انا حاجز بتاريخ 18/8على الجاروده..
وقبل اسبوع رحت اشيك على حجزي قالي الموظف حجزك متكنسل؟؟
قلت موب مشكله شفلي حجز قالي فيه حجز ok قلت تمام مافيه مشكله..
عاد امس مريت صدفه جنب المكتب لقيته فاتح قلت يارجال خلني امر اشوف متى آخر موعد لشراء التذاكر يوم دخلت على الموظف وعطيته البرنت بكل ثقه طبعا حجزي ok بس حبيت اشيك قالي بكل برود ياخي حجزك(((متكنسل)))
فجتني صدمه عصبيه :111: قلت يابن الحلال مشيك الأسبوع اللي راح قلتولي ok وش السالفه :112:
قالي ان الحجز متكنسل من الجاروده نفسها مو من عندنا..
قلت ليش؟؟
قالي ان حجزك بعد 15/8 والأسعار الجديده مانزلوها للحين والكمبيوتر الغى اغلب الحجوزات بعد كذا..
وقلتله اجل شف لي حجز جديد وشيك الرجال قال مافيه الا انتظار الذهاب..
قلت افا.....> طيب وش السوات
قال اذا كان حجزك قبل 15/8لازم نقص التكت عشان مايلغى حجزك..
اما اذا كان حجزك بعد15/8 فهنا المشكله..
عاد وصاني على واحد اليوم الصبح امره يقول لعبته الجاروده وشوف..
قلت تمام نشوف!!
وانا اللي انقز اليوم الصبح للمكتب وروح لبوهنود قلتله السالفه هيك وهيك وهيك :ranting2:
قال هذولا جاروده تغير وكيلهم وحاسونا..
بس قال معليك (ازهله) ويقعد يحبرش بهالكمبيوتر قال لقيتلك حجزok..
قلت حلو بس....> اخاف اجي بكره القى الحجز متكنسل
قال هذا اللي بيصير بس بسوي لك حركه بحكم معرفتي بالجاروده..
اني اطلعلك ارقام تذاكر وهميه بدون ماتدفع شي من الجاروده عشان مايتكنسل حجزك وذا نزل السعر الجديد تعال واطلعلك التذاكر الجديده..
قلت هذا الكلام الصح..
هذا اللي صار معي انا شخصيا..
وللمعلوميه المكتب من اكبر المكاتب بالرياض والمملكة يعني مو مكتب حواري والحجوزات كنسلوها الجاروده..

• يعني كل اللي حاجزين على جاروده لازم تشيكون على حجزكم ولا بتاكلونها وتصيفون في ربوع بلادي