هلا بك ggkat بين أحبابك
وكلنا هنا نستفيد ونفيد بعضنا..
وبالنسبة لسؤالك أنا شايف إنه كبير جدا
لأن الأماكن السياحية بماليزيا كثيرة جدا..
ولو بغيت الجواب بالتفصيل كما ذكرت
عندي لك رأي:
في المواضيع المثبته أعلى الصفحه فيه أكثر من عضو
ذكر رحلته بالتفصيل..
وين راح وين قعد وكم جلس وكم دفع
الله يجزاهم عنا كل خير ما خلوا شئ
لو مشرفنا الغالي فهد يسوي أسئلة إختبار عن مواضيعهم
كان صار المنتدى كله خبراء
ولا يفوتك يا غالي موضوع عمي الوطواط جامع لك الأماكن
https://artravelers.com
وأهم شئ إجابات حبايب ألبي الشعيبي و أبو ميسم تابعها تراها مربط الفرس
وبالتوفيق يا غالي.. والله يجعلها رحلة موفقة وسعيده وفاطمه

شكرا اخوي الجمال
انا قريت موضوع الأخ الوطواط ولكن ما شفى غليلي . انا عارف الأماكن السياحية في تلك المدن لكن وين تقع ما ادري لو بغيت آخذ تاكسي لمكان وبعد ما اخلص منه اقول له ودني لمكان ثاني يكون في الجهة الأخرى . فهمت قصدي ابقرب لك أكثر لو واحد زار الرياض وذكروا اماكن سياحية مثل برج المملكة وبرج الفيصلية والجنادرية بدون ذكر مواقعها . يمكن يأخذ تاكسي للمملكة وبعد ما يخلص منها ياخذ تاكسي آخر للجنادرية وبعدين يروح للفيصلية . ما تحس انها مشورة لو كان يعرف المواقع كان راح للمملكة والفيصلية ثم للجنادرية عشان يكسب وقت وجهد وفلوس . معي ولا لا .
انا مابغى شرح مطول عن المواقع اللي أعرفه ان حديقة الفراشات والزهور والطيور في كوال قريبة من بعضها .ابغى زي كدا
حديقة الزهور ( جيدة ) الفراشات ( سيئة ) ...... قريبة من بعضها
عشان اخصها في مشوار واحد أو وقت واحد بدال ما اقول اليوم بروح للفراشات والزهور وبكرة بروح لحديقة الطيور وهي قريبة منهم .
احس اني طولت الشرح واحس انها عملية متعبة لكني انا استاهل ولا لا

تستاهل ونص.. تستاهل كل خير..
وما فيه أحد يقدر يخدمك وبيقصر عنك ياغالي..
وصراحة مثال المملكة والفيصلية والجنادرية أعجبني كثير
ولا تنس مركز الملك عبدالعزيز التاريخي..
>>> خلاص خلصت الأماكن السياحية بالرياض
أوه.. بغيت أنسى الهايدبارك.. حديقة ومنتزه السلام
برضوه تستاهل نتفشخر فيها شوي..
واللي حاب يزورنا في الرياض
ترى كل هالأماكن على طريق الملك فهد ما عدا الجنادرية
إطلع لها من الدمام أقرب لك..
أبشر يا غالي باللي أقدر عليه.. سلملم

السلام عليكم جميعا
اخوي .. ggkat
موضوعك جدا مهم .. وبصراحه اني مثلك فيني حيره شوي
ونحتاج لترتيب الافكار .. والاماكن ..
القريب منها والبعيد .. الجيد منها والسيء
ماله داعي نضيع مبالغ .. ووقت على الفاضي
اتمنى الاخوان يرتبوها لنا .. وبالتفصيل الممل
تحياتي للجميع
اخوكم

الله يعطيك العافية أخوي الجمال
انا طلبت هالمعلومات لأن سفري قرب في 30 أغسطس ان شا الله