حمود العبدالله
20-05-2022 - 05:44 am
السلام عليكم
فيه شقق في منطقة الممشى اسمها (MINC Marina Hotel Apartments) اتمنى اي احد يعرف عنها شئ يفيدني الله يخليكم وهل موقع البوكينق يتعامل معها لأني مالقيت الفندق على خريطتهم وياليت افضل طريقة للحجز في هالفندق مع العلم اني راسلتهم وقالوا لي سعر الشقة غرفة وحدة 900 درهم وانا ابغى احجزها من مواقع الحجز لكن ماني لاقي موقع يتعامل معهم
ياليت اللي عنده اي معلومات عن الفندق لايبخل علي
والف شكر للجميع
و عليكم السلام و رحمة الله و بركاته
هلا أخوي حمود.. بالنسبة للشقق ممتازة من كل النواحي .. موقع .. نظافة ...و كل ما يخطر في بالك
أنا سكنت فيها قبل شهر تقريباً مدة 12 يوم بصراحة جداً راقية .. بس يعيبها وجود إزعاج من الإنشاءات القريبة منها و خصوصاً للشقق المطلة على الشارع العام .. لذا لو قدر لك و حجزت بها فأطلب شقة في الإدوار العلوية و أن تكون الإطلالة داخلية على الأبراج ستكون أهدئ و أبعد عن الإزعاج ...
بالنسبة للإسم كانت سابقاً في موقع Booking تحت أسم Suha Minc