ساري مشاري
22-10-2022 - 11:18 pm
السلام عليكم
انا ناوي اسافر لماليزيا
و ابي اسافر في فتره مو اجازه ابيها تكون خفيفه افضل لي ولزوجتي وتكون ارخص غلموني متى هالفتره
المهم ابيكم تعلموني ماليزيا كم يبي لها يوم
وقسموها لي على مناطقها
انا احب الفله والرومنسيه ابي المناطق الرومنسيه والمناطق الفله
وبالنسبه للفنادق انا فكرت اني اخذ فنادق حلوه وموغاليه
وفنفسي منتجع اسكن فيه يكون عالبحر وكذا يعني
وش المنطقه اللي فيها الفنادق الرومنسيه
وكيف اتنقل من المناطق طيران ولا باص وعلموني الاماكن اللي احجز منها طيران او باص
وابي اعرف المناطق اللي فيها الشلالات نفسي اسبح فيها
وكم الميزانيه للسفره
هذي النقطه اهم نقطه لاني اخاف اتورط تكفون فيدوني بالميزانيه ومثل ما قلت لكم ابيها ففتره مو اجازه
وفكرت اطلع لهونج كونج كم يوم كم تبعد عن ماليزيا وكيف اروح لها طيران ولا كيف
تكفون فيدوني ابي ارتب كل شي للسفره بدري
ترا انا مغتمد علىكم بعد الله
انتظركم
والله يجزاكم الف خير
الأفضل لو انت تحدد كم يوم عشان نعرف نوزعها
ومتي بيكون موعد سفرك في اي شهر تقريبا
و تقريبا كم متوسط سعر الفنادق لليله تقريبي عشان نرشج لك فنادق مقاربه لميزانيتك
عموما الجدول المقبول والمعقول والمتعارف عليه دامك ماحددت كم يوم
ليلتين سيلانقور -- 3 لنكاوي -- 3 بينانق -- 5 بينانق -- اخر ليله بورت ديكسون
الفنادق
سيلانقور -- الصن واي لاقون وبعده البيراميد
لنكاوي -- الويستن او ذا دانا و بعدهم البلانجي بيتش
بينانق -- الراساسايانق ثم البارك رويال والقولدن ساندس
كوالالمبور -- قريب البرجين فندق تريدرز مطله علي البرجين وفي شارع العرب
الويستن و الماريوت وقريب شارع العرب رويال شولان
بورت ديكسون -- فندق قراند ليكزس غرفه ببركة سباحه خاصه
والتنقلات
من سيلانقور إلي لنكاوي ومن لنكاوي إلي بينانق ومن بينانق إلي كوالالمبور
طيران وعندك الماليزيه وآير آسيا والفاير فلاي
وممكن من لنكاوي لبينانق بواسطة العباره الفييري ولا انصح فيه الطيران افضل واسرع واريح
ومن بينانق لكوالالمبور ممكن بالباص او التاكسي مشوار حدود 5 ساعات طريق غير ممل وجميل
الميزانيه صعبه تحديدها لأنك ماحددت الشهر و لكن تقريبا بين 18 و 23 الف
بالنسبه لهونق كونق ممكن تروح لها طيران من بينانق او كوالالمبور حدود ثلاث ساعات ونصف تقريبا إلي اربع