كم الميزانية ؟
وهل تريدون غرف ؟ اجنحة ؟
ارجو التوضيح

بالنسبة للمدينة انا مستعد بإفادتك بس اذا تكرمت ابغا اعرف عادي خمسة نجوم يعني غالي شوي او تبون وسط او منخفض التكلفه والوقت اذا ممكن
طبعا في كل الحالات بالمدينة يجب أن يكون السكن في شمال الحرم عشان بوابات النساء عشان كبار السن

واهم من هذا كله متى الوقت

جزاكم الله خير...
بتكون عمرتنا إن شاء الله يوم الجمعة تاريخ 17 ديسمبر...والعودة يوم السبت تاريخ 25 ديسمبر
كنا اول نحجز 3 غرف جنب بعض في الصفوة رويال اوركيد...وفوق الممتاز الحمدلله لانه اقرب شي...بس انا قلت يمكن احصل شقة اقرب من برج الصفوة...معاي كبار السن وراسهم وألف سيف ما يستخدمون الكرسي المتحرك...يعني لازم قريب جدا جدا جدا...
فكرت يومين في المدينة وبعدين الباقي في مكة...بس ما اعرف المسافة كم من مطار جدة الى المدينة وبعدين الى مكة؟ كم ساعة تقريبا؟؟ لو المسافة تعب على الشياب بخليها مكة بس....انتظر افادتكم بارك الله فيكم

اولا : الله يحفظهم ويخليهم لك ويخليك لهم والله أكثر شي يشعرني بالسعادة في هذا الكون خدمة كبار السن..
بالنسبة للمدينة ياويلك مني إذا كنسلتها ... بالنسبة للمدينة من جدة 3 ساعات تقريبا 380كم ومن المدينة الى مكة 4ساعات تقريبا 400كم
اقتراح : ليش ماتصير رحلتكم من بلدكم للمدينة او من جدة تجون للمدينة طيران ومن المدينة أنا أؤمن لكم سيارة مريحة موديل2010 بسائق محترم يوصلكم الى مكة وماابي منكم الا الدعاء
بالنسبة للفنادق أفضل شي دار التقوى انتر كونتننتال أو دار الايمان انتركونتننتال او رويال الاندلس او دلة طيبه بالترتيب
ونصيحتي لاتفوتون المدينة فيها راحة نفسية فوق ماتتصورون وفيها برامج حلوة مثل زيارة مسجد قباء اول مسجد بني في الاسلام ومسجد القبلتين اللي كانت فيه القبلة للأقصى والسبع المساجد للأئمة السبعة وسيد الشهداء ومطبعة المصحف الشريف ومزرعة سلمان الفارسي وحرة قريضة والعديد من الآثار الأخرى وان قررتم المدينة تجب علينا ضيافتكم ويشرفنا تشريفكم لنا والله يوفقكم لما يحبه ويرضاه

فيه عندك هلتون المدينه راقي وممتاز جدا عن تجربه وقريب من الساحات
دار التقوى روعه
فيه فندق الحارثيه برضو حلو وراقي وعن تجربه
بس مو قريب مره من الساحات
والله يسهلكم يارب

كلكم الله يسعدكم دنيا وآخره وبارك الله فيكم ... ان شاء الله مب مكنسله المدينة بس بنيلس فيها يومين إن شاء الله...الامر سهل اذا 3 ساعات بسيطة انا خفت يكون فوق الاربع ساعات كبار السن ما يتحملون حكرت السيارة...
ابتسم للحياه وجنون انثى تسلمون والله يخليكم...
زين الحين شو اقرب شي لمدخل النساء...يعني اقرب اقرب اقرب اقرب لمدخل النساء...مب مهم غرف فندقية او شقق فندقية اهم شي الاقرب لمدخل النساء...؟
اليوم خلاص حجزت التذاكر وباقي الفنادق تخبروني عن الاسامي وإن شاء الله ادعي لكم ومن معي ونحن معتمرين

اهلين
بالنسبة للمدينة المنورة أقرب شي لبوابات الرجال و النساء دار التقوى ودار الايمان انتركونتننتال وابراج طيبة جميع هالفنادق تفتح مباشرة على البوابات
وبالتوفيق يارب

الاخ ابتسم للحياة, انا اكتب لك و انا مبتسمة واخاف من كثر الابتسامة ان حلجي (فمي بالكويتى) ينشج
انا سكنت بدار التقوى او الايمان قبل 3 سنوات والله مانى ذاكره (كان اول فندق بالضبط)
سؤالى لك ولا عليك أمر :ما تدرى اذا صار عليه تجديد ولا لأ؟ الصراحة كموقع اكثر من رائع مجرد خطوات من مدخل النساء لدرجة ان امى كانت تروح وترجع بروحها مع انها كبيرة شوى بالسن بس اثاثة شوى ( شوي) قديم. شكرا حتى لو ما رديت