yazed1
02-08-2022 - 10:13 pm
السلام عليكم ورحمه الله وبركاتة
أخواني يشهد الله علي ان هالمنتدى هو أساس كل رحلة لي ومعلومات قيمة مايعلمها الا من سافر واستفاد من هذا المنتدى
سفراتي الذي استفدت منها لماليزيا والفلبين وتايلند وغيرها الكثير
المهم : أخواني انا بروح للصين انا وخواني 2
يعني حنا 3 شباب
ورحتلي ب 7 سبتمبر والعودة 21 سبتمبر
الرحلة الرياض hong kong
والعودة كذلك
بداية الرحلة تم قص التذاكر وتم أستخراج الفيزة
باقي الجدول مع العلم ان معي مبلغ 50 الف لشراء بعض الاغراض للاستفادة منها وبيعها هنا بعد ماأجي
مافيه شي معين بشرية بشري خرابيط لي وبشري اشياء اطلع منها حق السفرة
أخواني أخواتي لاتبخلون علي تكفون بجدول الرحلة طلبتكم
على فكرة الهدف من السفرة التمشي وشراء بعض المسلتزمات مثل كمبيوتر واجهزة جوال واي شي يعجبني
ابي الجدول ولا عليكم أمر مع المواقع لمحلات الرخيصة والمطاعم
أحياناً أجد تجاهل من الأخوان يعني موضوعي عدد القراء 200 ولا القى ولا رد تكفون رد بأي شي تراه يفيدني
المطلوب
الرحلات بالمدن والجزر وهذا الأهم
الفنادق المتميزة من القرب لمواقع الجميلة
التسوق
عطوني جدول لأهل الخبره وصدقوني راح أدعي لكم
اخي الكريم طمعت في الدعوه اتمنى تدعيلي بالتوفيق في الدنيا والاخره
من خلال قرائتي ومعلوماتي المتواضعه ما ينصحون شراء الاب توبمن الصين
لانه مقارب للسعر والهواتف توجد اصليه بس يبالها خبير
طبعا من خلال قرائاتي في المواضيع هنيه يعني ماعندي اي خبره
وانا ابحث عن المعلومات التجاريه لان رحلتي بتكون رحلت عمل باذن الله
بعض النصايح الي استفت منها الحذر من اخذ مبالغ كبيره ووضعها في صندوق الامانات اذا الفندق مب ثقه
ممكن يبدلونها من دولارات صحيحه لمزيفه وهذا الموضوع وجزاه الله خير صاحب الموضوع على التنبيه
https://artravelers.com/p/re/418149
الصينين يوم يشوفون العرب يرفعون في السعر فاستمر بالمفاصله عن الشراء بالحاسبه مثل يحطون لكالمبلغ وتاشر
انه غالي وتخليها تنزل لاخر سعر عندها ثم ضع نصف الرقم بالحاسبه وزد عليه شي بسيط حتى تقبل والصين لا يتكلمون الانجليزيه فلو يكون عندك رقم مترجم يمكن تحتاجه الاحتياط وهذا الموضوع بس اقراه بالكامل لان بعض المترجمين ما طلعو ثقه خل بالك منهم
https://artravelers.com/p/re/101464
لازم تاخذ كروت الفندق وتكتب بالعربي عليهن عشان تذكروتاخذ كروت من ايمكان حاب تزوره مره ثانيه لان صاحب التكسي لا يجيد الانجليزيه فانته ابدا لا تكلمه اعطه كرت المكان الي متوجه له وبيوديك
هون كونق يتكلمنو الانجليزيه يعني عادي بتقدر تتصرف هذا اذا عندك لغه
انصحك تقرا المواضيع خذ لفه في الاقسام وبتستفيد وايد ورتبلك جدول وبعدين اطرحه هنيه واسالهم شو الي ممكن تضيفه له وبالتوفيق ولا تنسى تدعيلي وربي يسهل اموري ويوفقني
والسلام عليكم ورحمة الله