السلام عليكم ورحمة الله وبركاته
واسعد الله جميع اوقاتكم بكل خير
وحياكم الله اخواني وخواتي في موضوعي البسيط
طبعاً الحين موسم اجازات وسفر
والاغلب اجازاتهم طويله يعني 10 ايام وفوق
والكل ياكلون من المطاعم ولكن ما يغني عن الطبخ مره او مرتين
وانا موضوعي اليوم عن الطبخ بشكل سريع وسهل في السفر
مشاء الله اشوف اغلب العوائل الخليجيه يوم تسافر تاخذ وياها عدة الطبخ
من بهارات وعيش و نحنا عندنا في الامارات لازم نودي( المالح وهو سمج قباب مملح ومحفوظ) و ( الجاشع و اليوبل وهو سمج ناشف ) و بعد الروبيان اليابس وطبعاً هذا اثناء الطبخ يلين ويستوي روعه في الاكل.
ولكل عائله لها طريقتها في تجهيز الاغراض اللازمه في السفر..
ولكن اللي بتكلم عنه في هالموضوع
هو كيف نقدر نطبخ طبخه فنانه بطريقه سهله وسريعه
السر في جدر الضغط الكهربائي
وله عدة اشكال وانواع
طبعاً الطبخ في جدر الضغط سريع جداً
خاصه في عمل المجابيس
وما اعرف ليش نحنا نموت في هالطبخه
المهم اسهل طريقه لعمل المجبوس في جدر الضغط بدون غاز ولا تعب
اولاً نضع شوي زيت ونقلي البصل لين يستوي وعقب نضيف له الطماط + معجون الطماط و اللحم او الدياي ونقلبه شوي مع البهارات( ملح و فلفل اسود وبزار عربي و لومي اسود وورق غار) - نضيف الماء الساخن - نضيف العيش
وبعدين نسكر غطاء الجدر
والجدر اللي عندنا فيه زراير مرسوم علبها اذا الطبخه لحم او دجاج او سمك و بالدقايق
وهذا صور له
وفي النهايه
اتمنى لكم سفره سعيده
ملاحظه: الصور عندي عدله ..بس ما اعرف ليش في التحميل انقلبت الصوره
يعطيج العافيه اختي على هالموضوع
يوعتينا..صار بخاطري مجبوس
هم هذا وين يبعيونه
جربتيه؟؟؟
حبه العيش تطلع لينه ولا زينه>> دخلنا في سوالف البطن خ
تحياتي لج