في الاكوا فينتشر وهي المدينه المائيه وفيه السباحه مع الدلافين
طبعا غير المسابح العاديه

مثل أخوي تاج988
وبعد الأكواريوم والمطاعم وبعض المحلات

انزين الأماكن اللي برا الفندق مثل الأماكن السياحيه في المولات و ايش هي الألعاب المائية اللي برا الفندق يقولون وايلد وادي؟؟؟

حور الكويت
مشكور اخوي لكن ابي الألعاب المائية اللي برا الفندق و الأ ماكن المهمة و السياحية و ممكن اسم الكوفي شوب اللي من الثلج ايش اسمه و في اي مول

اخووي رااح تلقاء الدليل السياحي بالنخله في الاستقبال بفندق اطلنطس ورااح يروح عليك الاسبوع وانت ماخلصة من الونااسه الله يهنيك انت وعيالك
واذا انت ماحجزت الفندق عندهم خوش عرض من مكتب عرب لينك وايد حلو العرض
مشكورين يااخواني على اجاباتكم الواافيه

بس هذا الدليل ايش يسمونه بالأنجليزي

i love cats
هلا أختي الكوفي الثلجية موجودة ب تايميز سكوير سنتر بشارع الشيخ زايد وأسمها تشيل أوت
ومجمعات دبي ما شاءالله تخدم كل الفئات من الأطفال الألعاب والمحلات للنساء والمطاعم والكوفي بعد
ومنها مول الإمارات فيه سكي دبي
ودبي مول فيه أكبر أكواريوم وصالة تزلج
ودبي فيستيفال سيتي
وإبن بطوطة مول
وصحاري سنتر بالشارقة من أحلى المجمعات بالشارقة وقريب جدا من دبي وفيه طابق مخصص للمطاعم و الألعاب وفيها قطار موت للاطفال والمحلات حلوه
وفي نفس اليوم تروحون ل قناة القصباء بالشارقة وفيه أكبر عجلة دوارة مثل تقرير أخونا ذياب العيناوي وما يتطوف
https://artravelers.com/p/re/256895

الإخوان كفوا ووفوا
وإحنا في الخدمة أي وقت

السلام عليكم
مرحبابج اختي الكريمة
أغلب سناتر دبي ...فيها أماكن ترفيهية ، مش للتسوق فقط
مثل الإمارات مول: فيه سكي دبي -الحديقة الثلجية- ممتع للكبار والصغار
وأيضاً صالات ألعاب وبولينغ .(شارع الشيخ زايد)

• التايم سكوير ، فيه الكافية الثلجي ، قريب جداً من الإمارات مول .(شارع الشيخ زايد)
• ابن بطوطة مول ، فيه سينما ثلاثية الأبعاد للأطفال، يبعد عشر دقائق عن الإمارات مول(شارع الشيخ زايد)
• دبي مول (منطقة برج دبي).. فيه مركز الإستكشاف + الأكواريوم

وصالة تزلج
شهر 6 بيتم افتتاح أكبر صالة ألعاب.
وعندهم مطاعم أطل على بحيرة برج دبي والنافورة الراقصة ، مثل مطعم برج الحمام(لبناني)
ومطعم فابيانو (إيطالي)
ومن دبي مول تقدرون توصلون سوق البحار يربط بينهم جسر .

• مطاعم سوق جميرا ، جلساتهم الخارجية رايقة وحلوة أطل على النهر الصناعي وبرج العرب،

وتقدرون تاخذون لفة بالعبرة (القارب) حول الفنادق الشخص =50درهم لغير نزلاء الفندق.

• مطاعم المرسى(المارينا) أيضاً رائعه
• مطاعم THE WALK

كل الأماكن المذكورة قريبة من فندق اتلانتس
معلومات أكثر فالرابط
https://artravelers.com/p/re/237670
رحلة موفقة بإذن الله
.