هلا اختي العزيزه
الجلابيات المغربيات موجودات في فريج المرر في ديره في خياطين يبيعون جاهز وتفصيل والاسعار مناسبه ومتفاوته
واي سؤال ثاني نحنا في الخدمه

في محل الياسمين للجلابيات في مول دبي في الطابق الارضي

بعد اختي نسيت اقولج
فيه جلابيات مغربيات جاهزه في القرية العالمية فلقرية المغربيه

اختي الغالية ..
في الشارقة شي شارع كامل للجلابيات سواء مخورة أو مغربية..بالقرب من فندق ردسون ساس..بالضبط.. أذا كان الفندق أمامك..بيكون أمامك دوار.. وخلفك جسر.. على يمينك بتكون بعض المحلات..بس إذا أخذت الشارع ورجعت.. بمعنى غذا خلت الفندق خلفك.. بتلقين على يمنك شارع مرصوف ادخليه بتلقين على يمنك ويسارك كله محلات تطريز..بس لازم اتكون معاك قطه ليطرزها لك..واذا بغيتي جلابيات جاهزة اسالي عن السوق القديم وهو مب بعيد عن شارع اللي دليتك عليه بتلقين محلات للجلابيات بالهبل..بس كوني شاطرة في المكاسر..ولا تغترين بمحل واحد شي محلات كثيرة والأسعر متفاوته..
وحاضرين للطيبات

اشكر الاخوات
بنت الشيخ زايد
و نوررا
وقلبي احمر
على ردودكم الله ييسر لي ولكم ويجمعنا وأياكم في جنات النعيم

طيب وش احلى الاسواق عنكم ...انا سمعت انا دبي مول احسن مجمع ..ويقولون ان ابن بطوطه بس منظر يعني تضييع وقت ..
اتمنى تردون لي يابنات الامارات
وبعد ابي مطاعم لبنانيه ..ابي احسن مطهم انتم مجربينه....
وكافيهات ....

اهلين دلوعة هلي
بالنسبة لاحلى الاسواق هو الامارات مول غرناطة كبير جدا ممتع للفرجة وليس للتسوق وافي فية ماركات كثيرة
وعموما الاسواق متشابهة الماركات موجودة في كل سوق
بالنسبة للمطاعم لا تفوتين صدف وهو ايراني بوفية على الغداء له فرع في شارع الشيخ زايد
زيت وزعتر الصفدي مطعم كرم في مول الامارات جميعها مجربة وجيدة

هذا لسؤال كان محيرني والحمد الله انك طرحتيه