هلا فيك ..
المخطط يكون هكذا النزول مطار فرانكفورت يوم ثم 5 ايام بمدينة روشت ( التي بها ملاهي يورب بارك ) ومنها تزور بحيرة تيتسي وفرايبورج وبادن بادن وستراسبورخ الفرنسيه ثم يوم بفرانكفورت والعوده منها
التكلفه يعتمد على عددكم وبكم السكن والتذاكر والسياره ؟؟؟
تحياتي

تسلم اخوي والله ما تقصر
عدد الاشخاص انا وزوجتي ، تتوقع 20000 ريال تكفي للرحله من تذاكر سفر وسكن ورحلات داخليه مثل اللي ذكرتها ومصاروف جيب ؟ والا بتتعدى هالمبلغ ؟
وبالنسبه لليوروب بارك كم سعر التذكره للشخص ؟ وهل يكفيها يوم واحد والا اثنين ؟
ولو قلنا فندق 3 او 4 نجوم كم تقريبا تكون اسعارهم ؟

كافيه ان شاء الله ..
متى موعد السفر ؟؟؟ وتبي تأجر سياره وله لا ..
واترك الباقي علينا

انا للحين متحير في الموعد
بس اكثر الظن بيكون فوق شهر 3 السنه الجايه ، بس تعرف لازم اخطط وابرز كل شي من الحين علشان بعدين ارتاح والاسعار ما ترتفع.
وبالنسبه للسياره والله ودي لكن مثل ما قلت لك انا هذي ميزانيتي للرحله كلها A to Z
من تذاكر طيران وحجز الفنادق ومصروف يومي ورحلات وكل شي
وما ادري عاد انت شوف خبرتك هل تكفي هذي الى كل شي واذا ممكن احجز سياره عادي بالعكس انا حاب اجرب هالشي ويقولون انه يوفر كثير بس الله اعلم انت اخبر بهالشي.
مسامحه اخوي بتعبك وياي

هلا فيك ....
افضل شيئ ومن تجربه خل الرحله اخر شهر 5 ... ..
لو تطبقنا المخطط الي ذكرته لك .. ان شاء الله بتكفي ... راح نسكن بروشت بفندق 3 نجوم نظيف وممتاز او شقق لو تحبون تطبخون ...
وانزور كل ما ذكرت لك لو معانا سياره ... اماكن كثير وفعاليات كثير.. وكل شيئ غير الثاني ... وبتنبسط نت والمدام ..
ممكن لو كان وصولنا على فرانكفورت الظهر ننتجه مباشهر الى روشت ثم يوم بفرانكفورت للتسوق والعوده منها .. وطبعا على طيران السعوديه رخيص لو حجزنا بدري ...
واسئل على راحتك .. ولا تتردد

تسلم والله يالغالي ما قصرت
ان شاء الله راح ارد عليه على بدايه شهر 11
لان لازم اتأكد من الميزانيه وكل شي بعدين ارتب ما ابغي اتعبك اكثر وبعدين الميزانيه تخترب.
والله يعطيك الف عافيه يالغالي.

عزيز وغالي حتى ذالك الحين
نتمنى لكم الصحه والعافيه