azizto
23-04-2022 - 12:28 pm
السلام عليكم ورحمة الله وبركاته،،،،
الأخ الحبيب : الشعيبي قد تتسائل ويتسائل الكثيرين من أعضاء المنتدي ماقصة الشعيبي
وش دخل الكنز بالشعيبي أقول لك بكل بساطه كنز ماليزيا هو شخصك الكريم فما تحمله من
معلومات هي كنز وكم هائل من الملاحظات والتوجيهات السديدة فالذي يخرج الكنز هو الأسئله
التي توجه إليك ، لذلك كان لزاما علي أن أستفيد من خبرتك ولك الأجر من الله - وحده- طبعا
بدون قصور بأعضاء المنتدي الباقين وعلي رأسهم شيخ الخبراء أبوغدي المبدع،،،،،
لي طلبين مهمين أرجو الإفاده الدقيقه- وفقك الله لكل خير- *****
الطلب الأول :
أنا مسافر إلي أرض الملايا أحبابك - ماليزيا- مع أحد الشباب في شهر 8 يمكن أوله أو منتصفه
ومدة الرحله 16 ليله ، أرجوك إعمل لي برنامج وأوعدك بأني سوف أطبقه بحذافيره لأني أثق باختياراتك
وفي النيه أبي أزور سنغافوره وش رايك،،،، ؟
الطلب الثاني :
أقوم حاليا ببناء منزلي وأفكر بجد أن أفرشه بالأثاث الماليزي لأني سمعت أن أسعاره متهاوده هناك
لذلك أبي أعرف ماهي الولايه الماليزيه التي تعني بصناعة الأثاث تحديدا (((( وهذا مهم )))
يعني في أي ولايه وأي مدينه ،،،، ؟
أدري إني طولتها معاك ،،، ودمتم بأحسن حال،،، أخوك ،،، أبو عمر ،،، عزيز
اخوي الحبيب ابو عمر وفقه الله لكل خير ...جزاك الله خير على
اطرائك رغم اني اقل منه لكن ماقصرت ورفع الله قدرك دنيا واخرة
ولي الفخر والشرف اني اتعامل مع اشخاص بأخلاقك الكريمة .
وانت يا اخوي تأمر امر ...
بالنسبة للأمر الاول ....ابشر وعلى امرك لكن يا ليت تحدد لي
المناطق اللي ودك تتجه لها او تحدد لي ميولك ...انت من عشاق البحر
او الغابات او المرتفعات ....الخ .وحنا مع بعض ان شاء والاخوان نصلح
احلى برنامج .
بالنسبة للاستفسار الثاني .... الله ييسر لك امرك يا اخوي والله يتمم على
خير ...لكن نصيحة اخ لأخيه مالها داعي انك تأثث بيتك من عندهم ....
انا اقولك ليه ...ان كان قصدك التوفير فمن عندنا اوفر بكثير ...صحيح
انه اثاثهم المحلى رخيص نوعا ما وجودته عالية لكن الفرق بسيط وفوق
هذا لا تنسى حق الشحن اللي حيكلفك الكثير ...واخوك له تجربة فيها لكن
في بضاعة اخرى ....احسبها معاي ...سعر العفش ونقل وبعدها شحن
لنا ومن بعدها وان وصلت سالمة نقل لبيتك ...يعني فوق التكلفة هم وصولها
وهم نقلها وان صار فيها شيء من يضمنها لنا ...الشحن لحاله هم .
والله شحنت بهارات واكلات من عندهم بمبلغ 2000 ريال وكل البضاعة
حقها 500 ريال يعني شحنها اغلى من اللي فيها وفوق هذه استلمتها هنا
من جمارك البريد معجنة ومكسرة وكأنهم ما وقفوا الطيارة ورموها رمي
من الطيارة ...وان بغيت شحن بالبحر فكل 10 كيلو ب55 رينجيت لكن
توصل لك بعد شهور والله يعلم وش يصير فيها .
ما حبيت اعكر عليك يا اخوي لكن هذه النصيحة واجبة .
ان بغيت تستطلع عندك محلات في العاصمة بمنطقة بنغسر وعندك
محلات جنب سونغاي بي سي تقدر تطلع على اسعارهم وان بغيت
مثلا ايكيا تلقاها في مجمع كامل بمنطقة دامان سارا ...الفرق بسيط
حتى في ايكيا ستجد بعض البضاعات اغلى من عندنا لأنه جمركهم عالي
لكن صناعتهم الوطنية اشوفها ارخص شوي من صناعتنا الوطنية لكن الفرق
بسيط جدا ....بعض الماليزيين يحب ان اثث بيته يتجه لقدح لانه البضاعة
هناك رخيصة لانهم يجبونها من سيام .
ان شاء الله اخوي ابو عمر اكون وضحت ولو القليل ولك كل تقديري
واحترامي ...والسلام عليكم