الرجل وزوجته وابناءهم اللي اعمارهم اقل من 18 سنة ممكن يعبون البيانات في نفس الورقة
استغرب زوجك يكون معاكم وما حيطلع الفيزا ؟؟
ارجوا التوضيح وانا جاهز للرد

انا هنه
كلامك غير صحيح
كل مسافر لازم يكون له ابليكيشن مستقل بالاضافة الى السبلمنتري فورم
حتى لو كان المسافر رضيع لازم يعبون له ورقة مستقلة بالاضافة الى السبلمنتري فورم
بالنسبة لكشف الحساب تجيبين كشف حساب زوجك لمدة 6 شهور وتعريف بالراتب من العمل وتعهد من زوجك انه يتولى مصاريفكم اثناء تواجدكم في كندا
التعهد هذا ممكن ياخذه من العمل ويصدقه من الغرفة التجارية
بالاضافة الى شيك مصدق من البنك الاهلي بمبلغ 75 دولار كندي لكل مسافر ( يعني انتي وولدك شيك واحد ب150 دولار كندي )
عدد صورتين خلفية بيضاء لكل مسافر وتكتبين خلف كل صورة اسم المسافر
صور من تذاكر الطيران وحجوزات الفنادق
اذا كان عندك فيزا كندية قديمة صوريها وأرفقيها مع الطلب
اذا عبيتي الابليكيشن لا تنسين تضغطين على ال validate حتى يطلع لك الباركود في الصفحة الاخيرة
عبي السبلمنتري فورم لكل شخص يتعبى يدويا
عبي الفاميلي فورم لكل مسافر ... هذا فورم تكتبين فيه اسماء امك وابوك واخوانك وخواتك واولادك وزوجك وتاريخ ميلاد كل شخص ووظيفته وهل هذا الشخص مرافق لك في السفر او لا
لا تنسين توقعين على الابليكيشن والسبلمنتري فورم في الاماكن المخصصة في الصفحات
ولدك لازم يوقع عنه ابوه اذا كان اقل من 18 سنة
اذا اكتملت الاوراق ارسليها عن طريق ارامكس الى السفارة الكندية بالرياض
الله يكون بعونك انا لي الان 35 يوم ما طلعت الفيزا الكندية

اخي الكريم تحيه طيبه وبعد :
لاحظ في ردي قول ممكن ؟؟
ونحن لسنا في موقع للاسقاطات على بعضنا
من تجربه شخصيه انا قبل ثلاثة اشهر عملت كما كتبت .
قد تكون الفيزا السياحيه تختلف عن الفيزا الدراسيه
واستلمت الجواز في 20 يوم
فالامور بسيطة بإذن الله
والله من وراء القصد

كيف فهمت ان ردي كان فيه اسقاط لك؟
السفارة غيرت اجراءاتها واذا كنت قلت كلام غلط وغيرك يصحح لك هذا ما يعيبك ابدا
شي ثاني ممكن كاتب الموضوع ياخذ بكلامك ويضيع وقته
واذا كنت ما تبي احد يعقب على كلامك فهذا موضوع ثاني

مشكورين اخواني
زوجي عنده جواز امريكي فمايحتاج فيزا
وانا ابغي اطلع الفيزا من امريكا لاني متواجده هناك الان وجالسه لمده وراح اروح بر والمشكله كشف الحساب كيف نجيبه من السعودية واحنا مو فيها والشيك من امريكا من وين اصدره؟

funnygirl
كشف الحساب يكفي عن طريق الانترنت
اما الشيك من اي بنك يصدر في امريكا انا ما ادري