- والله مرة زحمة بس اخذت يمكن ساعة و نص كل هالسوالف
يعطيكم العافية جميعا حبيت انقل تجربتي مع السفارة الامريكية بالرياض اليوم لكي تعم الفايدة للجميع
التاريخ 24-7-2011
الوقت 6:30 الي 8:45
الهدف : الحصول علي الفيزا لحضور كورس تعليمي في نيورورك و تمشيه نفس الوقت
موعدي الساعة 7:30
طبعا تروحون اول شي للسفارة الامريكية بحي السفارات الدوار الثالث علي اليمين اذا كنت داخل من طريق الملك خالد قدام مبني الامم المتحدة
في مواقف كبيرة وقفوا فيها
و نزل كل اغرضك من جيوبك حطها بالسيارة عشان ما تطول بالتفتيش ( ما عدا مفتاح السيارة و فلوس كاش 65 ريال اذا كنت من الرياض او 125 اذا كنت خارج الرياض)
و الافضل خذ معك خمسمائة ريال للاحتياط
و بعدين تتجه للسفارة و تمسك سرى قدام البوابة
طبعا مو كل مسك سري معناته عنده موعد في نفس الوقت تعرف يا بلادي واصلي بعض الناس موعده 11 و جاي الساعة 7 مع الناس
المهم ما علينا اهم شي تروح خفيف ظريف لطيف مع نفسك
و لازم تجيب معك الاوراق التالية:1.خطاب DS-160
2.الجواز الاصلي و صورة منه
2.ورقة الموعد اللي فيها وقتك بالضبط
4.تعريف من البنك لمدة 6 اشهر
5.صورة وحدة شخصية 5*5
6.ورقة ايداع رسوم البنك حقت سامبا
7.ورقة تعريف من العمل
8. اي خطاب يدعمك للحصول علي السفارة مثلا حضور كورس او معهد
بعدين راح ينادي واحد من عند البوابة علي اللي موعدهم 7:30 يجيون اول
يعني الافضل انك تحجز من البداية علي ابكر وقت في اليوم عشان تدخل بدري
بعدين يشيك علي اوراقك واحد من عند البوابة و اذا كل شي سليم يقولك روح لصندوق الامانات عشان جوالك او بيجرك او اي شي اليكتروني بس اذا ما عندك شي و هذا الافضل و الاسرع تروح علي التفتيش سريع
التفتيش واحد من عند الباب راح يقولك ادخل يعني انت ما تسوي شي الا اذا احد يناديك 0لانه القانون واحد بعدين واحد
بعدين تدخل البوابة من داخل و تروح للبوابة الريئسية و تمسك سري علي الكراسي تحصل موظف نفسه بخشمه ياخذ منك ورقة ds 160 اللي فيها الباركود و يطبعلك باركود جديد و يلزقه بالجواز و يعطيك رقم
بعدين تروح غرفة صغيرة فيها ثلاث كاونترات هذولي فكرتهم يصنفون نوع الفيزا و يشوفون اوراقك كاملة و ياخذون منك البصمات كلها على حسب السرى بالارقام
بعد ما تخلص منهم يعطونك اوراقك بملف شفاف و خليه معك مع الرقم نفسه
تروح للصالة ثانية عشان المقابلات الشخصية و برضو تنتظر لين يجي سراك و تسوي المقابلة و وقتها يقولون لك والله قبلنا فيزتك روح للفيدكس او ضف وجهك و اجلس بديرتك
بعدين تروح للفيدكس اذا انقلب طلبك و تدفع الرسوم اللي قلنها قبل و خلاص تمت القصة
والله مرة زحمة بس اخذت يمكن ساعة و نص كل هالسوالف
بعدين خليك خفيف ظريف لطيف في مقابلتك خليك بشوش والله انا نسيت ورقة مهمة مرة ما جبتها معي اللي هي ورقة حضور كورس في امريكا و بغت تردني الا شوي و بعدين قالت لي اوكي ممكن اشوفها بالنت اعطيني موقع الكورس و اعطيتيها اياه و شافتني حبيب معها و مشتني دون اوراق للكورس
و الحمدلله والشكر و عشان الفايدة تعم نقلتلكم قصتي و شكرا للموقع الرهيب حقكم
والله يوفقك من حيث ماتروح