:smile002:اولأ حاب أشكر جميع الجهود المبذوله لتطوير هذا المنتدى والله يجزاكم ألف خير. أنا الصراحه من الأعضاء المقصرين جدا جدا لا أكتب كثير من المواضيع بس أستفيد وأمشي وأعذرونا على التقصير ,وبعد ما أكتب أي موضوع الا لحاجة وأنا محتاج لمعلومات بسيطة من أهل الخبرة.
الموضوع ومافيه أعرف لي شخص صابر له 26 سنه أو اكثر طفش من ذي العيشه قال مابدها, شد عزمك وأعرس ف أول شي سواه أنه ترك حركات الأطفال:36_6_2: بس مشكلته أن عنده في الحمام مرايه كبيره جا يوم غمض ونام وقام يفرش أسنانه ويلتفت ويناظر المرايه ويشوف السر مشعر قال كيف مايصلح كذا لازم أخفف هوا الكفرات ويبدا كل يوم يرقص مع ستار أكادمي:36_7_8::36_1_24:.
وجاء اليوم وفتح الله عليه وحدد موعد العرس:8888:الصيف الجاي "الله يعينها". وتخطيطات العرس وشغلاته خلصها ما بقا إلا شهر العسل ومشاورات وزحمه طاح راسه على ماليزيا "مافيه غيرها" قعد يجمع معلومات مافيه قال مالي إلى أبو علي الهكر:36_1_12: يطقطقلي بالنت عن الديره ويطبخها لي عدل:222: قلت عندي لك منتدى مسكت وقعدنا نحوس:mf_pcwhac في بوابة ماليزيا وأستفدنا كثير الحمد لله بس فيه تفاصيل أرجو أنكم تفيدونا فيها.
مدة الرحله 12يوم في الصيف المقبل والمعلومات المطلوبة:
1. أفضل مكاتب السفر والسياحه لإجراء الحجوزات وكذلك التذاكر ماهي أفضل الخطوط مع الأسعار؟
2. برنامج الرحله : وين يروح بالضبط وكم يجلس في كل مكان؟
3. السكن في كل مكان مع تسعيرات تقريبيه وإذا كان هناك مواقع تفيد بالأسعار أكون شاكر؟
4. بالنسبه لل "Must see Places" الأماكن السياحيه والمطاعم لأني سامع أن أكلهم ماش؟
5. بالأخير تكلفة المصاريف الأجمالية وطريقة الصرف هناك: يستخدمون الفيزا ولا الأفضل الكاش ولا شيكات سياحية؟

• أنا قلت بدال ما أدخل وأكتب أبي كذا وكذا أكتب قصه صغيرة للترفيه وأرجو أني ما أكون طولت عليكم.
• داري ان الموضوع ماله دخل بس أبي أجركم .

:smile001: