اشدعوى محد يرد عسى ماشر وينهم اختفو

اهلين وسهلين
لالا تاخرنا شوي بس سامحينا
شوفي اختي انا ما جربت التايم سكوير بس مدام مدحوه لك توكلي على الله
الحلو في مكانه بجنبه مجمع التايم سكوير و مدينة العاب صغيره داخله
ومنه تركبي المونوريل ( قطار ) يوديكي لشارع العرب تنزلي بتلاقي على جمبه مجمع كبير اسمه سونغي وانغ يحتوي على بضاعات مقلده بشكل حلو ورخيصه مره بس كاسريهم وهم من الجنسيه الهنديه ويتكلموا عربي وكل شي بتلاقيه هناك في ماليزيا للاطفال ولك
بالاضافه الى ان الدنيا امان ولكن عليكي باتباع النصائح التاليه
1- الخروج مبكرا و التواجد في الاماكن العامه يعني لاتدخلوا زقاق ومن هذا الكلام
2 - لا تركبوا إلا مع التكاسي و القطارات لو واحد سيارته عاديه وقال تاكسي طنشيه
3- عدم لبس ذهب وساعات وشنط غاليه تمشي فيها بالشارع لان لازم يكون في نفوس ضعيفه في اي مدينه بالعالم
4- الرجوع للفندق الساعه 8 بالليل بالكثير 9
وان شاء الله تستمتعي بالرحله هناك

عليكم السلام
بصراحة التسوق في ماليزيا غالي شويات
عندك مجمع البافليون
وعندك ال klcc ( الكي ال سي سي )
عندك البازار الصيني كمان اسعاره غالية نفس الكي ال سي سي
طيب من فين يقضو الماليزيين ؟
من منطقة في وسط البلد اسمها شوكت
اركبي تاكسي وقوليلة شوكت
لاتركبي الا التاكسي الاحمر هو افضل تاكسي في كوالالمبور
التاكسي الازرق لا ( فتح العداد ب رنقت )
بالنسبة للتايم سكوير مرة حلو للسكن
مدام عندك اطفال انصحك تروحي قنتنق بس لاتروحي في الوكند
اي السبت والاحد
ماليزيا حلوة مرة والشعب حلو مرتين
ومساء الفل

ماشاء الله عليك يا العدني جوهرة معلومات
التايم سكوير حجزت ثلاث اشخاص
يمدحونه ورائع وايضا كل شيء متوفر فيه
سوق - قطار موقعه ممتاز ورائع
بالنسبة للامان
يفضل انك بالفندق قبل 10- 11 ليلا
بالنسبه للاطفال عادي جدا الامان موجود والحمدلله
تحياتي لكم

يسلمو AL3DNI وأبو الفداء وmazmaz_o صراحة ريحتوني كنت قلقانة لانة زوجي كان بدو نغير بس اصريت قلت معانا اطفال وافضل اسكن 5نجوم عشان اكون مرتاحة يسلمو بس القطار كيف اركبو بطاقة والا اشلون ومن اركبو وين بيكون واي محطة اوقف اول محطة او ثاني ولبغيت ارجع مع الغطار كيف لانة اولادي ودهم يركبون القطار بس احب اعهرف التفاصيل ويعطيكم الف عافية ادري كثرت عليكم بس احب اعرف المنطقة عشان لوصلت اعرف اتصرف لانة زوجي يعتمد علي في امور كثير ة هو من النوع المتردد بس انا اشجعة في سفرات انغامر بكل شي مع انو ميشجع بعض الاحيان مايحب يطلع من الفندق ولا يحب يروح ويطلع يعني شوي احسو معقد بس انا جريئة احب اغامر على فكرة هاي اول سفرة لينا مع الولاد دايما نروح انا وزوجي بس عشان كذا الله يعيني هوا لوحدة اقعد اقنع لين يوافق اللحين معانا الولاد والله اخاف يخرب علي السفرة ويخلينا بس الفندق والالعاب الي تحت بس ادعو لي الله يهدي لي ولولادي امين

ما قصروا الإخوان الله يعطيهم العافيه .. حبيت أضيف إن في كوالا مجمعات توجد بها ماركات عالميه مثل سوق البرجين والبافليون وهناك مجمعات سعرها مناسب وأنصحك فيها كالبي بي بلازا والتايم سكوير والسوق الصيني جيد لكن إذا نويتوا تزورونه تجونه في غير الويك اند وتجونه بدري الساعه 12 الظهر تقريباً وتطلعون بدري على شان الزحمه ..