الــجــلــيــد
20-04-2022 - 01:26 pm
السلام عليكم ورحمة الله وبركاته
اخواني الاعزاء ... أنا رجل مقبل على زواج تقريبا في منتصف شهر 7 والى الان وانا لم ارتب لشهر العسل
ولكن بعد تجول في منتدى المسافرون العرب قررت بان تكون وجهتي الى ماليزيا .
المبلغ المتوفر هو 20000ريال سعودي شامله التذاكر .
من اهتماماتي ( خطوط الطيران ,الفنادق المميزه في ماليزيا , الاماكن السياحيه , الالعاب المائيه , رحلات بحريه ) .
المبلغ المذكور كم يوم يكفي
بالنسبه للتاكسي هل الاتفاق بالساعه افضل او باليوم , وكيفيه الطريقه للتنسيق معهم طبعا لاتنسون ابي كل الاماكن ماابي اروح واذا رجعت السعوديه القاى مكان مامريت عليه
نسيت الاهم هل صحيح بان شهر 7 سوف يكون في ماليزيا ارتفاع في كل شي بسبب كاس الامم الاسيويه .
الجليد
السلام عليكم
اخوي
اول :- شي الف الف الف مبروك علي الزواج
ثانيا :- اتوقع مبلغك زين وانصحك انك تتعب علي الفنادق الدرجة الاولي واتوقع يكفيج 15 ليلة بالضبط واصلا ماليزيا حدها 15 ليلة وبالنسبة للتكاسي دائما الاتفاق عندهم يكون بالساعة والتكاسي واجد وفي ارقام تاكسي مسلمين وانا راح اسويلك برنامج مدته 15 يوم مع الفنادق .البرنامج 15 يوم
كوالالمبور منطقة سلانجور 3 ليالي
فندق الصن واي لاقون الفلل اللي فيها مسبح خاص لازم تأخذه
طيران داخلي ماليزيا او اسيا الي
جزيرة لنكاوي الرومانسية والهادئه وتصلح حق اللي توهم متزوجين 3 ليالي عندك الفنادق كالاتي :-
( بيلانجي بيتش - لنكاوي لاقون - شيراتون بردانا - برجايا بيتش - فورسيزون بس حيل غالي )
طيران داخلي
بينانق 3 ليالي اي فندق يكون قريب من سوق الليل والاسواق الثانية
طيران داخلي
كوالالمبور العاصمة 5 ليالي المحطة الاخيرة هالمحطة تصلح حق كل شي منها تتسوق ومنها تطلع الي جنتنق الصبح وترجع المغرب ومنها تطلع الكاميرون ز
الفنادق عندك
الريجنت بشارع العرب حيل ممتاز
التايمز سكوير يصلح حيل حق العوائل وفيه مجمع تجاري من 6 طوابق تتكون من محلات ومطاعم
الماندرين اوريتنال مقابل البرجين التوأمين هذا فوق الممتاز بس غالي شوي .
بالنسبة للاماكن هذا بعد ما انت تحدد جم يوم راح تقعد بماليزيا وشنو المناطق اللي تبي تزورها اوكي
اتمني اني وفيتك بالمعلومات اللي راح تفيدك وانا معاك للنهاية .