لاتحول دولار.. مضيعة وقت وجهد..
خلها كلها ريال وحول هنا بس 200 رينقيت..
حقت التاكسي وشرايح الجوال...
وهناك اصرف من ريال الى رينقيت
او حول بالمطار هناك 200 (علشان ماتروح تضرب مشاوير هنا علشان فرق كم ريال بيروح للبنزين للبطحاء والغلقه اللي بتجيك من الزحمه هناك وزحمة شوارع الرياض هالايام :112: )
هذي وجهة نظري المتواضعه .. والله اعلم

تنبيه ثاني..
لاتحول الا من كوالالمبور..
اسعار الصرف عندها افضل من لنكاوي وجنتنغ وبينانغ بكثير..
تحياتي

مشكورة اختي ولكن انا اذا ذهبت ماليزيا مباشرة سأسافر الى لانكاوي واعود بعد يومين الى كوالا والصرف بالمطار حسب ماقرأت انه غير مجدي..... فما الحل في هذه الحالة ..... هل اصرف رينجت من هنا ( 100 ريال= 90.91 رينجت) لأنني محتاج الى 3000 رينجت في المطار كي ادفع للمكتب الذي حجز لي الفنادق... ام اصرف في مطار كوالا ام اصرف في لانكاوي....

أخوي أنا كنت في المطار من كم يوم وصرفت مبلغ بسيط بحدود88,89 مع أني مقيم لعدة أشهر كان من المفترض إني آخذ كاش أو تحويل وأفتح حساب هنا لكن ما كتب الله
أنا مريت المطار من كم يوم وصرفت مبلغ بسيط بحدود 88,89 حسب ما أذكر .لكان ترى الفرق ما يسوى عندي شخصيا كل هذي الحوسة لأنك سوف تضطر للسحب من Atm لكن تراك تصرف في أمور أخرى تافهة أضعاف ما تفكر في توفيره.يعني لا تشغل بالك كثير وأنا هنا لعدة أشهر أصرف من الصرافات مباشرة لأن ما فيه خيار ثاني.
على العموم خذ معك ما لا يقل عن 6000 ريال كاش سواء دولار وإلا ريال.ولا تأخذ كلامي منفرداً يمكن ما يناسب الكثير لأني مريت خلال الشهر الماضي على ست دول كيف آخذ كاش.؟
على العموم صرافات Cbhc تصرف 3000 رينقت مرة وحدة وسمعت من بعض الإخوان هنا إنها تصرف 4500 لاكن حاول ما ضبط معي. وباقي الصرافات تصرف فقط 1500 ولكن تسمح بالصرف مرة ثانية مباشرة بس العمولة على كل عملية.
إذا كان حسابك في الراجحي لا تفرح بدعايات البنك الكبيرة عند جوازات المطار لأن البك للماليزيين ولم يدخل حسابات السعودية في النظام. ولا يتكلمون عربي وفيه موظف ماليزي يتكلم عربي اسمه أحمد رقم هاتفه 0193383257 لكن لا تتصل عليه ألا للضرورة لأنه ما يبي ازعاج ولن يقدم لك خدمة مطلقاً لعدم خدمة النظام.
على العموم إذا كان سعر الصرف في الرياض مثل ماقلت وحديث فهو جيد وإذا تريد أسأل ماعندي مانع.
تحياتي للجميع. ولا تنسى أنك مسافر فادع لنا مشكوراً.
ز

اخوي الفرق بسيط ومايستاهل انك تشغل بالك كثير
انا اشوف انك تاخذ فكه على قول الاخوان 200 رنجت من بلدك
والباقي دولارات من فئة 100
والماستر كارد للفنادق والمطاعم والتسوق
وتروح وترجع بالسلامة

اهلين اخوي اول شي تروح وترجع بالسلامة واذا رايح بعد يومين على كلامك فأنا مثلك انا بروح 8 اكتوبر على الخطوط السعودية نتقابل هناك
بالنسبة للصرف انا ناس كثير انصحوني اصرف مبلغ بسيط من هنا والباقي احول من هناك على حسب حاجتي وتحياتي لك

كلام سعادة الدكتور موصول بس ؟ أنصحك الفيزا خلها للفنادق والأماكن الموثوقة جدا.وتصرف من الصراف أفضل ألف مرة من الفيزا في المولات. وجهت نظر شخصية.

• خذ في بالك مثل بعض البنوك تحجز مبلغ مماثل للي تسحبه من الصراف الخارجي لمدة خمسة أيام تقريباً

يعني لو في حسابك مثلا 6000 ريال وصرفت 3000 سيتم حجز الباقي حتى يتم التأكد من العملية. يقوله بنك الراجحي والله المستعان لأني مرة في القاهرة عزمت بعض الضيوف المعتبرين في مطعم ولم تصرف معي وكان الوضع محرج وأخذت من أحد الزملاء مبلغ في وقتها.
احسب حسابك
تحياتيللجميع

الله يجزاكم خير على الردود.....

ياخوي حق وواجب وما سوينا شي تراك كذا تحرجني وتخليني استقبلك في المطار 9-10 الساعة 9 وبحط لوحة مثل الفنادق مكتوب فيها:
(كاش×صراف×تحويل)
وسع صدرك ولا تترك الأفكار الهزيلة تفسد عليك متعة الرحلة وإذا تبي خوي تراي جاهز بس شكل ميزانيتك ما يغري.(علشان ما تصيبك عين)
بالسلامة