تبين الصراحه احنا رحنا عليها بالروحه ياسلام طياره مرتبه واهتمام وتلفزيونات وعنايه لكن الله لايوريك بالرجعه طياره مقربعه ومافيه تلفزيون وحر وحاله لا وازيدك من الشعر بيت حنا وصلنا وشناطنا ماوصلت ....الاويبهذلهم زوجي لين جابوها من بكره لين باب البيت ......شوفي اختي اذا مالكم الاهي خذوها (وش جابرك على المر اللي امر منه)

اي مر و اي امر منه
عندك ثلاث خطوط .. والكل مدحهم من ناحية الصيانه و الخدمه
الخطوط الاماراتيه ,,, ثم الخطوط السعوديه (( لكن تأجيل الرحلات هي المشكله عندهم )) ثم الخطوط القطريه
انا جربت الخطوط القطريه ... رحت للمغرب .. (( متجه لاسبانيا ))
وكانت الخدمه و الطياره حلوه مره ... و بالرجعه .. كانت احلى ... ماعدى وحده من المضيفات (( مسويه زحمه شوي و رافعه خشتها )) .. الين خرشها واحد ,,,, بعده ماتشوف الا ابتسامتها و باين عليها صفراء و ذاله.
اما العربيه .... ما اتذكر انه فيه شخص مدحها لي او خل نقول .. مو كثير الي مدحوها.

بالنسبة للسلامة والأمن،، طيران الخليج هي من أقدم أساطيل الطيران في الشرق الأوسط وحالياً أكبر أسطول من حيث الوجهات ... وكل هالآلاف اللي تسافر معهم يومياً ولا أحد صار له شي ..
مثل ما قلت في موضوع سابق طيران الخليج لديهم أسطول طائرات جديدة وأخرى قديمة ... فقبل حجز الرحلة تأكدوا من ركوب الطائرة الحديثة وستستمتعون بإذن الله ..؛
.
.
تحياتي ..؛

السلام عليكم
انا كل سفراتي على طيران الخليج تبون الصج يعتمد على المضيفين الي فيها يعني راوهم العين الحمرة
اما بالنسبة عن اذا اهي مرتبة او لا فمثل ماقال دكتور ماهر يعتمد على طرازها
اتمنى اني افدتكم ..... وشكراً

والله يا اختي
غصب تروحين الحين المتوفر للعوائل هي طيران الخليج
سافرت بها عدة مرات لعدة رحلات والله مقبوله
والله يسهل لكم سفركم

بصراحة ماعجبتني لاكن لوأنا مكانك وما ألقى حجز إلا فيها أتوكل على الله وأروح

1. اخي العزيز

اخي العزيز

رضى الناس غاية لا تدرك .. وكل شخص من الاخوان اجابك حسب تجربته . ممكن تجربة واحدة .. وآخر قال انها من اقدم واكبر الخطوط مع انها اسست عام 1950 والسعودية عام 1945 , والسعودية لديها اكثر من 139 طائرة . الموضوع ليس هذا وما ذكرته فقط للمعلومية . انا سافرت على جميع الخطوط الخليجية وطبعا من ضمنها طيران الخليج . ولا استطيع ان انقص من حقه او اعطيه اكثر من حقة سواء هو او غيره من خطوط الطيران . فلكل خطوط ميزة يمتاز بها . ومجرد رحلة قابلت اي مسافر ولم تعجبه ليس بالضرورة ان تكون كل الرحلات كتلك الرحلة , هذا الكلام ينطبق على كل الخطوط , والمشكلة التي نعاني منها ان كل مسافر واجهته بعض المشاكل على رحلة معينة حكم على تلك الخطوط بالفشل وصب جام غضبه عليها , مع انه لم يجرب اي خطوط اخرى وهو اساسا قليل السفر . والخطأ وارد في اي طيران . اما ان نقول ان هذه الطائرة ممكن ان تسقط في اي لحظة فهذا كله بأمر الله . وسبحان الذي سخر لنا هذا وما كنا له مقرنين . فالشركات ذات الصيانة المتدنية معروفة في العالم وليس بينها اي شركة من دول الخليج ولله الحمد والمنه . فتوكل على الحي الذي لا يموت . وسلم امرك لله وسافر . والله يحفظك ويردك سالما غانما .

اعقلها و توكل
قل لن يصيبنا الا ما كتب الله لنا