بالتوفيق ياقلبي وان شاء الله اهل الخبره مايخلونك

مرحبا اختي ملاك عبدالرحمن
فيه طريقتين عشان تحجزين البكج لرحلتك لشهر العسل
الطريقة الأولى:
إنك تدخلين على موقع دليل ماليزيا الرابط :
http://daleel-malaysia.com/index.php
وراح تلقين فيه برامج جاهزة واقتصادية جداً من عمل
الأخ محمد الشرقاوي فتختارين منها اللي تبين ثم تتصلون
به عن طريق الايميل او عن طريق الهاتف وهو راح يتكفل بكل
شي ولما توصلون يستقبلكم ويعطيكم الفوتشرات وقد جربه
بعض الاخوان ويمدحونه
الطريقة الثانية :
وانا أعتبرها اكثر أماناً راح اعمل لك جدول لمدة 12 ليلة موزعة
على اغلب المناطق وبحسب التكلفة اللي انتي حطيتيها وراح
تروحون لمكتب حجوزات مضمون يحجز لكم الفنادق والتذاكر
سواء الداخليه او الدولية وراح ارفق لك رابط من خلاله تقدرين
تنزلين جدولك اليومي في ماليزيا
وطبعاً الاختيار لك يا تختاري الطريقة الأولى أو الثانية
وبسم الله نبدأ :
أولا : ليلتين في ولاية سيلانجور
فندق صن واي لاقون ( خمس نجوم / سمعت انه الآن فل)
لذلك يوجد خيارين آخرين :
1- فندق براميد تاور ( خمس نجوم / ملاصق وتابع لصن واي )
2- فندق الخيول الذهبية ( خمس نجوم / في نفس المنطقة )
( الذهاب إلى لنكاوي عن طريق الطائرة من مطار كوالالمبور )
ثانياً : ثلاث ليال في جزيرة لنكاوي
1- فندق لنكاوي لاقون ( خمس نجوم / يقولون فل)
لذلك يوجد حلول اخرى ما تخافيش :
1- فندق شيراتون لينكاوي (خمس نجوم )
2- فندق برجايا لنكاوي بيتش ( ثلاث نجوم)
( الانتقال من لنكاوي إلى بينانج عن طريق الفري ( العبارة ) ب 50 رنجت )
ثالثاً : ثلاث ليال في جزيرة بينانج
اختاروا احدى الفنادق التالية :
1- فندق بي فيو بيتش ( اربع نجوم )
2- فندق جولدن ساندس ( اربع نجوم )
3- فندق بارك رويال ( اربع نجوم )
( العودة إلى كولالمبور عن طريق الطائرة من بينانج )
رابعاً : أربع ليال في العاصمة كوالالمبور
يمكنكم اختيار احد الفنادق التالية :
1- فندق استانا ( خمس نجوم/ ممتاز واسعاره مناسبة جدا )
2- فندق برجايا تايم سكوير ( خمس نجوم / فندق + مجمع + ملاهي )
3- فندق دورسيت ريجنسي ( اربع نجوم / اسعاره جيده يقع خلف الويستن)
4- فندق بارك رويال (خمس نجوم / قريب من برجايا تايم سكوير ومجمع
ساينق وانق بلازا )
5- فندق كي إل بلازا سويت (ثلاث نجوم / عبارة عن شقق وسويتات)
( وخلال جلوسكم في كوالا تقدرون تخصصون يوم
لمرتفعات جنتنق هي منطقة باردة يوجد بها
مدينة العاب + تلفريك + مطاعم + فله تطلعون لها
من الصباح إلى المغرب, وموجود معلومات عنها في الملف اللي راح
تنزلينه من خلال الرابط اللي تحت)

• وبالنسبة للتكلفة :

لو قلنا ان متوسط سعر الغرفة بالليلة 500 * 12 = 6000
والتذاكر الدولية ب 6000 + التذاكر الداخلية تقريباً ب 800
تطلع الكوست كلها ب 6000 + 6000 + 800 = 12800 يعني قولي
0بس هذي اسعار تقريبية يعني بإذن الله تنقص ما تزيد
وبكذا اختي اكون غطيت لك جدول رحلتك لشهر العسل
وبالنسبة للجدول اليومي تقدرين تدخلين على هالرابط:
https://artravelers.com/p/re/111073
ولأي استفسار انا بالخدمة
لك تحياتي

مرحبا اختي
أول شي مبرووك الزواج وعسى الله يجمعكم على الخير ان شاء الله
وبالنسبه لماليزيا بصراحه الرحلات فل عليها
يعني انا حجزت من بداية شهر 6 الحالي وكانت الطائره فل عدا 4 مقاعد على درجة رجال الاعمال
علما بان الحجز اللي انا حاجزه ليوم 7/7 !!!
على العمووم اذا مصممين على ماليزيا سواء عبر ماليزيا نفسها او عبر سنغافوره او بانكوك
بالنسبة للباكج فاشووف (( في نظري )) ان افضل العرووض هو عرض مكتب سفريات علي بن علي
بصرااحه مسوي جدول بين كوالا وتايلند راائع جدا وسعره ممتاز بالمقارنه مع مكاتب كثيره
والمدة 13 ليله تقريبا اذا ماخانتني الذاكره
حتى السكن هناك سألت عنه واخبروني بان السكن بكوالا بفندق الماريوت (5*)
وحتى ببانكوك ايضا
وبصرااحه لا اتذكر سعر الباكج لكن اذكر انه روعه ورخيص
ممكن تستفسرين عن طريقهم
وان شاء الله اكوون افدتك ولو بشكل بسيط
اخووك الراايق

مشكورين
جزاكم الله خير انكم ساعدتوني الله يفرحكم يارب
وانا ان شاء الله اي استفسار ثاني برد عليكم
في حفظ الرحمن

مبروك الزواج والله يوفقكم وانصحك بالذهاب الي
اولا : الخطوط الماليزيه بجانب سفريات كيلوباترا .
ثانيا: سفريات الديره بجانب مركز العالم الجديد في اتجاه دوار الكتب وهم يعتبرون واكثر مكتب متخصص في الدوحه بالنسبه لماليزيا.
والميزه انك راح تعملين بكج وتدفعين من الدوحه وتعرفين ميزانيت التذاكر والسكن وكم يبقى معكم للمواصلات والاكل والذي منه .