ناصر48
20-06-2022 - 03:27 pm
السلام عليكم
مشكورين على هذا المنتدى الرائع وعساكم سالمين يارب على هالمجهود
انا على وشك زواج يعني تم التحديد في أول اسبوع من الإجازة الصيفية وعندي استفسار
الأول : انا ناوي السفر على ماليزيا وودي أعرف قبل كل شي كم تكاليف السفر لمدة 15 يوم تقريباً اذا انا حجزت من هنا الفنادق واخذت برنامج سياحي بالسكن وغير وطبعاً فنادق فخمة
وودي اعرف هل المبالغ اللي ادفعها للمكتب تكفي بشكل كبير والا اخذ مع فلوس واجد
المهم ابي اعرف كم بتكلفني كلها ياشباب وبنات لأني محتار تعرفون عاد انتوا اللي يتزوج سعودية يتسلف حتى يموت من كثر الديون والمشكله اذا جينا نروح نتزوج من خارج السعودية قالوا لا وهنا مهور تذبح الواحد عسى ربك يعين
والثاني : ابي برنامج سياحي كامل وحلوو ؟
تكفون لاتفشلوني في المرة (الزوجة) خلوها تنهبل من الوناسة مع انها بدويه ماعمرها طلعت من الرياض
والثالث : وهو مهم أبي اعرف كل مدينة وش الأماكن الحلوه فيها مثلاً :
كولا : فيها كذا وكذا وكذا من الأماكن اللي يروحون لها السياح وانا بدوري اخلي السواق يروح لها مو يوديني ويجيبني بكيفه يعني انا اللي ابي اقوله يروح لأماكن اعرفها .
ياليت تكملون جميلكم ياحلوين لأنكم والله والله ماقصرتوا باللي شفتها واستفدت منه بس عجزت ارتب بعض الأشياء وهذا اللي نقصني فوق
وعسى ربي يوفقكم ويبسطكم دنيا وآخرة
اخوكم ناصر
