وعليكم السلام
عادة اروح لكوانزوا عن طريق الباص سهل وممتع بس شوية ارهاق المسافة حوالى اربع ساعات
سعر تذكرة الباص 250 دولار هونج كونجي
موفقين

اذا كنتم عائله ما انصح بالباص، بهذله شوي، القطار اهون والطيارة احلى بكثير، بالطيارة 55 دقيقم الى مطار كوانزو

انا رحت بالقطار حلو ساعتين

طيب كم بالدولار الامريكي ؟ القطار من هونج كونج لكوانزو ؟
والطياره بكم وشكرا

نجوله
اسعد الله مسائك
اسمعي وانا اخوك
انا ماكملت دوبي جاي من يومين بكوانزو عن طريق هونج كونج
خليني اقولك وش سويت
هبطنا في المطار الساعه3 العصر بتوقيت هونج كونج بعد رحله ال8 ساعات المتعبه جداً من مطار الدوحه لاني رحت للبحرين وحجزت على القطريه من مطار البحرين - الدوحه- هونج كونج
بعد النزول بالمطار استلمت الشنط وذهبت الى كونتر القطار وقطعت تذكره الى محطه كالون تحركنا من المطار عن طريق القطار وبعدين اول محطه للقطار بعد المطار لاتزلين انزلي في المحطه الثانيه ثم نزلنا من القطار وركبونا باص بنفس تذكره القطار لانها شامله للقطار والباص المتوجهه الى كالون
طبعاً اول محطه ينزل فيها الباص لاتنزلين ثاني محطه انزلي فيها اللي هي محطه كالون
على طول اقطعي تذكره لكوانزو ب190 رمبي تقريباً 100 ريال سعودي
واركبي القطار ( مريح جداً) وساعتين بالضبط وانتي في كوانزوا
ملاحظه
فيه تقرير لاحد الاعضاء الله يجزاه خير فادني بهذا الموضوع وكتبته بورقه والله العظيم لولاء الله ثم هالورقه اني اضيع في المطار
صراحه نسيت اسم الموضوع واذ ماحصلتيه فالورقه موجوده عندي لوتبيني ارسلها فاكس لك ارسلتها
وشكراً

الله يجزاكم خير الجزاء فعلا من موضوعات الاخوه حنا استفدنا بارك الله لكل من خدم وساعد
انا الحين بهونغ كونغ بجلس كم يوم وان شاءا لله ناويه نروح حق كوانزو
وفعلا ودي اروح بالقطار بس خايفه من الحوسه اللي يقولون ؟؟ ودنا احد يشرح لنا كيف نروح لكوانزو بالقطار بارك الله فيه ؟؟

ممكن استفسار عن الفانات في مطار هونج كونج الى كوانزو
كيف احصل عليها
عندي عائلة وقالوا هذي افضل طريقة