هلا بك أخوي عبدالله..
1/ شكلك شايل هم المواصلات عشان كذا تبغى ترتاح من هم البحث عنها ؟؟؟؟
والله ياخوي عبدالله التكاسي هناك على قفا من يشيل... ولا إذا كثروا دبروا... إلعب لعبتك وشد عليهم في السعر،
وبتاخذ المشاوير بسعر أقل من سعر مثل هذه الشركات،
وأزيدك من الشعر بيت لو إن سعر المشوار ما يهمك بيمديك تطب وتتخير بين أنواع السيارت..
أنا أشور عليك لا تضيع وقتك في البحث عن مثل الشركات
لأن المطارات نظامها وجود تكاسي تنقلك إلى المكان اللي تبيه
وتقدر تأخذ رقم الي يوصلك لو حبيت عشان تتصل فيه يجي ياخذك للمطار لو حبيت
مع إنك بتلقى التكاسي في كل مكان...
2/ يا عزيزي عسى الله يعز نسائنا ويرفع قدرهم في الدنيا والآخرة،
والله ياهن يكبرن في عينك لمّا تشوفها بعبايتها على راسها تقول كأنها في ديرتها عسى الله لا يخلينا،
لؤلؤة في محارتها، وهل الؤلؤة تصير لؤلؤة بدون محارة؟؟
وأنا شفتهن هناك ما شاء الله تبارك الله سلمني عليها وهلى الذيب اللي معها..
3/ الأماكن السياحية..هل إنت والمعزبة فقط؟؟.. لكن بشكل عام ومبدئي
عندك العاصمة وما جاورها.. لنكاوي .. بينانغ..
وتجارب الأحباب كثيرة!!
أنظر
دليل ماليزيا...من مشرفنا (فهد) https://artravelers.com
4/ أما المطاعم فإطلع على
دليل المطاعم والأسواق.. من مشرفنا (فهد) https://artravelers.com
5/وبالنسبة لمواعيد الصلاة يا غالي فعندك
مواعيد الصلاة...من المشرف(المعالي) http://www.islamicfinder.org/cityPrayer.php?country=Malaysia&lang=arabic
وجعله سفر سعيد والله يونسكم بالعافية ويردكم بالسلامة

الله يجزاك ألف خير أخي الجمال على جمال ردك وجمال معلوماتك وجمال دينك وأمانتك
لكن وش رايك بالاتفاق مع شركة مواصلات تستلمنا قطوعة من أول يوم لين نغادر
ودنا بشقة غرفتين أو 3 غرف وحمامين ( وأنت بكرامة) . وش الأفضل وكيف الوصول إليه والحجز
وش رايك بمطعم : سري ملايو
وجزاك الله خيرا

الله يجزاك ألف خير أخي الجمال على جمال ردك وجمال معلوماتك وجمال دينك وأمانتك
لكن وش رايك بالاتفاق مع شركة مواصلات تستلمنا قطوعة من أول يوم لين نغادر
ودنا بشقة غرفتين أو 3 غرف وحمامين ( وأنت بكرامة) . وش الأفضل وكيف الوصول إليه والحجز
وش رايك بمطعم : سري ملايو.... الأكل .....مره .... مره ....سئ ....سئ
العرض ..... نقول هذا أفضل مالديهم .

مشكور أخوي عبدالله
والله يجمّل حال الجميع في الدنيا ولاآخرة
بالنسبة للشركات فمثل ما قلت لك لا تشيل هم
وإن كان على التكلفه فأتوقع مع التكاسي
راح يكون أرخص بكثير
أما الشقق فإعذرني والله مالي أي معرفة فيها..
لكن فيه من الأحباب من تكلم عنها بالتفصيل..
أما المطعم فهذا أخونا إياد أعطاك رأيه
وبالنسبة لي فما سبق لي زيارته
ولو تسمح لي أخوي أبو عابد (لَقِلّك) شغله..
ياليتك تأخذ لك لفة في مواضيع الأحباب ولازم تلف عليها
أقل شئ مر على المواضيع اللي تهمك في أول ثلاث صفحات
بتقول لي ليش؟؟
أقول لك: لأنك راح تلقى أشياء ومعلومات ما تخطر على البال وراح تفيد كثير
وأضعف الإيمان إنك تقرا المواضيع المثبته
وأنا وغيري بالتأكيد ما راح نبخل عليك بأي معلومة تطلبها
عسى ربي يسهل لكم كل أمر عسر