حسب قانون مجلس التعاون المخالفة تصل الي بلدك
والدفع بعملة مكان المخالفة
عن تجربة حصلت لي بالبحرين

ام مااعرف شو الاجراءات بالضبط لكن نصيحة لا تخالف في دبي ترا الحين القوانين صارت صارمة جدا ا.. وفيها غرامات كبيرة وحجز للسيارة ومحاكمة ..

الله أعلم .. بس أعتقد لازم تدفع المخالفت ..
وعلشان تكون في السيف سايد .. التزم بقوانين المرور .. وخصوصا في دبي .. وحتى إشارات عبور المشاه حاسب عندها وخصوصا الموجوده في شارع الجميرا إذا تجاوزيتها تدفع الغرامه وتنحجز السياره .. وإذا قبل سنه عرفوك أهل الإمارات .. بشيرك خير الحين بتستوي مشهور عالميا بالجرايد والتلفزيون ..
وبالسلامه إن شاء الله

fta Mnfoha
وش تجربتك اخي العزيز

اخوي لما تشاهد تقرير الاخباري بدبي بتعرف ان دبي مشدده بهذا الموضوع اخوي حكومة دبي حاطه كاميرات في كل شوارع دبي يعني محكمه وحجز وغرامه

تم مخالفتي علي جسر البحرين وبعد تسعة شهور
اتصلت ادارة المرور
وعند مراجعة الادارة
تم تحويلي قسم مجلس التعاون ودفعت بالعملة البحرينة

انا اتكلم من واقع تجربه قبل سنه رحت لدبي وطبعا على طريق الشيخ زايد عداد الجيب ما ينزل عن 200 - 180
وانواع التصوير والفلاشات وفله
ورحت بالصيف مره ثانيه لدبي عن نفس السياره ولا احد قالي شي
السياره السعوديه محد يقول لها شي لانهم بيحلون المخالفات على السعوديه والمرور عندنا ما يعطيهم وجه
ههه
يعني باختصار واهم شيء عداد سيارتك لاينزل عن ال 200 ولو مشيت 260 يكون افضل ههه
وهذا من واقع تجربه واتوقع لو اجمع مخالفاتي الي بدبي اتوقع بتوصل ميزانية دوله كامله
المهم لا تشيل هم ووسع صدرك والله محد درى عنك خصوصا انه مكتوب في لوحتك (( السعوديه))
ولا تنسى تحط صورة ابو متعب على القزاز الله يعزه ويحفظه
فعلا ملك بكل معنى الكلمه عزنا وعز شعبه كل بلد تحسب للسعودي الف حساب
واتوقع هذا الرد حاسم على الموضوع وهو من واقع تجربه
سلام

يعطيك العافيه
اخوي دكتور نفسيه وماقصرت طمنتني ومشكور لكل الاخوه والصبايا على الردود وهذا مو معناه انه راح اخالف بالعكس القانون فوق الجميع