهي ناس كتير وبياعين صنيين يبيعو العاب اطفال وطرح اشياء كتير مكان حلو ووناسة ومشينا من عند النافورة وطلعنا كوبري ولما نزلنا لقينا نفسنا جمب محطة المترو بلازا اسبانيا وقررنا نرجع منها و جمب المحطة في زي الخيمة يقدمو فيها عروض سحرية للاسف ماحضرنها بس بيقولو انها حلوة ما ادري ايش مواعيدهم ولي بتقدم العروض هي حرمه اسمها حاجة صبري مني فاكرة ونزلنا المترو الى بلازا كتالونيا للعلم احنا اخدنا تذكرة توب 10 للمترو او الباص تقدر تستخدمها ومرينة على محل الطعمية اخدنا سندوتشين وبطاطس وسلطة وببسي ورجعنا اكلنا وصلينا وريحنا ونزلنا بعدها نتمشي في الساحة الى الساعه12 الشارع ماينمل منة على طول زحمة وناس لما الفجر مافي خوف ابدا وهدا كان تقرير يوم السبت تحياتي لكم انتظرو الصور في القريب العاجل باذن الله

نحنا نتظر اخي الكريم
شوقتنا

1. [اليوم الرابع الاحد

[اليوم الرابع الاحد

قررن ان نذهب الى مدينة الملاهي الموجودة على الهضبة تيبي دابو tibidabo واتجهنا المحطة الباصات الي في بلازا كتلونيا امام شانيل وانتظرنا باص ارزرق مكتوب علية n2 تبدابو بلازا كتلونيا ودفعنا على كل شخص 2 يورو وهدي افضل طريقة للوصول الى الملاهي والمرتفع والطريق حلومرة في الطلوع والجوبارد بالاعلى لازم تاخد معاك جكت والملاهي تغلق الساعة 6 اى لازم ترحلها بدري يعني 11 الوقت مناسب ومسكنا الطابور علشان التكت ولينا موقف مع التكت قطعنا التكت 11 يورو قالت لنا الموظفة انك تقدرو تلعبو اربع لعبات وقطعنا التكت ولكن لاسف التكت كان لعبات محددة لماجينا نبغى نلعب العاب ثانية قالت اقطعومن جديد تكت تاني للفرد24 يورو المهم ركبنا الطائرة المعلقة ومن فوق وانت راكبهاتحس انك في الجو لان الارتفاع جبار حلو وفي لعبة لونها اصفر هي عبارةعن عربة تركبها 5 افراد ونكون واقفيين وهي تطلعنا الى الاعلى وهيى مفتوحة بس مرة تخوف لانها لما يركبومعاك الناس تحس مافي توازن وكانك حتطيح انا بصراحة مرة خفت فيها ما انصح الي يخاف من
المرتفعات انو يركبها المهم الي يروح ياخد التذكرة الكاملة للالعاب يلبسونكم اسورة خضرة افضل
لان كان في بيت رعب شكلو حلو شايف علية زحمة وفي سينما 3 دي والباقي العاب اطفال وفي القطار الي في الماء وفي القطار السريع المهم الجلسة فوق مرة حلوة قضينا اليوم واتغدينا هناك في طعم بالاسفل الدور 4 فية مكرونة بالخضار وبطاطس والساعة 5 رجعنا وانتظرنا البا ص الازرق لانو يجي كل نص ساعة ورجعنا بلازا كاتلونيا كل المحلات مقفلة اليوم دورنا في الرامبل وبعدها قررنا نروح السينما imax3d الايماكس بجوار المول الي على المينا قالو في عرض انك تتدخل فلميين بسعرمخفض فحجزنا الفلميين ودخلنا العرض الساعة 7 الاربع وكل عرض 45 دقيقة الفلم الاول مرة مو حلو فيلم عادي التاني كان ثري دي عن الثلج وبعده رجعنا الساعة 11 الى الفندق بعدما اتمشينا شويا على المينا واكلنا السمك عيش السمك في المينا مرةكبير وكتير بس ترميلهم عيش وشوف الهجوم من السمك والنورس منظر مرة حلو واحنا راجعيين لقينا المشجعيين في الرامب والزحمة الظاهر انوكان في مبارا ة