وش رايك بعد تروح للمايستري بارك وتتغدي بالمطعم الايطالي على البحيرة وتتعشى عند عمدة انترلاكن بهاليومين !!!!!؟؟؟
بيومين تبي تروح لكل هالاماكن .... لا وتسأل اذا فيه أماكن ثانية!!
يا سيدي الايطالي المواقع اللي ذكرته تحتاج اسبوع على الاقل لزيارتها ... مثلا قمة ينغفراو تحتاج نهار كامل تقريبا لزيارتها ، وبالنسبة لشلالات جيس باخ هي التي تزورها عن طريق البحيرة او باستخدام سيارة خاصة وهي شلالات مفتوحة تذهب لها في اي وقت اما ترميل باخ فالدخول لها برسوم وغالبا ما تكون زيارتها اثناء النهار والمنطقة المحيطة بها من اروع المناطق الطبيعية اذ تكثر الجداول الصغيرة والشلالات والأكواخ والكامبينق .
لكن يومين !!!

والله فكرتك ممتازه يابو ريان .. بنتعشى بالمطعم الإيطالي المايستري بارك حاذفها من المخطط أما عمدة انتر لاكن متفشل منه دائمآ يقول سير علينا ولا اروح لمهم
أبو ريان ... ((عصب علي)) :112: معليش حقك ... وانت اخبر بالديرة مني بس سمعت واحد يقول 3 ايام كافيه في انتر لاكن ... انا حجزت وخلصت خيرها بغيرها
لابعد يابو ريان ماتلاحظ الثقه واقول إذا فيه بعد اماكن ثانيه قولها خ
طيب يابو ريان ... يأحسن واحد بالعالم ياحاول يزبط العلاقه
انا بتحرك من ميلانو بدري الساعه 8 صباحآ مدة الرحله حوالي 4 ساعات ويمكن زياده حتى تصل إلى انتر لاكن
يعني ممكن اوصل الساعه وحده ظهرآ ((اتوقع امامي وقت في النهار لابأس به بعد ان اصل))
اتوقع يمكن اقدر ازور شلالات جيس باخ وابتمشى شوي على البحيرة واتعرف قدر المستطاع على مدينه انترلاكن ...
بعده ... نهار كامل عندي وبعده ايضآ نهار كامل ايضآ وبعده عندي حوالي 6 او 7 ساعات في الصباح قبل ان اغادر ...
فلو تقدر تصلح لي برنامج بالنهارين هذولي اكون لك شاكر ((مع الاعتبار اهمية زيارة شلالات تورميل باخ))
انا الحقيقه .. شفت موضوع الاخت اليازيه وعلى ضوئه بنيت خططي
كاتبه في يوم كامل زارة لوتوربون وقرية مورين وقمة ينغفر كذا حسيت ان نهار كمال يكفي تزور اكثر من منطقه ؟؟؟ وانت ادرى
المهم ردك يازعيم ... ورأيك السديد والف شكر لك

أخي إيطالي
إنت شفت موضوعي, البلاد السويسرية بعيون فتاة عربية؟؟ رح للصفحة الثامنة و التاسعة فيه تقرير عن انترلاكن.
إذا أعجبك الأماكن اللي ذكرتهم, قوللي عليه و أنا أقولك كم كل مكان يحتاج من وقت.
بس يومين مستحيل إنك تزور كل الأماكن في انترلاكن, إنت إختر الأماكن المهمة و إحنا إن شاء الله ننسق لك.

يعطيك العافيه اختي فتاة عربيه ... بالنسبه لموضوعك انا فتحت اعتقد كل الصفحات عشان اقراء التقرير على رواقه ..
كونه تقرير طويل وممتاز ... راح اقراء وارد عليك

