وعليكم السلام ورحمة الله وبركاته ...
اخوي الحبيب ابو عمر وفقه الله لكل خير ...جزاك الله خير على
اطرائك رغم اني اقل منه لكن ماقصرت ورفع الله قدرك دنيا واخرة
ولي الفخر والشرف اني اتعامل مع اشخاص بأخلاقك الكريمة .
وانت يا اخوي تأمر امر ...
بالنسبة للأمر الاول ....ابشر وعلى امرك لكن يا ليت تحدد لي
المناطق اللي ودك تتجه لها او تحدد لي ميولك ...انت من عشاق البحر
او الغابات او المرتفعات ....الخ .وحنا مع بعض ان شاء والاخوان نصلح
احلى برنامج .
بالنسبة للاستفسار الثاني .... الله ييسر لك امرك يا اخوي والله يتمم على
خير ...لكن نصيحة اخ لأخيه مالها داعي انك تأثث بيتك من عندهم ....
انا اقولك ليه ...ان كان قصدك التوفير فمن عندنا اوفر بكثير ...صحيح
انه اثاثهم المحلى رخيص نوعا ما وجودته عالية لكن الفرق بسيط وفوق
هذا لا تنسى حق الشحن اللي حيكلفك الكثير ...واخوك له تجربة فيها لكن
في بضاعة اخرى ....احسبها معاي ...سعر العفش ونقل وبعدها شحن
لنا ومن بعدها وان وصلت سالمة نقل لبيتك ...يعني فوق التكلفة هم وصولها
وهم نقلها وان صار فيها شيء من يضمنها لنا ...الشحن لحاله هم .
والله شحنت بهارات واكلات من عندهم بمبلغ 2000 ريال وكل البضاعة
حقها 500 ريال يعني شحنها اغلى من اللي فيها وفوق هذه استلمتها هنا
من جمارك البريد معجنة ومكسرة وكأنهم ما وقفوا الطيارة ورموها رمي
من الطيارة ...وان بغيت شحن بالبحر فكل 10 كيلو ب55 رينجيت لكن
توصل لك بعد شهور والله يعلم وش يصير فيها .
ما حبيت اعكر عليك يا اخوي لكن هذه النصيحة واجبة .
ان بغيت تستطلع عندك محلات في العاصمة بمنطقة بنغسر وعندك
محلات جنب سونغاي بي سي تقدر تطلع على اسعارهم وان بغيت
مثلا ايكيا تلقاها في مجمع كامل بمنطقة دامان سارا ...الفرق بسيط
حتى في ايكيا ستجد بعض البضاعات اغلى من عندنا لأنه جمركهم عالي
لكن صناعتهم الوطنية اشوفها ارخص شوي من صناعتنا الوطنية لكن الفرق
بسيط جدا ....بعض الماليزيين يحب ان اثث بيته يتجه لقدح لانه البضاعة
هناك رخيصة لانهم يجبونها من سيام .
ان شاء الله اخوي ابو عمر اكون وضحت ولو القليل ولك كل تقديري
واحترامي ...والسلام عليكم

الله يجزاك كل خير ويوفقك لطاعته وييسر لك أمرك ،،
بالنسبة للأثاث نسيت أن أقولك بأن أحد الأخوة أثث منزله بالكامل من إندونيسيا بمبلغ زهيد
أتدري كم ؟ فقط ب ((20000)) ألف ريال فقلت يمكن تكون الأسعار في ماليزيا متشابهه
وعلي العموم أبي أشوف الأسعار في المناطق ألي قلت لي عنها وأقارن ،،،،
بالنسبه للمناطق المزمع زيارتها وميولي فهي كالتالي :

• * أحب الأماكن الهادئه والجو الجميل والنسيم العليل ولاأحب الزحمه .
• * أخوك مطوع ولاأريد الأماكن البحرية التي ينتشر فيه التعري ، يعني ممكن نستعيظ عنها

مثلا بشواطئ تيرينانجو أو كلنتان وش رايك .

