الله يسلم عمرك
نكمل ببيننق لهواة التسوق السوق التايلندي ممتاز كبضاعة وسعر وسالت حتى عنه بكوالا ولكن مافيش
خامسا :
الشرائح اللي جربته وكان ممتاز سيليكوم وحتى خدمة البلاك بيري مجانا
سادسا : الاسواق بكوالا
لتجنب اهدار الوقت والمال سوق تايم سكوير يغني عن الكثير
سابعا : سلانقور
للي يبي يروح للماينز يخلي سواق التاكسي ينزله بفندق الخيول الذهبية والتجول بحديقته الخلابه ومنها يركب قارب الشخص ب 8 رنقت فرصه للتصوير وتنزل بفندق ان كان الوقت مساء هناك بوفية عشاء خرافي ب 80 رنقت للشخص
ولي رجعات ,,,,,,,

حمد الله على السلامه
وسفره موفقه
بس عاد هات تفاصيل الرحله ما نرضى أقل من كذا
وبالتوفيق للجميع

ابو لمى يسلمك ربي انا مدرس وقسم بالله لو النظام يوافق كان جبت واحد واتعاقد معاه بالباطن ويدرس بدالي وافهمها بقى بس انا تحت امرك لفجر السبت
دومت بود ,,,,,,,,,

مايأمر عليك عدو
وبيض وجهك
وما يجي منك قصور
وصباحك عسل

لسى احنا في بيننق لما تطلع الهضبة في عربات القولق تاخذك لاعلى الهضبة ب 30 رنقت في مطلات فوق واماكن تصوير وهواء منعش وتشوف بيةت الانقليز ايام الاستعمار الان نرجع لتجربة فريدة ونصيحة غاليه من تاج راسي بخصوص فندق فيرست وولرد بجنتينق وكمان نرجع لعنوان لاتسكت ابد على حقك :
حجزت ليلتين بفندق فيرست لغرفة ديلوكس لان مالقيت كلوب وبعد فرفرة على مواقع الحجز المهم يوم وصلت للفندق قلت بغير للكلوب وبدفع الفرق لو دبل قال الصيني غير متوفر قلت حاول منى والا منى قال مابوش المهم طلعنا الغرفة
وش اقول بس صدمة مستوى وضيق ومطل واثاث وتلفزيون صغير بدون ريموت قلت اشغلة ذحين تجيني قناة مصر الاولى والثانيه لا وكاتبين المياه صالحة للشرب مافي قوارير مويه وحاطين علبة شامبو بالجدر مكتوب عليها ثلاث في واحد المهم ذي غرفتي اللي حاجزها ولا في غيرها متوفر قلت لحرمنا المصون بنطلع بس ننام فيها وباقي يومنا برى قلت ذا الكلام وانا اغلي المهم نزلت للاستقبال قلت لهم غيروا الغرفه لان مطلها مخيف وكانت بالدور الرابع المهم غيروها للدور الثاني وكانت ع التل ويمكن اوسع شوي بس نفس المستوى نزلنا للمركز ولفينا شوي ودخلنا عرض لفرقة عالمية كان شو يعني سيرك والعاب وحركات كذا وكان حليوه بعدها طلعنا للغرفة ويوم ارفع اللحاف الا ولقى بقع دم كان اخذ اللحاف وانزل الاستقبال قال الموظف هات اللحاف قلت معصي واعتبر اني حرقته وهذي 100 رنقت جبلي المشرف قال بنغير الغرفة لك قلت غصبن عليك بس اول البوليس السياحي يجي وشوي جت مديرة الفندق لخدمات العملاء والشرطه قالت بغير غرفتك لثانيه اكبر وافضل قلت اشوف ورحنا للغرفة بمعية البوليس قلت زينه وكانت بالادوار العليا وصراحة روعه وسع واثاث ومطل واهتمام للدرجة انها تترتب ثلاث مرات باليوم واعتذار وسلة فواكة كبيره وخدمة سريعة لاي شي اطلبة من محول كهرباء او اي طلب ,,,,,,,,,,,,,

عليكم السلام ورحمة الله وبركاته
الحمد لله علي السلامه
والحمد لله ان اعجبتكم ماليزيا و إن شاء الله تزورونها مرات و مرات
ولا شكر علي واجب و جزاك الله خير
والف شكر

بصراحه عنوانك يخوف
والحمدلله على السلامه
والحمد لله إنها أعجبتكم
بإنتظار بقيه التفاصيل للرحله الجميله

الحمد الله علي السلامه
بس كلامك يقول انك ما استمتعت بالرحله من اولها بالفتدق شكلي بغير وجهت السفر