أهلا بك أبي ( اسمي هشام ههه)....
شكرا على ذوقك العالي...
وانا عندي العالم كله كوم..و سقطرى كوم ثاني

ان شاء الله عن قريب...اشارك بصور لسقطرى عندي كثير نقلتها من اخوان في مواقع و منتديات كثيرة

هلا بك وأنا أبوك بس شكلك شايب تكبرني بالحيل ههه

ننتظر العرض اخي ابوهشام
ويهمنا معرفة سقطرى الجزيرة البكر

Al-Samel
أبشر طال عمرك

عدنا إليكم: المجموعة المسافرة إلى سقطرى ثلاثة نفر أبو هشام وأبو فارس انطلقنا من صنعاء وزميلنا الثالث أبو وهبي سبقنا إلى سقطرى من عدن قبل أن نغادر كان التنسيق مع أحد الأخوة اليمنيين الذين يعملون في مجال السياحة في سقطرى وتم حجز سيارة جيب صالون تويوتا مع السائق والبنزين بمبلغ 13000 ريال يمني يوميا حوالي 253 ريالا سعوديا وحجز فندق هناك بدون نجوم لكن غرف مكيفة وسراميك بمبلغ 3000 ريال يمني يعني حوالي 58 ريال سعوديا للشخص في غرفة مفردة وهذا هو المتوفر عند زيارتنا لسقطرى لأن الفندق الجيد كان محجوزا لوجود قروبات غربية أخذنا عزبة القهوة والشاهي والقدوع وعفشنا واتجهنا إلى مطار صنعاء يوم الثلثاء 23/2/2010الساعة 9 صباحا على متن طيران السعيدة بسعر 111دولار وللمعلومية أحيانا يصل السعر إلى 125 دولار كما هو حال الطيران التجاري وكان خط السير صنعاء المكلا توقف بسيط ثم سقطرى في رحلة مدتها ساعتين ونصف مع الوقوف كان أبو وهبي سبقنا من يوم الأثنين إلى سقطرى على متن طيران اليمنية

الله ينور عليك...كمل كمل أخي..........................

وصلت المطار متأخر حوالي الساعة ثمان وربع وكان خويي الشقردي أبو فارس سابقني وكلمت عليه بالتلفون قبل أوصل للمطار وقلت له افطع البوردينق وماقصر يوم وصلت ولا الدنيا مختبه بالمطارلأن فيه أكثر من رحلة على غير العادة ويوم و صلت بوابة الدخول وأثر فيه عسكري نفسه شينه
قال لي عند التفتيش أرجع أطلع برا البوابة قلت له معصي على غيري بيني وبين الخط اللي قبل جهاز التفتيش حوالي متر ليش أرجع قال ترجع غصبا عنك قلت ياولد خربانه خربانه لكن هين والله ما ارجع لو ما أطلع بالرحلة سمعنا ضابط الأمن اللي عند جهاز التفتيش وجاء يسأل وش السالفة وعلمته بالموضوع فال خلاص ياعم حقك علينا قلت لا لازم أشتكي الجندي هذا هذا يشوه صورة اليمن لإنه في مكان حساس وهو المطار وعادة كله أجانب قال الضابط أمسحها بوجهي وحنا آسفين وشحنت الشنط واتكلت على الله لصالة المغادرة وعلى طول على الباص بعدين طيارة السعيدة وحمولتها 72 راكب شفتها صغيرة قلت الله يستر قدامنا المحيط وهذا مركبنا عز الله ماغزينا وش رأيك ياخويي نهون بس بلا سقطرى ياروح مابعدك روح عاد وأنا آخذ منها موقف من ثلاث سنوات قايل لو أرجع للسعودية على رجولي ماركبت هالطيارة