السلام عليكم..
هذي سالفة صارت لنا الله يسلمكم قبل كم اسبوع لما كنا في لنكاوي..
بعد تخطيط دام اشهر..
اخترنا فندق لنكاوي لاقون المشهور بانه راقي ورائع و و و...
واخترنا سويت اسمه (family suite)
عباره عن صاله وغرفة نوم للوالدين.. وغرفه صغيره لطفلين..
والسويت ذا يقع بالفندق..موب القريه البحريه..
وحجزنا عن طريق موقع الفندق نفسه حتى..
المهم يوم وصلنا.. ترحيب واستقبال وعصير ازرق وحاله..
والموظفه تبتسم بوجيهنا.. بنسوي لكم (upgrade)
يعني ترقيه بالغرف.. وحنا نهز روسنا وناسه
شكرا شكرا.. شوي ونتشقلب من الفرحه..
قالت بنعطيكم افخم واغلى فئه عندنا..
(ايقونة تسوي بريك دانس)...
واكتشفنا ان اللي بيسكنوننا فيه بالقريه البحريه.. يعني انواع الفله..
المهم ونروح بالباص متشققين من الوناسه..
يوم دخلنا صدمنا...
..:112:
:112:
:112:
لقيناهم حاطيننا بشاليه عادي ام غرفه وحده وملفقين سرير صغير ..
وعلى بالهم بتمشي علينا... ان هذا سويت عائلي..
حتى ملقنين سواق الباص يقول تراه غرفتكم ارقى شي
والله لو احلف لكم بالله ان مساحتها 5* 5....!!!!
يعني لا صاله ولا شي..
سرير الوالدين وتلفيقة سرير واحد لعيالي وتلفزيون..
طبعا زوجي ساكت يحسب ذا اختياري ومصدوم
وبما اني مستدحه على لاب توبي قبل الرحله... ب3 شهور..
اكل واشرب وانام عليه.. من كثر مااقرا عن الفنادق...
عرفت ان مساحة السويت اللي حاجزينه ..92 متر..
ونحط بزاريننا.. ونرجع انا وزوجي.. واشمر اكمامي..عليهم.....
على مين ياماما تعالي..انتي واياها
وش الابقريد هذا..؟؟؟
هذا داون قريد (اس) 99
تلعبين على مين؟؟؟:112:
كان غيرك اشطر
قالت لا هذا هو..يعتبر ابقريد بالنسبه للي حاجزين انتم..
قلت لا معليش
اللي انا حاجزته 92 متر..وواسعه..
وذا 25 متر...كلن يضرب بالثاني اذا مشى..وشلون تصير ابقريد؟؟ :112:
طبعا هي صدمت ان فيه احد من الفضاوه يبي يغيب مساحه الغرف
وابتلشوا بيناتهم..
قالت اسفين بس ماعندنا فاميلي سويت كلهم مليانات..
هنا جاء دور زوجي يستلم الشفت..
وهزأهم.. وانا كل شوي اقط اهزا معه بعد,, (بس ترا ماصارخنا لاحد يطب لي...)
بس لازم الواحد يبين لهم اننا موب دبش..
المهم قالت ماعندنا الا ذا..تعبروا فيه الليله.. وبكره لكم الفاميلي..
قلت لامعليش ياماما..
عطينا الفاميلي فيلا.. دام ان فاميلي سويت ميب متوفره..
وبالحقيقه تفشلوا.. واضطروا من الفشيله يعطوننا فيلا كامله عائليه بوسط البحر...
بيسوى لها الف ونص او اكثر .. بقيمة سويتنا ابو 700
وقعدنا فيها طول المده بعد.. (اهه اهه)
ومن الفشيله مااخذوا على عيالي زياده للفطور (كما هو معروف بالنسبه لهم)
مايستفاد..
1-السكن على النت قبل الرحله بشهور قد يثمر...
2-مسافره مختبه مسويه رامبو على غفله
3-لنكاوي لاقون موب شاطرين بتاتا البته
4-انتبهوا اذا قالوا ابقريد... حاولوا تشوفون غرفكم بالنت قبل لاتروحون للفنادق..علشان تكونون على بينه..
تحياتي