• * المدن التي أريد زيارتها المشهوره ببننج - لانكاوي- الكاميرون- ملكا- كولالمبور طبعا-

المدن التي فيها الأثار ،،،

• * يعني بالمختصر إليك برنامج مقترح وأريد ملاحظاتك السديده:

وصول كوالامبور والمكث في فندق الخيول الذهبية لمدة يومين- السفر بالطائره للنكاوي والمكث
فيهاثلاث ليالي وزيارة ولاية قدح ألوستار العاصمه - ومنها إلي بننج أربع ليالي - والعوده من بننج
بالسياره مرورا بمرتفعات الكاميرون والمكث فيها ثلاث أو أربع ليالي ومنها إلي كولالمبور والمكث فيها
بقية المده ،،، هذا هو برنامجي المقترح نبي ملاحظاتك ،،، وحدد لي الفنادق إن أمكن فقط ،،،
وش رايك أجلس في ولاية قدح وإلا فقط زياره تكفي،،، هذا مالدي ودمتم ،،، بخير وعافيه وعلي طاعة لله
وعصيان للشيطان،،،، أخوك،، أبو عمر،، نسيت شغله حددلي بعض الأسواق الرخيصه ،،، أدري إني طولتها

أخي العزيز بالنسبة للأثاث فأحد الأصدقاء جلب أثاث و ندم لأنه من ناحية الخشب ممتاز و لكن القماش سيئ جدا و ذوقه تعيس..
توكل عاى الله و خذ من ديرتك أقرب لك و ترى الأذواق اللي عندنا ما تحصلها في كثير من البلدان الأخرى.
الله يبارك لك في المنزل و تلاقي فيه الصحة و العافية.

الأثاث يمكن يكون أرخص بكثير هناك والشحن البحري تري مو غالي ،،،، حسب علمي،،،

وين رحت ياالشعيبي تراك طولت علينا ،،،
أبي ردك علي البرنامج ،،،، وإذا عندك تعديل له ،،، إكون ممنون،،،
الله يجزاك كل خير،،،،،،

السلام عليكم ....
حياك الله اخوي العزيز ابو عمر واعذرني على تأخري في الرد ...امس دخلت
المنتدى لكن وقتها كنت نعسان فالمعذرة مرة اخرى .
كيف يا اخوي هونت في العفش ولا معزم ....واندونيسيا غالبا ارخص من
ماليزيا ومثل ما قال اخونا المهذب انه الشحن البحري رخيص ..الشحن
البحري كل 10كجم ب55 ريال ...وفوق طول الفترة ما تضمن وصولها سالمة .
خلينا في برامجك ..
كوالا2
لانكاوي2 شيراتون بردانااو هوليدي فيلا او لانكاوي لاغون .
الورستار1 فندق سري ماليزيا .
بينانغ3 بي فيو .
كاميرون3 اكواتوريال .
ملاكا2 مهكوتا .
كوالا3 بان باسفيك وان بغيت 4 نجوم دورسيت ريجنسي .
لو كان وقتك اطول اخوي ابو عمر لقلت لك اتجه لشواطيء ترنجانو ...
ودس اقول لك بدل بينانغ بترنجانو لكن مادام انك معزم لا تتراجع ..مادام
انك خاط بينانغ في برنامجك معناها انها عجبتك اجل لا تغيرها ...لكن عن نفسي
ما ارتاح في بينانغ دايما امزح مع الملايو واقول لهم بينانغ قطعة من سنغافورة
لكثرة الصينين وقلة اهل الملايو ...
يا اخوي ابو عمر الورستار تستاهل اكثر من يوم لكن لا بد انك تعرف لها ..
قلت لولد عمي يروح لها ورجع الله يهديه .... في يقول وش الديرة هذه
اللي دليتنا عليها ...طلع انه ما عرف يتصرف فيها وجلس يدور جنب الفندق
هذه يبغى لها واحد من اهل البلد ...يعني لو تقابل راعي تاكسي محترم خله
يلفك في البلد ويكشف لك كل اسرارها .
الله سلمك اخوي بو عمر وان شاء الله تكون رحلة سعيدة واي استفسار اخوك
في الخدمة ...وان شاء ما راح اتأخر عليك والسلام عليكم