تحيه وبعد....
الحمدالله تحققت أمنيتي في زيارة ماليزيا.... بصراحه انا قصتي قصه مع ماليزيا .... ولو تشوفون مشاركاتي في المنتدى كلها تخطيط على زيارة ماليزيا بعدين تتكنسل...
3 مرات خططنا للذهاب الى ماليزيا وفي كل مره يحدث ظرف وتتكنسل الروحه ونسافر مكان ثاني...
الى ان جاء صيف 2006 ....
اولا تم ترتيب الحجوزات كلها عن طريق النت وعن طريقي أنا... كان زوجي معتمد علي اعتماد كلي لأني انا الي كنت ابي اسافر .... وكانت الرحله من 5/9 الى 21 /9
اولا السفر عن طريق الخطوط الاماراتيه سعر التذكره 3200 ريال وسعر الطفله الرضيعه على ما اظن 450 ريال مو متأكده منها...
حجزنا ودفعنا لهم المبلغ عن طريق مكتب الصرح....
وكانت خطتنا
ليلتين بصن واي لاقون وحجزتها عن طريق النت سعر الغرفه تقريبا 360 ريال
4 ليال بفندق باي فيو بيتش وكان سعر الليله 370 ريال
واخيرا 6 ليال في كوالالمبور في فندق امبيانا سعر الغرفه 260 ريال
لكن للاسف قبل موعد السفر باسبوع جاء لزوجي اتصال من الشغل وقالوا له لازم 16/9 تكون متواجد بالرياض... قايلتلكم ربي ما كاتب لي ماليزيا
قالي زوجي مااتوقع تنفع ماليزيا 10 ايام خلينا نروح مصر ... بعد استشارت الاهل والاصدقاء قالوا لا عادي يسوى تروحون ماليزيا 10 ايام ...
طبعا كنسلنا كل حجوزاتنا الي عن طريق النت ورحنا لمكتب الصرح ....
أولا دفعنا زياده مبلغ 500 ريال عشان نغير حجوزات التذاكر..
ثانيا حجز لنا ليلتين في فندق صن واي بيراميد وسعر الليله 340
3 ليال في الهوليدي ان في بيننج غرفه مطله على البحر في البيتش وينق سعر الغرفه 450
5 ليال في فندق تريدرز في كوالا لمبور سعر الغرفه 360
المهم دفعنا للمكتب 4700 ريال وكله من زوجي الحبيب لأنه هو الي خرب علينا الموضوع والا حجوزاتنا كانت ارخص...
بس على فكره ترى مافي فرق بين مكتب الصرح و النت الا قليل جدا ... ولكن الفرق الي طلع علينا من تغيير الفنادق بس الحمدالله طلعت من صالحنا ....
في الحلقه القادمه ان شاء الله تفاصيل الرحله لكن اعذروني من غير صور لأن كل ماجيت اصور قلت صور المنتدى احلى من صوري
وان شاء الله