السلام عليكم ورحمة الله وبركاته
بيكون وصولكم يوم 27 والعوده يوم 10 يعني 14 ليله والجدول الأفضل
ليلتين سيلانقور -- ثلاث ليال لنكاوي - ثلاث ليال بينانق -- ليلتين الكاميرون -- اربع ليال كوالالمبور
وممكن تلغون الكاميرون عشان الطريق متعب و طويل وتخلون كوالالمبور 5 ليال واخر ليله بورت ديكسون
وممكن بعد بدل الكاميرون جينتنق قريبه من كوالالمبور وجوها نفس جو الكاميرون بس مافيها إلا العاب
الجداول كثير والخيارات متعدده الأفضل تشوفون انتوا وش رغبتكم شوفوا التقارير
وبعدها شوفوا وش اكثر شي عجبكم
بالنسبه للفنادق تعتمد علي الميزانيه إذا ميزانيتكم 17000 مع التذاكر الدوليه
فأعتقد صعبه شوي يبي لكم تزودون المبلغ اما لو بدون تذاكر إن شاء الله تكفي
بس الفنادق ماتكون من افضل الفنادق ممكن تكون 5 نجوم بس مو الأفضل
عموما الفنادق
سيلانقور -- فندق الصن واي لاقون او فندق البيراميد ارخص منه وحلو
لنكاوي -- فندق الويستن او فندق ذا دانا او فندق البلانجي بيتش
بينانق -- فندق البارك رويال او فندق القولدن ساندس
الكاميرون -- فندق الكاميرون هاي لاند او دي لا فيرنس
كوالالمبور -- قريب البرجين فندق تريدرز بس لازم الغرفه مطله علي الحديقه والبرجين
وفي شارع العرب قريب المطاعم والأسواق والسهر فندق الويستن او الماريوت او رويال شولان او القراند ملينيوم
بورت ديكسون -- فندق قراند ليكزس كل غرفه ببركة سباحه خاصه داخل الغرفه
وعموم الجدول والفنادق ممكن فيها مجال للتعديل حسب رغبتكم

طيب يعني كم اخذ الفلوس بطيران بكل شي احنا شخصين
ويعطيك العافيه وجزاك الله خير

وحدك حياتي
حياك الله اخي الكريم
اللحين ال 17000 وش تقصد بها هل هي مصروفات اكل وتمشيات و غيره
او تقصد لكل السفريه من تذاكر وفنادق وكل شي؟؟

اقترح عليك الجدول التالي :-
المغادره 26 سبتمبر الوصول 27 لكوالا المغادره 10 اكتوبر ..
عدد اليالي = 13 ليله فقط ..
ليلتين سلانقور + 3 ليالي لنكاوي +3 ليالي بينانق + 5 ليالي كوالا ..
جنتق و افاموسا تخصص لها كل وحده يوم لزيارتها من كوالا ..
الفنادق اللي ارشحها لك :-
سلانقور :- فندق صنواي لاقون اذا الميزانيه مفتوحه .. او .. صنواي براميد تاور اذا اقل شوي .. او .. الفندق الاقصادي الرائع امباير ...
لنكاوي :- فندق ويستن لنكاوي لو الميزانيه مفتوحه ..او.. بلانجي بيتش .. او .. الفندق الاقتصادي الجيد جدا مويتارا لنكاوي .. كابينه على البحر ..
بينانق :- فندق شانجريلا راسا اذا الميزانيه مفتووحه وهو افخم فنادق بينانق ... او المجاور له فندق قولدن ساندس ذو الاربعه نجوم وهو بمستوى خمس نجووم وخدمته ممتازه وموقعه روعه وسعره اقل من شانجريلا راسا .. وانا ارشحه لك شخصيا ..
كوالالمبور :- قسمها على فندقين اذا احببت ولو تخليها بفندق واحد زي تحب ..

• * منطقة البرجين :- ليلتين فندق تريدرز لو الميزانيه فوق المتوسط تراه روعه .. او امبيانا اذا تبغى مستوى اقل والفرق بينها ما يتعدى 120 رنقت ..
• * شارع العرب :- 3 ليالي فندق الماريوت .. او رويال شولان 5 نجوم اذا الميزانيه اقل شووي وترااه روعه وهو اللي ارشحه لك .. او الدورست ريجنسي اذا تبغى فندق اقتصادي ..

ملاحظات مهمه :-

• اذا وصولك يوم الاثنين الى سلانقور ممكن انك ماتقدر تزور ملاهي الصنواي لاقون لانها تغلق ابوابها كل يوم ثلاثاء ..

لان يوم الاثنين حتوصل تعبان وترتاح فيه و الثلاثاء مقفله الملاهي والاربعاء الساعه 12 تسوي تشك اوت ..

