نور البدر
17-05-2022 - 02:42 am
السلام عليكم
اخواني اعضا المنتدى المحترميين
لو سمحتو انا طمعان في خبرتكم
وابي رايكم انا ابسافر العطله الصيفيه الجايه باذن الله لاندونسيا لكن ابي رايكم لاني سافرت ماليزيا واخاف مثلها
لان صراحه ماليزيا
ما عجبتني انا رحت لها العام الماضي و ماعجتني لانها غاليه ملره مره
ماكنت اتوقع هالغلا
وبعدين احس طبيعتها ومناظرها بس تفرج فيها
لا انا ابي اعيش وسطها......................... يمكن مافهمتو وش اقصد انا ابي احس انا وسط هالطبيعه بالعربي الفصيح (( ابي اعيش حياة هايدي تعرفونها افلام الكرتون .... اكيد تقولون اكيد هذا بزر
لا والله بس مثال تقريبي
عشان كذا اندنوسيا كذا ولا مثل ماليزيا
وهل الاسعار مثل ماليزيا
انا العام التذاكر والسكن اخذته من مكتب سياحي ب 4500 والتذاكر مع الداخليه 3100
لشخصيين طبعا لمدة 14 يوم
وكلفني الاكل والمصاريف الثانيه 8000
من غير الهديا
والله احس صلخ مره ماكنت اتوقع كذا واشوى اني اخذت معي الفيزا ولا رحت فيها
المهم انا طولت عليكم
بس حبيت تفيدوني الله يخليكم مع انه بدري بس انا اجب اخطط لسفر الصيفيه من بدري لان (( اذا كانت اندو نسيا مثل ماليزيا شكلي ابغير الوجهه الى سوريا ولبنان وتركيا ولا وش رايكم ))
واسف للمره المليوون على الاطاله
وعليكم السلام
وياهلا بلأخ نور البدر .... والله يا خوي الصرف هذا هو الشي الوحيد الي ما فيه مقياس وكل واحد يصرف على كيفه ويختلف الصرف بين واحد واحد لكن في شي ثابت مثل التذكرة والسكن بس مثل الأكل يعتمد على المطاعم الي تحب تروح لها التنقلات يعتمد على كثر تمشيتك...التذكره في الصيف غالباً سعرها يكون مرتفع يعني من 2200 ريال الي 2600 ريال
السكن أذا كان 5 نجوم غالباً من 70$ الي 150$ ما يختلف كثير عن ماليزيا.
التنقلات رخيصة مثل التكاسي والسيارات المستأجرة باليوم ... سيارة خاصة اليوم كامل في حال اذا بغيت تطلع عن جاكرتا تقريباً 30$ والتكاسي اتوقع انها قريبة من اسعار ماليزيا.المطاعم عندهم رخيصة مقارنة بالسعودية يعني انا اذكر مره احنا 3 شباب دخلنا مطعم تشيليز والمطعم هذا معروف انه غالي وبصراحة طلبنا طلبات كثيره وكانة الصاعقة بالنسبة لي لأني اني الي بحاسب الفاتوره كانت 50$ والله لو في السعودية مش اقل من 300ريال.
على فكره الرخص الي يتكلمون عنه الشباب في اندونيسيا خارج جاكرتا وبالي
يعني لي من تاخذ لك فلا في الجبل جيده جداً فيها مسبح اليوم كامل من 30$ الي 50$ والاكل عندك خدامة تطبخ والسياره واقفه عند الفلا مستأخرها ب30$ وتمشياتك في الجبل وحولها ما يكلف شي يعني قول 20$ في الاخير انت صارف في اليوم 100$.هذا توضيح بسيط عن الصرف هناك وان شاء الله الشباب يفيدونك اكثر. وانا اسف على الإطالة .
اخوك
برونكوس