والله انا سمعت عنه واكلمك الحين من دبي- الادريس-
وحاب اجرب بالمطعم المنتهى اللي يقولون باخر دور ببرج العرب ومنظر حلو ممكن احد يعطينا معلومه عن الاسعار وهل يكون بحجز او الذهاب بدون حجز وشكرا لصاحب الموضوع

هلا بانكوكي
والله المطعم زاره صاحبي من فترة
بإختصار السعر مبالغ فيه جدا مقارنة بالجودة والخدمة
عموما يبقى رايه راي شخصي واعتقد ان المكان يلعب دور كبير فالسعر المرتفع للمطعم
عموما دامك رايح رايح مر على مطعم فبرج العرب اسمه المحارة طبعا هذا على خبري انهم يرسلون لك ايميل حتى تحجز الاكل اللى تبيه (منيو 2009 )
وتحط رقم الفيزا واظن تدفع عربون وبعد ماتجي المطعم تدفع الباقي
وللعلم يوصلونك للمطعم بغواصة
صاحبنا اللى راح للمنتهى يقول تعشى فيه ب 1400 درهم لشخصين !!!
موفق خير يابانكوكي وسلام منى على اهل بانكوك
red1981man
اخوي انا انشالله الاثنين الصبح رايح لدبي وللحين ماحجزت فندق باحجز من المطار
شرايك بالعنوان كفندق ولو تسال لي عن سعر السويت كم لوسمحت لانى نازل انشالله مع طفلين والزوجة
موفق خير

اخوي المطعم معطينه اكبر من حجمه واكله عادي والله العظيم شوربه 170 درهم على شنو
كله عادي بس الجلسه والمكان والارتفاع
المطعم مقسم إلى قسمين
قسم يطل على جزر العالم وهو خاص بالبار والخمور ( الله يعزكم )
القسم الثاني يطل على نخلة جميرا وهو المطعم
لا يوجد به قسم خاص للعائلات
وانا رااح احوس ادورلك اي شي عنه ورد عليك
ماشي اخوي ليليو ك
انتا فيه تكتك

الله يعطيكم العافية اخواني الأعزاء .. أخوي ولد الكويت .. أنا بغيت بعد المطعم الثاني سمعت انه بالدور الأول أو الأرضي اللي فيه بوفيه مفتوح .. .. شنو إسم هالمطعم .. ؟؟!!!

انا جربت المنتهى من سنه و نص
الاكل فرنسي .. بس الخدمه ماعليها كلام
البوفيه ما جربته

mzoon
يعني أخوي يسوى الأكل اللي فيه وإلا عادي ؟؟!!!

بانكوكي_2
بالنسبه لي يسوى.. و انا اروح هناك علشان المكان مو علشان الاكل ..
اذا ابي اكل اروح برجر كنغ
يمكن بالنسبه لغيري ما يسوى
الشخص يكلف درهم تقريباً
اختك / مزون

اختي مزون الله يعطيج العافية .. بس أبي أعرف الأكل شنو .. يقولون أوروبي .. ؟؟
أخاف مو شي .. ؟؟!!!

ايه فرنسي ..
اللي يجي قطعة ستيك قد الابهام في صحن كبير و مافيه طعم .. و جنبه قطعة بطاطس مسلوقه و عليها اوريقانو مع خسه واقفه
عرفت هالنوعيه ؟؟
هذا هو
شوف هالمشاركه من تقريري