• بالنسبه للطيران الداخلي احجز من النت وقارن بين سعر طيران اير اسيا والطيران الماليزي .. واذا الفرق بسيط خذ الماليزي واحيانا يكون الماليزي ارخص بعد اضافة الضرايب ويعطوك تقريبا الى20 - 25 كيلو .. لان اير اسيا يمتحوننك لو زاد الوزن عن الشي اللي مشتريه مع التذكره ..

لك تحيااتي
ابو لين

اقصدبها كل شي ياغالي
مو مشكله الفنادق اهم شي تكون نظيفه بس
ساعديني ياغالي والله اول مره اسافر

الله يجزاك بلخير اخوي ابو لين والله انك ماقصرت والله يعطيك العافيه وانك اثلجت صدري وعلمتني اشياء اانا مااعرفها
والااخوzazazماقصر والله والله يجزاكم عني خير الجزاء

ياابو لين كم تكفين مع التذاكر الافنادق الرخيصه

يا اخوي اذا كان قصدك 17الف شاملة (التذاكر الدولية+التذاكر الداخلية+الفنادق+مصاريف الاكل والنقل) اعتقد ما راح تكفي
وانت اذا ما تقدر تزيدها احجز الفنادق الاقتصادية+تذاكر الطيران +7000ريال مصاريف الاكل والتنقلات
(برنامج اقتصادي)
برنامجك يكون سلانجور يومين الفنادق(empire hotel subang) او (ruemz hotel subang jaya)
طبعا منتجع صنواي لاقوون قريب منك 5دقايق بالتاكسي روح له
بعدين تروح لبيانغ على الباص 4ساعات صراحة انا افضل الباص طريق ماتمله التذكرة اعتقد 75رينقت للشخص طبعا هذا باص vip فيه مضيفه ويعطونك وجبه وفيه الباص العادي ب35رينقت للشخص
بيانغ 3ايام فندق (باي فيو بيش) صراحة الفندق حلو واطلالته حلوه من الجهتين يعني يابحر يا جبل اخضر يفتح النفس
بس لو طلع حظك حلو وجمعت الثنتين البحر والجبل صراحة خيال
بعدين تحجز على الفيري (السفينة) 3ساعات وتكون في لنكاوي التذكرة للشخص 60رينقت واحجزها من المكتب اللي جنب الفندق
لنكاوي 3 فندق الموتيارا
بعدين من لنكاوي الى كوالالمبور على طيران air asia الاقتصادي بس لازم تحجز من هنا قبل لاتسافر
وباقي الايام في كوالالمبور في فندق(furama bukit bintang) او (sentral pudu)
اطلع لجنتق يوم وروح افاموسا يوم
هذي وجهة نظري ويبقى القرار لك

1. بينانق :- بارك رويال او فلامنجوا او باي فيو بيتش ..


2. كوالا :- بتقسيمها على منطقتين

هلابك يا غالي لا والله ما تكفي وانا اخووك ... وبعد التذاكر الدوليه خلي حسبتها لوحدها ..
وانت ما قلت لنا هل حجزت والا لا .. وكم سعرها لوحجزت ؟
ومدامك طلبت فنادق 5 نجوم ودلع لازم تزيد المبلغ ... ولكني انصحك انك تاخذ فنادق 4 نجوم ومجربه
وارشح لك الاتي .. والاخوان ما يقصرون معك ان شاء الله :-
سلانقور :- فندق امباير حجزت فيه في سبتمبر الحالي ب 925 ريال شامل الافطار والضريبه ..
لنكاوي :- موتيارا ( مواقع تنصف ثلاثه نجوم ومواقع تقول 4 نجوم .. اللي يهمنا الموقع والخدمه والسعر كلها روعه)
حجزت فيه في هذا الشهر 5 ليالي كابينه على البحر ب 1300 ريال تقريبا مع الضرايب والافطار ..

بينانق :- بارك رويال او فلامنجوا او باي فيو بيتش ..

كوالا :- بتقسيمها على منطقتين

• * منطقة البرجين :- امبيانا ... واذا ماتبغى منطقة البرجين اسكن بشارع العرب وروح للبرجين من هناك .
• * شارع العرب :- رويال شولان 5 نجوم سعره حلوو وخدمه ولا اروع انا حجزت فيه 4 ليالي غرفه مع الضرايب والافطار في نهاية سبتمبر ب 1995 ريال

..او دورست ريجنسي رائع ويمدحوونه اللي سكنوه واقتصادي وسعره اقل من رويال شولان بكثير ...
او الفندق الجديد فيوراما وانا حجزت فيه 3 ليالي مع الضرايب والافطار ب 995 ريال في 19 سبتمبر 2011 وهذا سعره جدا روعه..
ولك شكري واحترامي ..
ابو لين