لا عادية توني راجعة من دبي ما تفرق عن الرياض الأسعار نفس اللي عندنا ..

حاليا كل شي صار غالي في الإمارات
السكن صار غالي .. من خمس سنوات انا سكنت في فندق فيرمونت بسعر 320 درهم 3 ليالي والرابعة مجاناً .. حالياً سعر الصيف في فيرمونت مش اقل من 1200 درهم
البترول ارتفع سعره .. بالتالي المطاعم والمحلات والتكاسي غلت اسعارها
من سنتين كنت استأجر كامري من المطار بسعر 130 درهم .. حاليا لو حصلتها اقل من 200 درهم تعتبر محظوظ
حتى المخالفات ارتفعت .. الرادار كان 200 درهم صار 400 درهم
هذا طبعا غير "سالك" وهي ضريبة 4 دراهم على كل مرة تحت البوابة .. وهي موجودة في بعض الشوارع الحيوية في دبي
طبعا هذا غير المواقف .. من زمان كانت بس بعض مواقف السيارات المزدحة بفلوس (الساعة بدرهم .. وساعتين 5 درهم) .. حاليا صارت كل المواقف في دبي .. والشارقة نفس الشي خلوا المواقف بفلوس
هذا طبعاً غير جشع اغلب التجار .. فمثلا لما تأجر السيارة .. وتكون مريت عند بوابة سالك .. يحسب عليك 5 درهم .. مع ان التعرفة الاساسية 4 درهم .. بس هو لازم ياخذ درهم زيادة عن كل مرة
واذا جاتك مخالفة .. المخالفة 400 درهم .. وهو ياخذ 35 درهم زيادة .. يقولك مصاريف ادارية
ففعلاً الأسعار في دبي صارت اكثر من حرارة الصيف

ملح و سكر
هذا الصحيح

واذا جاتك مخالفة .. المخالفة 400 درهم .. وهو ياخذ 35 درهم زيادة .. يقولك مصاريف ادارية
اخوي بعد اذنك ممكن اتوضح هالنقطة .. لاني اعتبرها مخالفة للقانون في الامارات !!؟
غير هذا معاك حق الاسعار كلها ارتفعت حتى بأعلى من حرارة الجو
لكن اهل الامارات اقل تضررا من هالاسعار عن اهل الخليج
حيث زادت المعاشات في بعض الجهات باكثر من 150% لمواجهة الغلاء .. ومع هذا التوفير مش مثل قبل

الموضوع مثل ماقلتلك .. حتى أنا شفته انه غير قانوني .. واتصلت في دائرة السياحة في دبي وكلمتهم عن الموضوع .. وقالولي بنشوف الموضوع .. ولكن لا حياة لمن تنادي للأسف
وحتى يخلونك توقع على ورقة فيها هالكلام .. على كل مخالفة 35 درهم مصاريف إدارية .. واذا ماوقعت عليها مايعطونك السيارة
وبشكل عام شركات تأجير السيارات تسوي شغلات كثيرة غير قانونية .. فمثلا الشركات الصغيرة لازم يحجزون الجواز .. والشركات الكبيرة ياخذون عمولات على المخالفات
والشركة اللي اتعامل معاها وتسوي هالاشياء وحدة من اكبر الشركات العالمية