اخويه القصيص منطقه سكنيه و في مول قريب اسمه الملا بلازا يعني لو ما تسير له احسن ما فيه حد و خالي و هنود و هي بالضبط قريبه من الشارقه يعني في ديره
و عندك مولات قريبه مثلا السنشري مول هذي قريب من القصيص خمس دقايق تقريبا بالسياره اذا ما في زحمه
و عندك شاطى الممزر قريب منك و البحر و تستأجر jet skii هناك بعد
و عندك قهاوي ورا ابو هيل قريب من القصيص
و عندك صحاري مول قريب بعد تقريبا 10 دقايق !!
و هذا كل ما لدي
واذا عندك شي ثاني حاظرين !!

اخوي منطقة القصيص مثل ما وصفلك الاخ اللي سبقني انك تخلي الملا بلازا على ايدك اليسار وتكمل سيدة، وراح تلاقي لافتة توصلك الى القصيص، وعندك مركز البستان في القصيص، عندك قرية اللولو اهي مثل سوبرماركت وحولها بعض المطاعم
القصيص فيها محلات كثيرة (القصيص واحد) على الشارع الرئيسي لها، وفي سوبرماركتات ومخابز مثل مخبز الريف اللبناني ومخبز السندباد.
ايضا عندك فندق جراند بعد سوق المواشي على ايدك اليسار هم .
يعني في القصيص كل شي تحتاجه متوفر، وكل شي قريب من عندك. واي استفسار انا حاضر

مشكورين حبايبي وماقصرتوا على تفاعلكم معي
ودي أعرف كم مسافة بين مجمع الغرير و بيوت الشباب ؟
وهل عندكم خلفية عن بيوت الشباب لأني نويت أسكن فيها . فهل تنصحوني أو أغير حجزي ؟

ياخويه بيوت الشباب ما عرفناها و عرفت مكانها لو توضحلي و تقولي المكان بالظبط
واذا تقصد في القصيص يعني تقريبا 10 الى 15 اذا لم تكن هناك زحمه
واذا زحمه تقريبا 20 دقيقه
و شكرا

بيوت الشباب في شارع النهدة .. بالقرب من شقق البستان ريزيدنس والملا بلازا
ما أتوقع راح تلاقي ارخص منها في السكن
بس اللي اعرفه انهم يسكون الباب في الليل .. يعني ما تقدر تتأخر
إذا عندك قدرة تدفع أكثر .. روح فندق عادي .. ممكن تلاقي في حدود 300 درهم فندق نظيف ومرتب .. في ارخص .. بس ما انصحك فيهم
وبالنسبة للمسافة .. المشكلة ان المنطقة اللي فيها بيوت الشباب زحمة بسبب التحويلات الكثيرة .. بهالسبب ممكن تاخذ حوالي نص ساعة الى ساعة في الطريق .. مع ان المسافة ماتزيد على 5 كيلو

تصدقون انا الى الان ماعرف شو هذي بيوت الشباب ومن اللي مسئول عنها وشو طبيعة المساكن؟؟
ممكن حد يوضحلي؟

الحمد لله رحت وجيت بالسلامة
وبيوت الشباب هي فندق يوفر الاحتياجات الأساسية و يهتم بفئة الشباب واسكانهم حول العالم و بالنسبة للإمارات فهي فندق متواضع و يوجد طريقتان للسكن إما في غرفة مستقله و فيها دورة مياه مستقله أيضا أو في غرفة جماعية حسب رغبتك أنت ولا يتم تسكير الباب مثل ما قال الاخ بل هو مفتوح 24 ولكن لديهم شرط وهو أن لا يتم إدخال أي شخص للغرف مهما كان سوى النزلاء فقط و الضيوف يجلسون في الاستقبال .
الموقع بالضبط بين النادي الأهلي و الجمعية الاحتماعية

اهم شي انك رحت ورديت بالسلامه
وكان عندك انطباع جيد عن بيوت الشباب في دبي وتجربه جميله ممكن تنقلها للاخوان هنا لكي يستفيدو منها