ان شاء الله الاخوان ما بيقصرون معاك والله المستعان

مشكزر اخوي اهل السنة
وياليت كل من يقدر يساعدني لايتأخر علي لان مابقي غير خمسة عشر يوم و ماجهزت شيء الى الان
وللمعلومية اول مرة اسافر خارج السعودية
ومحتاج نصائحكم لكل شيء يخص السفر

السلام عليك اخوي
شي فندق اسمه
Grand Continental Flamingo Hotel
وفندق ثاني
Golden Tulip Dalma Plaza
الفندقين قراب على في فندق روتانا المها (شارع حمدان)
والاسعار تختلف على عدد الاشخاص
واذا في احد في المنتدى من بوظبي بيفيدك اكثر مني
ويا مرحبابك في دار زايد

يا أهل ابوظبي الطيبين
ياليت احد يتكرم و يرد علي
وانا مستعجل حتي انهي امور السفر واحجز من مكتب سياحة تدلوني عليه
والله المستعان

اخوي انت ماحددت بكم تبي اجار الغرفة اليومي.... المها روتانا... يقع تقريباً في شارع حمدان...او الكترا... كلهم زي بعض....والمنطقة هذي فيها فنادق كثير... انت بس حدد.. تبي شقه... غرفه.... كم نجمه؟؟ ...
عندك سيتي سيزون... جنب المها روتانا مره.. وارخص طبعاً...4 نجوم.... وفيها سويت كبير يكفي عائلة..... انت بس حدد وانا اجاوبك...

يعطيك العافية اخوي Mrs_albrahim على الرد , انا عندي دورة في المها روتانا , ومعي عائلتي( زوجتي واطفال اثنين اعمارهم ثلاث سنوات وخمس سنوات) , اما بالنسبة للفندق يكون ثلاث نجمات او اكثر بس يكون نظيف ولمدة ست ليالي.يفضل ان الفندق يكون قريب من المها روتانا
واذا تعرف ايجار سيارات هل افضل اني اخذ من المطار او فيه مكتب قريب من الفندق, وياريت تعطيني اسعار لايجار السيارات.
وشكرا,,,,

السلام عليكم ahmad1421
اخوي الفندق الي انته عندك دوره فيه امسوي عرض اليوم اب 500 درهم و فيه فندق ثاني اسم فندق ساندز قريب من فندق المها روتانا ... بس ما اعرف كم اسعارهم .... انته بس لو تعطيني ميزانيتك لليوم الواحد كم بحاول اشوف لك شي قريب و مناسب حتى لو شقق مفروشه لانها بدت تنتشر في ابوظبي و هي نظيفه و اسعارها حلوه ... بالنسبه للتأجير و الله انا ما عندي خلفيه عن الاسعار بس الي اعرفه انك بتحصل في المطار شركات تأجير.. و سامحني لو اني ما قدرت اساعدك ... و لو في شي امر و ان شاء الله بالي ربي بيقدرني عليه بسويه ...

بما ان الاخ ابوظبي يقول ان المها روتانا مسوين عرض اليوم ب500... انا اعتقد انه سعر حلو...بس اكيد للغرفة مو للسويت..حاول انك تروح مكاتب سياحية هنا في السعودية... وتشوف الفنادق اللي في شارع حمدان... ويا كثرها.... وتحجز من عندهم لان المكاتب ارخص من الحجز مباشرة...فندق ساندز رخيص بعد اذا بتحجز عن طريق المكاتب..
بالنسبة لإيجار السيارات...فيه مكاتب تأجير في المطار... بس اذا موعد وصولك لإبوظبي بعد الساعه تسع مساءاً للأسف راح تلقى كل المحلات مسكره...اما في داخل ابوظبي فأعتقد انها تسكر على الساعه 8....