1. مرحبا بالجميع

مرحبا بالجميع

حبيت احدثكم عن تريدرز اللي انتقلت له البارحه والفندق الحمد لله رائع زي ما وصفوه الشباب ....ما ادري ليش الفنادق الحلوة ما يصير فيها اختلاف الاذواق اللي اشانها ما تبور السلع كل الاخوان اللي زاروه اثنوا عليه وهذا شئ جميل الغرف اللي ماخذها كلها من نوع كلوب ماهي مطلة على الحديقة ولكن الحمد لله وفروا لي غرفتين على الحديقة.... السعر اللي اخذت الغرفه فيه 468 ريجنت .... في نقطه احب اوضحها للاخوان اللي ياخذون غرفة عادية مطله على الحديقة تقريبا بسعر مقارب للسعر اللي ماخذ غرفي فيه ان الغرفة الغير مطلة من نوع كلوب افضل من ناحية الخدمات واذا على المنظر عندك الصالة الخاصة بالغرف الكلوب في الدور 32 تقدر تشوف التوين تاور والبارك وجلسة اروق الوقت اللي تبيه اما من ناحية الخدمات اللي بتحصلها مجانا في غرف الكلوب الاتي
تقدر تفطر بالصالة الخاصة لغرف الكلوب وتقدر تفطر بالمطعم العادي
عندك فترة شاى العصر مع سندوشات خفيفة من الساعة واحدة الظهر الى الساعة الخامسة عصرا
وايضا فترة الوجبات الخفيفة من الساعة الخامسة والنصف بعد العصر الى الساعة السابعة والنصف مساء فيها بعض الماكولات المتنوعة والخفيفة وجميع انواع المشروبات طوال الفترتين السابقتين
القهوة والشاي متوفرة على مدار الساعة
بالاضافة الى
خدمة تصفح الانترنت في الغرف والصالة مجانا
خدمة تلميع الاحذية اجلكم الله
خدمة كوي في يوم الوصول لبدلة واحدة
خدمة استخدام قاعة الاجتماعات لمدة ساعتين يوميا
هذي غير انهم ما يعرفون شلون يخدمونكم هذي مني
بالمناسبة اوجه تحية للاخوان العرب العاملين في الفندق بصراحة يقدمون خدمات للعرب ولا اروع
بس خلاص
دريد