الضاحك الباكي
28-09-2022 - 07:58 am
مرحبا " أحلى منتدى "
أول شي شكر جزيلا على كل ماتقدمونها وتبذلونه من في هذا المنتدى ، اللي استفاد منه ناس كثيير في الواقع
في الحقيقة أود استاشرتكم في هذا البرنامج السياحي اللي يشمل عدة مدن في المانيا.
انا عندي course في مدينة دوسليدورف لمدة شهرو نص، يعني عندي 6 ويك اندز. وانا قررت اني اخطط للاستفادة من هالويك اندز. باذن الله ، راح اقضي كل عطلة نهاية اسبوع في احد المدن التالية:
1. كولون 2. بون 3. بلاك فورريست + ميونخ 4. درسدن + برلين 5. ماسترخت 6. باريس
أولا: أنا بغيت رأيكم في هذي المدن ؟ اذا في اقتراحات ؟ انا ودي اسافر المدن والارياف الاوربية القريبة من دوسيلدورف.
ثانيا: ابي نصيحة بخصوص التنقل بين هذي المدن، انا في بالي ان استخدم القطار ، بحيث يكون عندي German Rail Pass أو Eurail Pass .، وش رايكم ؟
طبعا الكورس بيكون في فترة الصيف من نص شهر يونيو الى بداية اغسطس، وبيكون معي زميلي في هالسفرة.
نا بانتظار نصائحكم واي مقترحات لجعل هذه الرحلة اكثر متعه
في اقتراح اني استبدل باريس بمدينة ستراسبورغ ، وبصراحة لما طالعت صور المدينة هذي أعجبتني كثير .
و في مدينة اسمها Alsace ، على الحدود الألمانية الفرنسية، بصراحة جميلة . هذا الموقع لمن يود مشاهدة صور تلك المدينة http://www.tourisme-alsace.com/?lg=en
وسمعت عن نوع من تذاكر القطار اسمه twin pass ، هذا يوفر كثير حق شخصين .
يا ريت تفيدونا يا اخوان
مع التحية