اوكيه ... اولآ يعطيك العافيه على هذا التقرير الرائع
اولآ ... بقولك خطتي في التحرك إلى انتر لاكن ((حتى تقدري الوقت ))انا بطلع من ميلانو بدري حوالي الساعه 8 او حتى 7 يعني على 12 الظهر بكون في انتر لاكن يعني الحين عندي نصف نهار من بكره عندي نهار كامل وبعده ايضآ نهار كامل وبعده عندي حوالي 5 ساعات في الصباح قبل ان اعمل تشيك اوت واغادر إلى جنيف
بالنسبه للأماكن .. شلال جيس باخ وشلالات تورميل باخ .. وقمة Jungfrau((ومن اين اعمل هذه الرحله هل هو من انتر لاكن او من المكتب السياحي في قرية لوتوربورن
وقرية Wengen والقيام برحله بالقطار البخاري
هل الوقت الي ذكرت يكفي ل زيارة هذولي الاماكن ام لا ... إذا كان يكفي بليز صلحيلي برنامج
وعند الذهاب إلى قرية Wengen اين اذهب لكي اعمل رحله بالقطار البخاري وكم تكلف
ايضآ اسعار الوجبات في المطاعم المتوسطه هناك يعني كم تكلف الواحد وجبة غداء او عشاء
ايضآ هل تباع بطاقات السويس باس في محطات القطاراة ام لهم مقر خاص
ويعطيك الف عافيه

لا حول
أولاً ثلاثة ليالي يعني أربعة أيام مب يومين
فين رحت ؟ : sofa: عادي لا تستحي ستر وغطا ..........وترى ليلتين في انترلاكن كافية
ثانياً : لا تحجز الفندق عن طريق المكتب السياحي لأن السكن في انترلاكن بالذات متوفر ( إما تحجز مباشرة عن طريق الفندق أو من مكتب الإرشاد السياحي في محطة القطار ...وإذا تحتاج أساعدك في تحديد كذا فندق أنا في الخدمة ) .
ثالثا : بالنسبة للأكل عندك المكدونالدز( ترى ما هوحلال ) وفيه مطعم هندي جمب فندق اسمه انترلاكن هذا أكله مميز وبالذات البرياني (طبعاً هو أقرب شي للكبسة :222
بس وصّيه وقله والله :15: لو تكثر فلفل لأعيب عليك عند ( المسافرون العرب )
رابعاً : بالنسبة للمقاضي ...فيه سوبر ماركت أسعاره جداً مخفضة...مكانه صعب تشوفه ...لكن إذا خرجت من محطة القطار تتجه يمين على رجولك مسافة 25 م بعدها تلقى مبنى على يسارك هو في الدور الأرضي ( الأسعار رخيصة والأكياس بفلوس ....حبكت يعني )
خامساً : لتحويل الدولارات إلى فرنكات ....فيه بنك تحت فندق متروبولتان أسعارالصرف عنده أحسن من محلات الصرافة ......طبعا الفرق شي بسيط إلا لوكان المبلغ اللي بتصرفه كبير أو درستهم نفس أبلة الموسيقى اللي درستكم .
رحاء : كن خير سفير لدينك وبلدك:m9:

الحقيقة يالايطالي ما عندي خبرة في استخدام القطارات في سويسرا

يعطيكم العافيه ... وماقصرتو ...

معليش أخوي إيطالي تأخرت عليك
عندي لك برنامج إن شاء الله يعجبك, و مادام عندك 4 أيام خير و بركة.
أول يوم بما أن عندك نصف النهار أنصحك الذهاب إلى قرية لوتربرونن و التجول فيها و زيارة شلالات تروميل باخ القريبة من هذه القرية.
اليوم الثاني رحلة يونقفرو و الوقوف في محطات الرحلة حتى تصل إلى القمة, إذا كانت رحلتك صباحية فيمديك تزور قرية ونجن في نفس اليوم.
اليوم الثالث رحلة إلى شلالات جيس باخ و ذلك بأخذ عبارة من بحيرة برينز, و أيضاً إذا كانت رحلتك صباحية فيمكنك اللحاق برحلة القطار البخاري في منطقة برينز روثورن .
و في الليل استغلها في رحلة بحرية على أحد المراكب لتناول العشاء ( إذا كان فيك حيل).
اليوم الأخير قبل السفر يمكنك زيارة كهوف السانت بيتوس و تقع على الضفة الشرقية لبحيرة ثون, ثم الرحيل إلى جنيف بالسلامة.( الرحلة تحسها شوي متعبة بس صدقني ما بتحس أبداً بالتعب خصوصاً لو أنك لحالك)
بالنسبة لعمل الرحلات يمكنك عملها من أقرب مكتب سياحي لك, أما المطاعم المتوسطة ما أذكر الأسعار لكن أرخص بكثير من المدن الثانية.
أما القطارات فما أقدر أفيدك لأننا نستخدم دايم السيارة في التنقل.
تحياتي
فتاة عربية