ابوجناوي
02-10-2022 - 09:13 pm
السلام عليكم،
ابغي استشارتكم في ترتيب برنامج رحله لاهلي.
الاهل ودهم يروحون رحله اوروبا لاكثر من دوله ويبغوني ارتب بهم البرنامج. عددهم خمسه وهم الوالد والوالده واختي واخواني ثنين. انا عندي خبره لاني زرت بعض الدول مثل لندن والنمسا وسويسرا.
من ضمن الدول اللي تحت النظر مبدئيا:
باريس ، لندن، سويسرا او النمسا، المانيا .
وش رايكم ؟ ابي افضل خطه لرحله ممتعه لافضل المناطق بدون تكرار ولا ودي اتعبهم بكثر التنقلات.
بالنسبه للطيران، هل اخليهم يروحون ويرجعون من نفس الدوله ولا يروحون لدوله ويرجعون من اخرى؟ وش افضل طريقه للتنقل هناك؟ وماهي عدد الايام في كل دوله؟
اشكر ارائكم مقدما.
انا اعتقد ان روحتك من لندن الى وسط اوربا (الشنقل) تعب
اما بالنسبه الى طريقة التنقل فهذا يعتمد على العمر و القدره على القياده (انا عن نفسي ارشح السياره لانها متعه خاصه)
تعطي نكهه في التنقل و لا تحاتي من ها الناحيه لان طرقهم رحله عكس طرقنا ههه
و يفضل ان منطقة الوصول و العوده من نفس المدينه الي هي المانيا علشان ترجيع السيارة يكون فيه توفير
انا عن نفسي ارشح هذي الرحله مع انك ما حددت عدد الايام:
الوصول الى مطار ميونخ (المانيا) لمدة ايام
بعدها كابرون (النمسا) لمدة ايام ((تبعد النمسا عن المانيا ساعتين))
بعدها ميلان (ايطاليا) لمدة ايام ((تبعد ساعات عن النمسا))
بعد هذا كلة مدينة السحر و الجمال انترلاكن (سويسرا) لمدة ايام ((تبعد ساعات عن ايطاليا)) طريقها من اجمل الطرق الي شفتها في حياتي كلها جبال ههه
بعدين تروح رست (المانيا) لزيارة افضل مدينة العاب يورو بارك ((لمدة يومين))
ويصير الرجوع من مطار فرانكفورت الي يبعد ساعه و نص تقريبا
انا اقول شيل لندن لان لندن سفرة افضل ان اروحها في سفره خاصه بها و باريس حلوه بس اذا بتستخدم الطياره و تبي تزور عدة مدن بتصير مشوار عليك اما بالطياره فما اعرف